Gujarat Winter Weather Update : ગુજરાતમાં શિયાળો ક્યારે રંગ દેખાડશે? ત્રણ શહેરોમાં 19.6 ડિગ્રી લઘુતમ તપામાન, ક્યાં કેટલું તાપમાન નોંધાયું

Gujarat Weather winter forecast, ગુજરાત હવામાન ઠંડીની આગાહી : નવેમ્બર મહિનો જેમ જેમ આગળ વધી રહ્યો છે તેમ તેમ વાતાવરણમાં ઠંડક પ્રસરી રહી છે. જોકે, સવારે અને રાત્રે ઠંડીનો અનુભવ થાય છે જોકે, દિવસ દરમિયાન ગરમીનો અહેસાસ થાય છે. અત્યારે બેવડી ઋતુ અનુભવાય છે. આવી સ્થિતિમાં શરદી ઉધરસના દર્દીઓમાં પણ વધારો થયો છે. રાજ્યમાં નોંધાયેલા તાપમાનની વાત કરીએ તો ગુજરાતના ત્રણ શહેરોમાં 19.6 ડિગ્રી લધુત્તમ તપામાન નોંધાયું છે જે રાજ્યનું સૌથી નીચું તાપમાન છે.

ત્રણ શહેરોમાં નોંધાયું 19.6 ડિગ્રી લઘુતમ તાપમાન

હવામાન વિભાગે આપેલા તાપમાનના આંકડા પ્રમાણે શુક્રવારે ગુજરાતમાં 19.6 ડિગ્રી અને 26.8 ડિગ્રી વચ્ચે લઘુતમ તાપમાન નોંધાયું હતું. ગુજરાતના ગાંધીનગર, મહુવા અને અમરેલીમાં 19.6 ડિગ્રી લધુત્તમ તાપમાન નોંધાયું હતું. જે રાજ્યનું સૌથી નીચું તાપમાન રહ્યું છે. જ્યારે ઓખામાં 26.8 ડિગ્રી લઘુતમ તાપમાન નોંધાયું હતું. ગુજરાતના મોટાભાગના શહેરોમાં 20-22 ડિગ્રીની આસપાસ તાપમાન નોંધાતા વાતાવરણમાં ઠંડક પ્રસરી છે.

રાજ્યમાં ક્યાં કેટલું તાપમાન નોંધાયું

આ પણ વાંચોઃ-સિક્કિમની યુવતીને મોત ખેંચીને ગુજરાત લાવ્યું, નોકરીનો પ્રથમ દિવસ બન્યો જિંદગીનો છેલ્લો દિવસ

ગુજરાતમાં શિયાળો ક્યારે રંગ દેખાડશે

હવામાન વિભાગ પ્રમાણે નવેમ્બર મહિનામાં શિયાળાની શરુઆત થઈ જાય છે. જોકે, ડિસેમ્બરથી શિયાળો એકદમ શરૂ થાય છે. આમ નવેમ્બરના અંત કે ડિસેમ્બરની શરુઆતથી જ શિયાળો પોતાનો રંગ દેખાડશે. અને કડકડતી ઠંડી પડવાની શરુ થઈ જશે. એટલે લોકોને હવે કડકડતી ઠંડી માટે વધારે રાહ જોવી નહીં પડે.