Gujarat Weather winter forecast, ગુજરાત હવામાન ઠંડીની આગાહી : ઉત્તર ભારતમાં પહાડી વિસ્તારોમાં હીમ વર્ષા પડવાના કારણે ગુજરાતમાં પણ અસર થઈ રહી છે. ગુજરાતમાં હવે ઠંડીનો ચમકારો અનુભવાય છે. રાજ્યમાં નોંધાયેલા તાપમાનની વાત કરીએ તો ગુજરાતમાં ઠંડીનો પારો 15 ડિગ્રી સુધી પહોંચી ગયો છે. ગાંધીનગરમાં 15 ડિગ્રી લઘુતમ તાપમાન નોંધાતા રાજ્યનું સૌથી ઠંડુ શહેર રહ્યું હતું. આગામી દિવસોમાં પણ હજી પણ વધારે કડકડતી ઠંડી પડશે.
15 ડિગ્રી લઘુતમ તાપમાન સાથે ગાંધીનગર બન્યું રાજ્યનું સૌથી ઠંડુ શહેર
ગુજરાતમાં શિયાળો આગળ ધપી રહ્યો છે તેમ ઠંડીનો પારો પણ ગગડી રહ્યો છે. રાજ્યમાં મંગળવારે 15 ડિગ્રીથી લઈને 25 ડિગ્રી વચ્ચે લઘુતમ તાપમાન નોંધાયું હતું. ગુજરાતમાં ગાંધીનગરમાં 15 ડિગ્રી લઘુતમ તપામાન નોંધાયું હતું. જે રાજ્યનું સૌથી નીચું તાપમાન હતું. જ્યારે ઓખામાં 25 ડિગ્રી લઘુતમ તાપમાન નોંધાયું હતું. ગુજરાતમાં મોટા ભાગના શહેરોમાં 20 ડિગ્રીની નીચે તાપમાન નોંધાયું હતું.
અમદાવાદમાં ઠંડીનો ચમકારો
અમદાવાદ શહેરમાં ઠંડીનો પારો ગગડ્યો છે. મંગળવારે અમદાવાદમાં 20 ડિગ્રીની નીચે તાપમાન પહોંચી ગયું હતું. જોકે, હવેલી સવારે અને મોડી સાંજ પછી શિયાળાની ઠંડીનો અહેસાસ થઈ રહ્યો છે. વહેલી સવારે રસ્તાઓ ઉપર ધુમ્મસ પણ જોવા મળી રહ્યું છે.
ગુજરાતમાં ક્યાં કેટલી ઠંડી નોંધાઈ?
શહેર મહત્તમ તાપમાન (ડિગ્રીમાં) લઘુતમ તાપમાન (ડિગ્રીમાં) અમદાવાદ 31.5 19.7 ડીસા 33.2 16.4 ગાંધીનગર 32.0 15.0 વિદ્યાનગર 31.9 19.4 વડોદરા 31.6 17.0 સુરત 32.6 20.1 વલસાડ – – દમણ 33.4 19.0 ભૂજ 34.0 18.6 નલિયા 32.8 15.5 કંડલા પોર્ટ 33.6 20.5 કંડલા એરપોર્ટ 33.0 15.5 અમરેલી 32.0 17.0 ભાવનગર 30.8 19.2 દ્વારકા 33.4 22.0 ઓખા 30.9 25.0 પોરબંદર 33.4 19.0 રાજકોટ 34.8 17.2 વેરાવળ 33.6 22.5 દીવ 33.1 20.4 સુરેન્દ્રનગર 33.8 19.0 મહુવા 31.8 17.5 કેશોદ 33.7 16.8
આ પણ વાંચોઃ- અમદાવાદ-મહેસાણા-પાલનપુર રોડને હાઈ-સ્પીડ કોરિડોર તરીકે વિકસાવવા ગુજરાત સરકારે લીધો મોટો નિર્ણય
ડિસેમ્બરની શરુઆતથી જ પડશે કડકડતી ઠંડી?
નવેમ્બર મહિનો જેમ જેમ આગળ વધી રહ્યો છે તેમ તેમ તાપમાન પણ ઘટી રહ્યું છે. અત્યારે ગુજરાતમાં મોટાભાગના વિસ્તારોમાં 19-20 ડિગ્રીની આસપાસ તાપમાન નોંધાયું છે. ઉત્તર ભારતમાં પહાડી વિસ્તારોમાં બરફ પડવાના કારણે આગામી દિવસોમાં ગુજરાતમાં હજી પણ વધારે ઠંડી પડશે. ડિસેમ્બરની શરુઆતમાં રાજ્યમાં કડકડતી ઠંડી પડવાની હવામાન વિભાગની ધારણા છે.
