Junagadh Lok Sabha Eelection Result 2024 : લોકસભા ચૂંટણી 2024 ના પરિણામો સામે આવી રહ્યા છે. ગુજરાતની જૂનાગઢ લોકસભા બેઠકની વાત કરવામાં આવે તો ભાજપના રાજેશ ચુડાસમાનો કોંગ્રેસના હીરાભાઈ જોટવા સામે 1,35,494 મતોથી વિજય મેળવ્યો છે. રાજેશ ચુડાસમાએ સતત ત્રીજી વખત જીત મેળવી હેટ્રિક નોંધાવી છે. રાજેશ ચુડાસમાને 5,84,049 મત મળ્યા હતા. જ્યારે હીરાભાઈ જોટવાને 4,48,555 મત મળ્યા હતા.
જૂનાગઢ લોકસભા સીટ પર 58.91 ટકા મતદાન
જુનાગઢ લોકસભા સીટ પર 7 મે ના રોજ ત્રીજા તબક્કામા મતદાન થયું હતું. જામનગરમાં કુલ 58.91 ટકા મતદાન થયું હતું. વિધાનસભા વિસ્તાર મુજબ મતદાન ટકાવારી પર નજર કરીએ તો જૂનાગઢમાં 54.47 ટકા, કોડીનારમાં 60.67 ટકા, માંગરોળમાં 62.96 ટકા, સોમનાથમાં 70.16 ટકા, તલાલામાં 60.31 ટકા, ઉનામાં 58.22 ટકા અને વિસાવદરમાં 46.58 ટકા મતદાન નોંધાયું હતું.
2019માં શું હતું પરિણામ
2019 લોકસભા ચૂંટણીની વાત કરવામાં આવે ભાજપના ઉમેદવાર રાજેશ ચુડાસમનો કોંગ્રેસના ઉમેદવાર પૂજાભાઈ વંશ સામે 1,50,185 મતોથી વિજય થયો હતો. રાજેશ ચુડાસમાને 54.51 ટકા અને પૂજાભાઈ વંશને 39.57 ટકા વોટ મળ્યા હતા.
આ પણ વાંચો – લોકસભા ચૂંટણી 2024 પરિણામ, જામનગર બેઠક પર પૂનમ માડમ હેટ્રિક કરશે કે જેપી મારવિયા બાજી પલટાવશે
લોકસભા ચૂંટણી જૂનાગઢ બેઠક પર ચૂંટાયેલા સાંસદ
- 1962 – સી આર રાજા કોંગ્રેસ)
- 1967 – વીરેન શાહ (સ્વતંત્ર પાર્ટી)
- 1971 – નાનજી ભાઈ વેકરિયા (કોંગ્રેસ)
- 1977 – નરેન્દ્ર નથવાણી (જનતા પાર્ટી)
- 1980 – મોહનભાઈ પટેલ (કોંગ્રેસ)
- 1984 – મોહનભાઈ પટેલ(કોંગ્રેસ)
- 1989 – ગોવિંદભાઈ શેખડા (જનતાદળ)
- 1991 – ભાવના ચીખલિયા (ભાજપ)
- 1996 – ભાવના ચીખલિયા (ભાજપ)
- 1998 – ભાવના ચીખલિયા (ભાજપ)
- 1999 – ભાવના ચીખલિયા (ભાજપ)
- 2004 – જશુભાઈ બારડ (કોંગ્રેસ)
- 2009 – દિનુભાઈ સોલંકી (ભાજપ)
- 2014 – રાજેશ ચુડાસમા (ભાજપ)
- 2019 – રાજેશ ચુડાસમા (ભાજપ)
- 2024 – રાજેશ ચુડાસમા (ભાજપ)
જુનાગઢ લોકસભા બેઠક 11 ઉમેદવારો
ક્રમ ઉમેદવાર પાર્ટી 1 રાજેશભાઈ ચુડાસ્મા ભાજપા 2 હીરાભાઈ જોતવા કોંગ્રેસ 3 જયંતિલાલ માંકડિયા બસપા 4 અલ્પેશકુમાર ત્રાંબડિયા લોગ પાર્ટી 5 ઈશ્વર સોલંકી રાઈટ ટુ રિકોલ પાર્ટી 6 આરબ હાસમ સુમરા અપક્ષ 7 ગોરધનભાઈ ગોહેલ અપક્ષ 8 નાથાભાઈ ડાકી અપક્ષ 9 દેવેન્દ્રભાઈ મોતીવરસ અપક્ષ 10 ભાવેશ બોરીચાંગર અપક્ષ 11 દાનસિંગ વાઢેર અપક્ષ
