Gujarat Weather winter updates, winter forecast, ગુજરાત હવામાન ઠંડીની આગાહી : ગુજરાતમાં અત્યારે ઠંડીમાં આંશિક ઘટાડો નોંધાયો છે. બપોરના સમયે ગરમીનો અહેસાસ થવા લાગ્યો છે ત્યારે રાજ્યમાં 48 કલાક બાદ ફરી કાતિલ ઠંડીનું મોજું ફરી વળવાની આગાહી હવામાન વિભાગે સેવી છે. સોમવારના દિવસે ગુજરાતમાં 15 ડિગ્રીની આસપાસ લઘુતમ તાપમાન નોંધાયું હતું. નલિયામાં પણ 10.5 ડિગ્રી લઘુતમ તાપમાન યથાવત રહ્યું હતું.
નલિયામાં 10.5 ડિગ્રી લઘુતમ તાપમાન યથાવત
ગુજરાતના તાપમાનમાં સામાન્ય ફેરફાર નોંધાયો હતો. સોમવારના દિવસે ગુજરાતમાં 10.5 ડિગ્રીથી લઈને 19.4 ડિગ્રી લઘુતમ તાપમાન નોંધાયું હતું. નલિયામાં રવિવારના તાપમાનમાં કોઈ ફેરફાર ન થતાં 10.5 ડિગ્રી પર યથાવત રહ્યું હતું. જ્યારે વેરાવળમાં 19.4 ડિગ્રી લઘુતમ તાપમાન નોંધાયું હતું.
અમદાવાદમાં પણ તાપમાનમાં સામાન્ય ઘટાડો
સમગ્ર ગુજરાતમાં અત્યારે ઠંડીમાં સામાન્ય ઘટાડો નોંધાયો છે ત્યારે અમદાવાદમાં તાપમાનમાં સામાન્ય વધારો થયો હતો. સોમવારે અમદાવાદમાં 17 ડિગ્રી લઘુતમ તાપમાન નોંધાયું હતું. અમદાવાદમાં બપોરના સમયે ગરમીનો અહેસાસ થઈ રહ્યો છે.
ગુજરાતમાં ક્યાં કેટલી ઠંડી નોંધાઈ?
શહેર મહત્તમ તાપમાન (ડિગ્રીમાં) લઘુતમ તાપમાન (ડિગ્રીમાં) અમદાવાદ 32.1 17.0 ડીસા 31.6 16.1 ગાંધીનગર 32.2 16.7 વિદ્યાનગર 31.5 17.2 વડોદરા 32.4 17.6 સુરત 34.0 18.6 વલસાડ – – દમણ 31.6 16.8 ભૂજ 30.7 13.6 નલિયા 30.4 10.5 કંડલા પોર્ટ 29.5 16.2 કંડલા એરપોર્ટ 29.5 13.5 અમરેલી 32.4 15.4 ભાવનગર 30.8 17.4 દ્વારકા 30.4 17.3 ઓખા 25.0 19.2 પોરબંદર 32.0 14.3 રાજકોટ 33.5 15.2 વેરાવળ 30.2 19.4 દીવ 29.6 16.0 સુરેન્દ્રનગર 33.0 17.2 મહુવા 32.8 17.1 કેશોદ 31.3 15.0
ગુજરાતમાં 48 કલાક બાદ પડશે જોરદાર ઠંડી
ગુજરાતમાં અત્યારે ઠંડીમાં ઘટાડો નોંધાયો છે. જોકે, આગામી 48 કલાક સુધી તાપમાનમાં કોઈ ફેરફાર કેમ નથી. જોકે હવામાન વિભાગની આગાહી પ્રમાણે આગામી 48 કલાક બાદ તાપમાનમાં બેથી ત્રણ ડિગ્રીનો ઘટાડો નોંધાતા રાજ્યમાં ફરીથી ઠંડીનું મોજું ફરી વળશે.
