Gujarat Weather winter updates, winter forecast, ગુજરાત હવામાન ઠંડીની આગાહી : ફેબ્રુઆરી મહિનો અડધો થવા આવ્યો છે ત્યારે શિયાળો પણ ધીમે ધીમે અંત તરફ સરકી રહ્યો છે. આવી સ્થિતિમાં તાપમાનમાં ચડ ઉતર જોવા મળી રહી છે. ગુજરાતમાં રવિવારના દિવસે ઠંડીમાં સામાન્ય વધારો નોંધાયો હતો. જ્યારે આગામી પાંચ દિવસ ઠંડીમાં મોટો ફેરફાર નહીં થાય. આગામી દિવસોમાં ધીમે ધીમે ઠંડી ઘટવા લાગશે. જોકે નલિયામાં પણ ઠંડીમાં થોડો વધારો નોંધાયો હતો.
નલિયામાં ઠંડીમાં સામાન્ય વધારો નોંધાયો
અત્યારે સમગ્ર ગુજરાતમાં ઠંડીમાં વધઘટ થઈ રહી છે ત્યારે હવામાન વિભાગે આપેલા ઠંડીના આંકડા પ્રમાણે શનિવારે ગુજરાતમાં 10.4 ડિગ્રીથી લઈને 18.6 ડિગ્રી લઘુતમ તાપમાન રહ્યું હતું. જેમાં 10.4 ડિગ્રી લઘુતમ તાપમાન સાથે નલિયા રાજ્યનું સૌથી ઠંડુ શહેર રહ્યું હતું. જ્યારે સુરતમાં 18.6 ડિગ્રી લઘુતમ તાપમાન નોંધાયું હતું. ડીસામાં 12.5 ડિગ્રી અને કેશોદમાં 13.4 ડિગ્રી લઘુતમ તાપમાન નોંધાયું હતું.
અમદાવાદ અને ગાંધીનગરમાં પણ સામાન્ય ઠંડી વધી
થોડા દિવસ કાતિલ ઠંડીએ ભુક્કા બોલાવ્યા બાદ અત્યારે ઠંડીમાં વધઘટ જોવા મળી રહી છે. આખા ગુજરાતમાં ઠંડી ચડઉતર થઈ રહી હતી. ત્યારે ગાંધીનગર અને અમદાવાદમાં પણ ઠંડીમાં સામાન્ય વધારો નોંધાય હતો. અમદાવાદમાં 14.9 ડિગ્રી લઘુતમ તાપમાન અને ગાંધીનગરમાં 12.2 ડિગ્રી લઘુતમ તાપમાન નોંધાયું હતું.
ગુજરાતમાં ક્યાં કેટલી ઠંડી નોંધાઈ?
શહેર મહત્તમ તાપમાન (ડિગ્રીમાં) લઘુતમ તાપમાન (ડિગ્રીમાં) અમદાવાદ 33.8 14.9 ડીસા 33.3 12.5 ગાંધીનગર 33.8 12.2 વિદ્યાનગર 32.7 16.2 વડોદરા 34.2 15.6 સુરત 35.2 18.6 વલસાડ – – દમણ 31.4 18.0 ભૂજ 33.6 14.9 નલિયા 33.0 10.4 કંડલા પોર્ટ 29.9 16.0 કંડલા એરપોર્ટ 33.1 13.0 અમરેલી 00 00 ભાવનગર 33.2 16.9 દ્વારકા 26.5 17.6 ઓખા 25.4 17.8 પોરબંદર 31.1 14.0 રાજકોટ 35.3 14.4 વેરાવળ 29.8 17.9 દીવ 29.7 15.4 સુરેન્દ્રનગર 34.8 15.5 મહુવા 34.8 15.6 કેશોદ 32.9 13.4
ગુજરાતના તમામ સમાચારો વાંચવા માટે અહીં ક્લિક કરો
આગામી પાંચ દિવસમાં તાપમાનમાં કોઈ ફેરફાર નહીં થાય : હવામાન વિભાગ
ગુજરાતમાં શિયાળો વિદાય તરફ આગળ વધી રહ્યો છે ત્યારે હવે ઠંડીમાં પણ સામાન્ય વધારો નોંધાયો હતો. વહેલી સવારે ઠંડી અને બપોરના સમયે ગરમીનો અહેસાસ થઈ રહ્યો છે ત્યારે આગામી પાંચ દિવસ દરમિયાન રાજ્યના તાપમાનમાં કોઈ ફેરફાર નહીં થવાની શક્યતાઓ હવામાન વિભાગે સેવી છે. માટે હવે પાંચ દિવસ સુધી લોકોને ઠંડીમાં રાહત મળશે.
