Gujarat Weather winter updates, winter forecast, ગુજરાત હવામાન ઠંડીની આગાહી : ગુજરાતમાં ઠંડીનો રાઉન્ડ શરૂ થયાના થોડા દિવસો થઈ ગયા છે. ત્યારે છેલ્લા બે દિવસમાં ઠંડીમાં આંશિક ઘટાડો નોંધાયો હતો. અત્યારે રાજ્યમાં 15 ડિગ્રીની આસપાસ લઘુતમ તાપમાન નોંઘાયું છે. ફેબ્રુઆરી મહિનાની શરુઆતમાં પડેલી ઠંડી કરતા અત્યારની ઠંડીમાં ઘટાડો નોંધાયો છે. નલિયામાં પણ તાપમાન ઉચકાઈને 10 ડિગ્રી પાર કરી ગયું છે.
નલિયામાં બે દિવસમાં ત્રણ ડિગ્રી તાપમાન ઉચકાયું
અત્યારે સમગ્ર ગુજરાતમાં ઠંડીમાં ઘટાડો નોંધાયો છે ત્યારે હવામાન વિભાગે આપેલા ઠંડીના આંકડા પ્રમાણે શનિવારે ગુજરાતમાં 11 ડિગ્રીથી લઈને 20.6 ડિગ્રી લઘુતમ તાપમાન રહ્યું હતું. જેમાં 11 ડિગ્રી લઘુતમ તાપમાન સાથે નલિયા રાજ્યનું સૌથી ઠંડુ શહેર રહ્યું હતું. જ્યારે ઓખામાં 20.6 ડિગ્રી લઘુતમ તાપમાન નોંધાયું હતું. ડીસામાં 12.6 ડિગ્રી અને કેશોદમાં 12.9 ડિગ્રી લઘુતમ તાપમાન નોંધાયું હતું.
અમદાવાદ અને ગાંધીનગરમાં પણ ઠંડી ઘટી
થોડા દિવસ કાતિલ ઠંડીએ ભુક્કા બોલાવ્યા બાદ અત્યારે ઠંડીમાં ઘટાડો નોંધાયો હતો. આખા ગુજરાતમાં ઠંડી ઘટવાની સાથે રાજ્યના પાટનગર અને મેગા શહેર અમદાવાદમાં પણ ઠંડીમાં ઘટાડો નોંધાય હતો. અમદાવાદમાં 16.1 ડિગ્રી લઘુતમ તાપમાન અને ગાંધીનગરમાં 14.8 ડિગ્રી લઘુતમ તાપમાન નોંધાયું હતું.
ગુજરાતમાં ક્યાં કેટલી ઠંડી નોંધાઈ?
શહેર મહત્તમ તાપમાન (ડિગ્રીમાં) લઘુતમ તાપમાન (ડિગ્રીમાં) અમદાવાદ 31.0 16.1 ડીસા 32.3 12.6 ગાંધીનગર 28.8 14.8 વિદ્યાનગર 28.5 14.6 વડોદરા 33.0 15.6 સુરત 34.6 17.3 વલસાડ – – દમણ 31.4 17.8 ભૂજ 33.7 13.8 નલિયા 33.5 11.0 કંડલા પોર્ટ 31.5 15.4 કંડલા એરપોર્ટ 31.8 11.8 અમરેલી 00 13.6 ભાવનગર 31.4 15.4 દ્વારકા 31.2 19.1 ઓખા 26.8 20.6 પોરબંદર 33.1 17.1 રાજકોટ 34.9 13.4 વેરાવળ 29.8 18.4 દીવ 31.2 16.6 સુરેન્દ્રનગર 33.3 15.2 મહુવા 34.8 14.7 કેશોદ 32.8 12.9
ગુજરાતના તમામ સમાચારો વાંચવા માટે અહીં ક્લિક કરો
આગામી પાંચ દિવસમાં તાપમાનમાં કોઈ ફેરફાર નહીં થાય : હવામાન વિભાગ
ગુજરાતમાં શિયાળો વિદાય તરફ આગળ વધી રહ્યો છે ત્યારે હવે ઠંડીમાં પણ ઘટાડો નોંધાઈ રહ્યો છે. વહેલી સવારે ઠંડી અને બપોરના સમયે ગરમીનો અહેસાસ થઈ રહ્યો છે ત્યારે આગામી પાંચ દિવસ દરમિયાન રાજ્યના તાપમાનમાં કોઈ ફેરફાર નહીં થવાની શક્યતાઓ હવામાન વિભાગે સેવી છે. માટે હવે પાંચ દિવસ સુધી લોકોને ઠંડીમાં રાહત મળશે.
