'મેં મારી માતા સાથે ન્યાય નથી કર્યો, હું ગુનેગાર છું', માતા વિના PM મોદીની પહેલી લોકસભા ચૂંટણી

lok Sabha election 2024, phase 3 voting, PM modi in Gujarat : લોકસભા ચૂંટણી 2024 માટે ત્રીજા તબક્કાનું મતદાન 7 મે 2024, મંગળવારે સવારથી શરુથઈ ગયું છે. આ દરમિયાન વડાપ્રધાન નરેન્દ્ર મોદીએ મોટું નિવેદન આપ્યું છે. એક પ્રાઈવેટ ન્યૂઝ ચેનલને આપેલા ઈન્ટરવ્યુ દરમિયાન તેણે તેની માતા સાથેના સંબંધો વિશે વિસ્તૃત વાત કરી હતી. ઉલ્લેખનિય છે કે વડાપ્રધાન નરેન્દ્ર મોદીની પહેલી લોકસભા ચૂંટણી માતા હિરાબા વગર થઈ રહી છે.

મેં મારી માતા સાથે ન્યાય નથી કર્યો : પીએમ મોદી

વડાપ્રધાન મોદીને પૂછવામાં આવ્યું કે તમે માત્ર દેશના વડાપ્રધાન જ નથી, પરંતુ તમે પુત્ર પણ છો. જેના જવાબમાં પીએમ મોદીએ કહ્યું, “પ્રશ્ન મારી માતાનો નથી. મારી માતાએ મને જન્મ આપ્યો, પરંતુ તે હવે નથી. સારું, મેં મારી માતા સાથે ન્યાય કર્યો નથી. એક માતા પોતાના સંતાનોને લઈને જે સપનું જોતી હોય છે, એવું કોઈ માતાનું સપનું મેં ક્યારેય પૂરું કર્યું નથી. બહુ નાની ઉંમરે ઘરેથી ભાગી ગયો. એક રીતે હું ગુનેગાર છું.”

આ પણ વાંચોઃ-Gujarat Weather Updates : આજે લોકસભા ચૂંટણી માટે મતદાન, જાણો અમદાવાદ સહિત ગુજરાતમાં કેવી રહેશે ગરમી?

પીએમ મોદીને વારાણસી સાથેના તેમના સંબંધ વિશે પણ પૂછવામાં આવ્યું હતું. તેમણે કહ્યું, “અમારી કાશીમાં ચૂંટણીનો છેલ્લો તબક્કો છે અને ઉત્તર પ્રદેશની ચૂંટણી પશ્ચિમથી શરૂ થાય છે. પાર્ટીએ મને ફરીથી કાશીથી ઉમેદવાર બનાવ્યો છે અને હું ભાવુક પણ છું. મેં 2014માં કહ્યું હતું કે ન તો હું અહીં આવ્યો છું અને ન તો મને કોઈએ મોકલ્યો છે, મને માતા ગંગાએ બોલાવ્યો છે. આજે, 10 વર્ષ પછી, હું સંપૂર્ણ લાગણી સાથે કહી શકું છું કે માતા ગંગાએ મને બોલાવ્યો છે અને તેમણે મને દત્તક લીધો છે.

આ પણ વાંચોઃ- Lok Sabha Election 2024 Phase 3 Voting Live : લોકસભા ચૂંટણી 2024 | આજે ત્રીજા તબક્કાનું મતદાન શરું, પીએમ મોદીની મતદાન માટે અપીલ

જ્યારે PM મોદીને આ વખતની લોકસભા ચૂંટણીમાં 400 પાર કરવાના નારા અંગે પણ સવાલ કરવામાં આવ્યો ત્યારે તેમણે કહ્યું, “જ્યારે અમે લોકસભા ચૂંટણી 2019માં જીત્યા ત્યારે અમારી પાસે 359 સાંસદ હતા. આંધ્ર અને ઓડિશાના રાજકીય પક્ષો હંમેશા અમારી સાથે રહ્યા છે, જે લગભગ 35 લોકોની છે. તેથી અમે 400 આસપાસ હતા. તો પછી 400નો આંકડો જોઈને તમે લોકો કેમ નવાઈ પામ્યા? 2014 થી 2019 સુધી, અમે લગભગ 400 સાંસદોના સમર્થનથી સંસદ ચલાવી રહ્યા છીએ.

બીજેડી સાથે ગઠબંધન વિશે વાત કરતી વખતે, પીએમ મોદીએ કહ્યું, “અમે તેમની સામે અગાઉ પણ માથાકૂટ કરી છે. 2019માં પણ અમે એકબીજા સામે લડ્યા. પરંતુ તેમણે રાષ્ટ્રીય મુદ્દાઓ પર અમારું સમર્થન કર્યું.