Gujarat Winter weather Update : ગુજરાતમાં નલિયા બાદ ડીસામાં પણ ઠંડીનો પારો 8 ડિગ્રી નજીક પહોંચ્યો, આજે કચ્છમાં કોલ્ડ વેવની આગાહી

Gujarat Weather winter updates, winter forecast, ગુજરાત હવામાન ઠંડીની આગાહી : શિયાળાએ ડિસેમ્બર મહિનાની શરુઆતથી જ પોતાનું અસલી સ્વરૂપ દેખાડવાનું શરુ કરી દીધું છે. ગુજરાતમાં અત્યારે કાતિલ ઠંડી પડી રહી છે. રાજ્યના મોટા ભાગના વિસ્તારોમાં 10 ડિગ્રીની આસપાસ લઘુતમ તાપમાન નોંધાઈ રહ્યું છે ત્યારે નલિયા બાદ હવે ડીસામાં પણ ઠંડીનો પારો 8 ડિગ્રી નજીક પહોંચ્યો છે. બીજી તરફ હવામાન વિભાગે આજે સોમવારે કચ્છમાં પણ ભારે કોલ્ડ વેવની આગાહી કરી છે.

ડીસામાં 8 ડિગ્રી નજીક પહોંચ્યું લઘુતમ તાપમાન, નલિયા રાજ્યનું સૌથી ઠંડુ શહેર

ગુજરાતમાં ઠંડીનું મોજું ફરી વળ્યું છે ત્યારે ભારે ઠંડીના પગલે લોકો ઠુંઠવાઈ રહ્યા છે. ગુજરાતમાં પણ ઠંડીનો પારો તળિયે પહોંચી રહ્યો છે. ત્યારે નલિયા બાદ હવે ડીસામાં પણ 8 ડિગ્રી નજીક લઘુતમ તાપમાન પહોંચી ગયું છે. જ્યારે નલિયામાં ફરી 6.2 ડિગ્રી લઘુતમ તાપમાન નોંધાયું હતું. ગુજરાતમાં અત્યારે 6.2 ડિગ્રીથી લઈને 20.2 ડિગ્રી લઘુતમ તાપમાન નોંધાયું હતું. રાજ્યના મોટા ભાગના વિસ્તારોમાં 10 ડિગ્રીની આસપાસ લઘુતમ તાપમાન રહ્યું હતું.

અમદાવાદમાં 13 ડિગ્રીની આસપાસ ઠંડી યથાવત

ગુજરાતમાં પડતી કડકડતી ઠંડીના પગલે મેટ્રો શહેર અમદાવાદ પણ ઠઠરી રહ્યું છે. અમદાવાદમાં 13 ડિગ્રીની આસપાસ તાપમાન યથાવત રહ્યું છે. રવિવારે અમદાવાદ શહેરમાં 13.5 ડિગ્રી લઘુતમ તાપમાન નોંધાયું હતું. જ્યારે ગાંધીનગરમાં 11.4 ડિગ્રી લઘુતમ તાપમાન નોંધાયું હતું. ઠંડીના પગલે શહેરી જીવન પર અસર વર્તાઈ રહી છે. કામ વગર લોકો ઘરની બહાર નીકળવાનું ટાળી રહ્યા છે.

ગુજરાતમાં ક્યાં કેટલી ઠંડી નોંધાઈ?

આ પણ વાંચોઃ- Year Ender 2024: ગુજરાત માટે વર્ષ 2024 નકલીની બોલબાલા, જ્યાં જુઓ ત્યાં નકલી જ નકલી, વાંચો ખાસ અહેવાલ

ઉ

આજે કચ્છમાં કોલ્ડ વેવની આગાહી

ઉત્તર ભારતના પહાડી રાજ્યોમાં ભારે હિમ વર્ષાના પગલે ઉત્તર ભારત સહિત ગુજરાત ઉપર ઠંડીનું મોજું ફરી વળ્યું છે. હિમ વર્ષાની અસર ગુજરાત ઉપર દેખાઈ રહી છે. ઠંડા પવનો ફૂંકાવાના કારણે ગુજરાતમાં ઠંડીનો પારો નીચે ગગડ્યો છે. ત્યારે હવામાન વિભાગે આજે સોમવારે પણ કચ્છમાં કોલ્ડ વેવની આગાહી કરી છે.