જૈન દીક્ષા સમારોહ : કોઈ કરોડોની સંપત્તિ, તો કોઈ મિત્રો, પરિવાર છોડી સંયમના માર્ગે, 35 લોકો સાધુ બનશે

Jain Diksha Samaroh in Ahmedabad : અમદાવાદ ખાતે જૈન દીક્ષા સમારોહ નું આયોજન કરવામાં આવ્યું છે, જેમાં કોઈ કરોડોની સંપત્તિ તો કોઈ પરિવાર, મિત્રોથી દૂર જઈ સંસારીક જીવનનો ત્યાગ કરી રહ્યું છે. આ સમારોહમાં ગુજરાત, મહારાષ્ટ્રમાંથી જૈન સમાજ સાથે જોડાયેલા 35 લોકો તમામ મોહમાયા છોડી સાધુ બનવા જઈ રહ્યા છે.

આ 35 લોકોમાં ક્રિકેટ પ્રેમી અને એમએસ ધોનીનો ચાહક, 13 વર્ષનો હેત શાહ પણ છે, જે શાળા, મિત્રો, ક્રિકેટ અને તેના માતા-પિતાની નાની દુનિયા છોડીને સાધુ બનવા તૈયાર છે. જે ગુરુવારે સાબરમતી નદીના કિનારે બનાવવામાં આવેલી 'અધ્યાત્મા નગરી' (આધ્યાત્મિક શહેર) ખાતે "દીક્ષા સમારોહ"માં આચાર્ય શ્રી વિજય યોગતિલકસૂરિજી પાસેથી દીક્ષા લેશે. આચાર્ય શ્રી વિજય યોગતિલકસૂરિજીએ પણ સાધુ બનવા માટે ચાર્ટર્ડ એકાઉન્ટન્ટ તરીકેની કારકિર્દી છોડી દીધી હતી.

જૈન સાધુ બનનાર પરિવારમાં પ્રથમ વ્યક્તિ, ધોરણ 9 ના વિદ્યાર્થીએ કહ્યું, “મને એ તથ્ય પસંદ છે કે, અમે જાગીએ ત્યારથી લઈને દિવસ સમાપ્ત થાય ત્યાં સુધી, અમે બધા શાળાથી વિપરીત સાથે રહીએ છીએ.

હેતની માતા રિમ્પલ શાહે કહ્યું, “2021 માં, કોવિડ-19 મહામારી દરમિયાન, તેણે બે વર્ષ સુધી ઉપદેશ તપ (એક સંસ્થા કે ગુરુકુળમાં જૈન સાધુના જીવનનું અનુકરણ) અનુસર્યું, જ્યાં તમે એક આદર્શ જૈન સાધુની જેમ જીવવાનું શીખો છે અને જીવો છો.” તેમણે નક્કી કર્યું, એક થઈ જવાનું. તે બે વર્ષમાં, તે લગભગ 30 દિવસ ઘરે આવ્યા, અને ક્યારેય ઘરે ફોન કર્યો નહીં. અમે જ તેને બોલાવીશું.”

"તે અમને કહેતો હતો કે, એમએસ ધોની અને હું એક જ સમયે નિવૃત્ત થઈશું," હેતના પિતા મયુરભાઈ શાહ, સુરતમાં બેંકર છે. તેમણે કહ્યું કે, જ્યારે તેણે હેતને ઉપધાન નાળા માટે છોડ્યો ત્યારે તે માનસિક રીતે તૈયાર હતા." તેથી તે પરિવાર માટે આઘાતજનક ન હતુ".

આ દરમિયાન, હિંમતનગરના એક કરોડપતિ, ભાવેશ ભંડારી (46), જેઓ સીમંધર ફાઇનાન્સના માલિક છે, અને તેમની પત્ની જીનલ (43) પણ તેમના કિશોરવયના બાળકોથી પ્રેરિત થઈને મોહ માયાનો ત્યાગ કરી રહ્યા છે. દંપતીના બાળકો - એક 19 વર્ષનો પુત્ર અને 16 વર્ષની પુત્રી - 2021 માં સુરતમાં 72 અન્ય લોકો સાથે સાધુ બન્યા હતા.

ભાવેશે કહ્યું કે, નિર્ણય લેતા પહેલા તેણે તેના 19 વર્ષના પુત્ર સાથે "સલાહ વિમર્શ" કરી હતી. “તેઓ એન્જિન બન્યા અને અમે તેમના કોચ બન્યા. મને ખાતરી નહોતી કે મારે ક્યારે દીક્ષા લેવી જોઈએ પરંતુ, મારા પુત્રએ મને પ્રેરણા આપી.”

ભાવેશ છેલ્લા એક વર્ષથી તેની તમામ નાણાકીય સંપત્તિમાંથી મુક્તિ મેળવીને આ દિવસની તૈયારી કરી રહ્યા હતા. "22 એપ્રિલ પછી, હું કોઈપણ દસ્તાવેજો પર સહી કરી શકીશ નહીં, તેથી મેં બધું મારા 73 વર્ષના પિતા અને 49 વર્ષના મોટા ભાઈને બઘધુ ટ્રાન્સફર કરી દીધું છે."

દીક્ષા ગ્રહણ કરનાર 35 માં સુરતનો 25 વર્ષીય દેવેશકુમાર રાતડિયા પણ છે, જે બી.કોમનો વિદ્યાર્થી છે અને સીએ ઈન્ટરમીડિયેટ પણ કરી રહ્યો છે. તેણે કહ્યું, “અમે અમારા ઘરમાં ખૂબ ધાર્મિક હોવા છતાં, કોઈએ સંત બનવાની હિંમત કરી નથી. હું મારા પરિવારમાંથી આવું કરનાર પ્રથમ વ્યક્તિ બનીશ.”

ગાયક અને સંગીતકાર દેવેશકુમારે કહ્યું કે, તે ઘણા સમયથી સાધુ બનવાનું વિચારી રહ્યા હતા. તેમણે ઉમેર્યું કે, “ઘરે, અમારી પાસે એસી છે, કારમાં મુસાફરી કરીએ છીએ, લોકો તમારા માટે કામ કરે છે. પરંતુ બે વર્ષ પહેલાં, મેં ઉપધાન તપમાંથી પસાર થવાનો પડકાર સ્વીકારી લીધો.”

જો કે, એક વખત તેઓ આ પડકારનો સામનો કરવામાં નિષ્ફળ ગયા હતા, તે ગુરુકુળમાંથી ઘરે પાછા ફર્યા હતા. દેવેશકુમારે ગયા વર્ષે ફરીથી ઉપધાન તપસ્યા કરવી પડી હતી. તેના પરિવારને સમજાવવામાં તેને 10 દિવસનો સમય લાગ્યો કે, તેણે હવે નક્કી કરી લીધુ છે અને આ વખતે પાછો નહીં આવે.

અમદાવાદમાં 18 થી 22 એપ્રિલ દરમિયાન યોજાનાર આ કાર્યક્રમમાં 11 થી 56 વર્ષની વયના 15 પુરૂષો અને 20 મહિલાઓ છે, જેમાં 18 વર્ષથી ઓછી વયના પાંચ યુગલો, ત્રણનો આખો પરિવાર અને ઘણા ભાઈ-બહેનો - સંસારથી દૂર જઈ રહ્યા છે.

પાંચ દિવસીય કાર્યક્રમ માટે સાબરમતી નદી કિનારે એક વિશેષ આધ્યાત્મિક શહેર બનાવવામાં આવ્યું છે, જેમાં એક જૈન મંદિર અને એક એસેમ્બલી હોલનો પણ સમાવેશ થાય છે, જેમાં લગભગ 25,000 ભક્તોને સમાવી શકાય છે. એક ડાઇનિંગ હોલ પણ ડિઝાઇન કરવામાં આવ્યો છે, જેમાં સળંગ 3,200 લોકો બેસી શકે છે.

આ ઉપરાંત, પ્રથમ વખત, નરક (નર્ક) પણ બનાવવામાં આવ્યું છે, જેમાં નરકમાં માણસોને કેવી રીતે ત્રાસ આપવામાં આવે છે, તેના આબેહૂબ દ્રશ્યો છે. આ ઉપરાંત અધ્યાત્મ નગરીમાં એક ભવ્ય નાટ્યગૃહ છે, જેમાં જૈન વ્યક્તિત્વોની વાર્તાઓને નાટક સ્વરૂપે રજૂ કરવામાં આવશે.

આચાર્ય શ્રી વિજય યોગતિલકસૂરિજી દ્વારા 35 લોકોને દીક્ષા આપવામાં આવશે, જેમણે 'દીક્ષાના મહાનાયક' તરીકે લોકપ્રિયતા મેળવી છે.