Gift City Liquor Guidelines : ગુજરાત સરકારે શુક્રવારે “ગ્લોબલ બિઝનેસ ઇકોસિસ્ટમ પ્રદાન કરવાના ઉદ્દેશ્ય” ને ટાંકીને ગાંધીનગરમાં ગુજરાત ઇન્ટરનેશનલ ફાઇનાન્સ ટેક-સિટી (ગિફ્ટ સિટી) વિસ્તારને દારૂ પ્રતિબંધમાંથી મુક્તિ આપવાની થોડા દિવસ અગાઉ જાહેરાત કરી હતી. આ જાહેરાત બાદ ગીફ્ટ સીટીમાં પ્રોપર્ટીની ખરીદીને લઈ ઉછાળો પણ જોવા મળ્યો હતો. આ છૂટ 10 મા ત્રણ-દિવસીય વાઇબ્રન્ટ ગુજરાત શિર સંમેલનના પ્રારંભના માંડ ત્રણ અઠવાડિયા પહેલા જ આપવામાં આવી છે, જેનું ઉદ્ઘાટન ગિફ્ટ સિટીમાં ઓસ્ટ્રેલિયાની ડેકિન યુનિવર્સિટી ઓફશોર કેમ્પસ દ્વારા થવાની ધારણા છે.
ગિફ્ટ સીટીમાં કોને દારૂ પીવાની પરમિટ મળશે?
તમને જણાવી દઈએ કે, ગિફ્ટ સિટીમાં કંપનીઓના માલિકો અને કર્મચારીઓને “દારૂની ઍક્સેસ પરમિટ” આપવામાં આવશે, ત્યારે આ કંપનીઓ “કાયમી કર્મચારીઓની હાજરીમાં” પીવા માટે “કામચલાઉ પરમિટ” સાથે મુલાકાતીઓને પણ “અધિકૃત” કરી શકે છે.
કોણ દારૂ વેચી શકશે?
“નવી નીતિ હેઠળ, ગિફ્ટ સિટી વિસ્તારમાં હોટેલ્સ, રેસ્ટોરન્ટ્સ અને ક્લબને વાઇન અને ફૂડ ફેસિલિટી ચલાવવા માટે પરમિટ આપવામાં આવશે.” તેમણે ઉમેર્યું હતું કે, જો કે આ સુવિધાઓ પર દારૂ પી શકાય છે, પરંતુ તેમને દારૂની બોટલો વેચવાની મંજૂરી આપવામાં આવશે નહીં.
ગિફ્ટ સીટી દારૂ પીવા-વેચવા મામલે ગાઈડલાઈન
- એફ.એલ-૩ લાયસન્સ શું છે? તે કોને મળી શકે ?
ગીફ્ટ સીટીમાં નોકરી કરતા અથવા અધિકૃત મુલાકાતીઓને લીકર પીરસવા માંગતી હોટલ/કલબ/રેસ્ટોરન્ટને લીકર પીરસવા (Serving) અંગેનું લાયસન્સ. ગીફટ સીટી ગાંધીનગર ખાતે આવેલ/આવનાર ખાનપાન સુવિધા ધરાવતી હોટલ/કલબ/રેસ્ટોરન્ટને લાયસન્સ મળી શકશે.
- એફ.એલ.3 લાયસન્સ મેળવવાની પ્રક્રિયા શી છે?
જે તે હોટલ/કલબ/રેસ્ટોરન્ટ નિયમો અંતર્ગત જરૂરી દસ્તાવેજી પુરાવા સાથે નિયામક, નશાબંધી સમક્ષ અરજી કરવાથી જરૂરી ચકાસણી કરી સરકારે નક્કી કરેલ સમિતિ સમક્ષ રજુ કરવાથી પરમીટ આપવાપાત્ર રહેશે.
- હાલના ફેલ્થ પરમીટ, વીઝીટર પરમીટ, ટુરીસ્ટ પરમીટ ધારકો ગીફ્ટ સીટી ખાતે લીકરનુ સેવન કરી શકશે?
ના, ગીફ્ટ સીટી ખાતે અધિકૃત રીતે કામ કરતા કર્મચારીઓ તેમજ અધિકૃત રીતે મુલાકાત લેતા મુલાકાતીઓ જ ગીફ્ટ સીટી ખાતે લીકરનુ સેવન કરી શકશે.
- ગીફટ સીટીમાં કામ કરતા કર્મચારીઓને લીકર એકસેસ પરમીટની મંજુરી કોણ આપશે ?
ગીફટના દ્વારા અધિકૃત અધિકારી દ્વારા આ પરમીટ આપવામાં આવશે.
- ગીફટસીટીમાં આવતા અધિકૃત મુલાકાતીઓને ટેમ્પરરી પરમીટની મંજુરી કોણ આપશે?
ગીફટસીટીના જે તે કંપનીના HR હેડ / જવાબદાર અધિકારી દ્વારા કરવામા આવતી ભલામણના આધારે ટેમ્પરરી પરમીટ આપવામાં આવશે. તેમજ મુલાકાતીઓની સાથે સંબધિત કંપનીના લીકર એકસેસ પરમીટ ધરાવતા કર્મચારી સાથે રહેશે.
- એફ.એલ.3 લાયસન્સ ધારકે કઇ શરતોનું પાલન કરવાનું રહેશે ?
લાયસન્સ ધારકે ખરીદેલ લીકરના જથ્થાની ખરીદ અને વેચાણના હિસાબો રાખવાના રહેશે અને સમગ્ર વિસ્તારને સી.સી.ટી.વી સર્વેલન્સ હેઠળ રાખવાનું રહેશે.
- ગીફટ સિટી વિસ્તાર સિવાય અન્ય કોઇ જગ્યાએ લીકર સેવન કરી શકાશે?
ના, એફ.એલ-૩ લાયસંન્સ હેઠળ અધિકૃત કરેલ વિસ્તારમાં જ લીકરનું સેવન કરી શકાશે.
- એફ.એલ. ૩ લાયસન્સ ધારક,લીકર એકસેસ પરમીટ અને ટેમ્પરરી પરમીટ ધારક કાયદા નિયમોનો ભંગ કરે તો શું?
લાયસન્સ ધારક, લીકર એકસેસ પરમીટ અને ટેમ્પરરી પરમીટ ધારક જો કાયદા,નિયમો કે સુચનાનો ભંગ કરશે તો, ગુજરાત નશાબંધી અધિનિયમ-૧૯૪૯ તથા અન્ય પ્રવર્તમાન કાયદા હેઠળ શિક્ષાત્મક પગલા લેવાની કાર્યવાહી કરવામાં આવશે.
- લાયસન્સ મેળવનારે અન્ય કઇ કઇ મંજુરી મેળવવાની રહેશે?
લાયસન્સ મેળવનારે પોતાના હોટલ/કલબ/રેસ્ટોરન્ટમાં ખાન-પાન માટે સક્ષમ સત્તાધિકારી પાસે ખાન-પાન અગેનું લાયસન્સ, ફુડ સેફટી લાઈસન્સ તથા અન્ય જરૂરી પરવાના પણ મેળવવાના રહેશે
- લાયસન્સના સ્થળ સિવાય અન્ય કોઇ જગ્યાએ લીકર પીરસી શકશે કે કેમ?
ના લાયસન્સ જે સ્થળે મંજુર કર્યુ હોય તે સિવાય અન્ય કોઇ સ્થળે લીકર પીરસી શકશે નહી.
- એફ.એલ-3 લાયસન્સવાળા સ્થળમાં કોણ પ્રવેશ કરી શકશે?
લિકર એકસેસ પરમીટ અને ટેમ્પરરી પરમીટ ધારક જ જરૂરી ખરાઇ બાદ પ્રવેશ કરી શકશે.
- વિદેશી દારૂનું સેવન કરનાર વ્યક્તિ સેવન કર્યા બાદ વાહન ચલાવી શકશે?
ના. વિદેશી દારૂનું સેવન કરનાર વ્યક્તિ સેવન કર્યા બાદ વાહન ચલાવી શકશે નહી
- લીકર સેવન કરવા અંગે ઉંમર મર્યાદાની જોગવાઈ શું છે?
21 વર્ષથી ઉપરની વયના વ્યક્તિને લિકર એકસેસ પરમીટ અને ટેમ્પરરી પરમીટ આપવામાં આવશે.
- પરમીટ લેનારે કયા કાયદાનું પાલન કરવાનું રહેશે?
લિકર એકસેસ પરમીટ, ટેમ્પરરી પરમીટ અને એફ.એલ-૩ લાઈસન્સ ધારકોએ કેન્દ્ર અને રાજ્ય સરકારના પ્રવર્તમાન તમામ કાયદા અને નિયમોનું પાલન કરવાનું રહેશે.
- હાલ રાજ્યમાં વીઝીટર અને ટુરીસ્ટ પરમીટ અંગે શું જોગવાઇ છે ?
બીજા રાજ્યના કે વિદેશી નાગરિકને નિયમોની જોગવાઇ અનુસાર નિયત આધારો રજુ કર્યેથી, જે તે વ્યક્તિને પોતાના અંગત ઉપયોગ માટે વીઝીટર અને ટુરીસ્ટ પરમીટ આપવામાં આવી રહેલ છે, જેના માટે ઓનલાઇ ઇ- પરમીટ પોર્ટલ કાર્યરત છે
- લીકર એકસેસ પરમીટ અને ટેમ્પરરી પરમીટ ધારકે શી કાળજી લેવાની રહેશે?
લીકર એકસેસ પરમીટ અને ટેમ્પરરી પરમીટ ધારક લીકરનુ સેવન કર્યા બાદ વાહન હંકારી શકશે નહિ. તેમજ પરમીટ અંગેના દસ્તાવેજો પોતાની સાથે રાખવાના રહેશે અને સક્ષમ ઓથોરિટીને માંગણી કર્યેથી રજુ કરવાના રહેશે.
ઉલ્લેખનીય છે કે, નશાબંધી અને આબકારી વિભાગે એક નિવેદનમાં જણાવ્યું હતું કે, “ગિફ્ટ સિટી આર્થિક પ્રવૃત્તિઓથી ધમધમતા વૈશ્વિક નાણાકીય અને ટેકનોલોજી હબ તરીકે ઉભરી આવ્યું છે. વૈશ્વિક રોકાણકારો, ટેક નિષ્ણાતો અને ત્યાં સ્થાપિત રાષ્ટ્રીય અને આંતરરાષ્ટ્રીય કંપનીઓને વૈશ્વિક બિઝનેસ ઇકોસિસ્ટમ પ્રદાન કરવા માટે GIFT સિટી વિસ્તારમાં ‘વાઇન એન્ડ ડાઇન’ સુવિધાઓને મંજૂરી આપવા માટે પ્રતિબંધના નિયમોમાં ફેરફાર કરવા માટે શુક્રવારે એક મહત્વપૂર્ણ નિર્ણય લેવામાં આવ્યો હતો.
