Navsari loksabha election 2024 Results : નવસારી લોકસભા બેઠક ભાજપના સી.આર. પાટીલનો ગઢ છે. આ બેઠક પર કોંગ્રેસ હજુ ખાતું ખોલાવી શકી નથી. કારણ કે, નવસારી બેઠક જ્યારથી અસ્તિત્વમાં આવી ત્યારથી ભાજપ જ જીતતી આવી છે. 2024માં પણ આ કહાની યથાવત્ રહી છે. ભાજપના સી.આર.પાટીલે કોંગ્રેસના નૈષધ દેસાઈ સામે 7,73,551 મતોથી ભવ્ય જીત મેળવી છે.
તમને જણાવી દઈએ કે, 2008 માં નવુ સિમાંકન થયું ત્યારબાદ 2009 માં નવસારીમાં પ્રથમ વખત લોકસભા ચૂંટણી થઈ હતી. ત્યારથી 2009, 20014 અને 2019 એમ અત્યાર સુધી ત્રણ ટર્મથી ચૂંટણીમાં ભાજપના સી.આર.પાટીલ જ ચૂંટાઈને આવી રહ્યા છે.
નવસારી લોકસભા બેઠક મતદાન
નવસારી લોકસભા બેઠક પર મતદાનના ઈતિહાસની વાત કરીએ તો, અહીં 70 ટકા સુધી મતદાન ટકાવારી પહોંચી નથી પરંતુ સી.આર. પાટીલ ઊંચા માર્જિનથી જીતતા આવ્યા છે. 2009 માં 47 ટકા મતદાન થયું હતુ, તો 2014 માં 66 ટકા મતદાન અને 2019માં પણ 66 ટકા મતદાન નોંધાયું હતુ. તો આ વખતે 2024 માં 57.36 ટકા મતદાન નોંધાયું હતુ.
નવસારી લોકસભા બેઠક સી.આર.પાટિલનો ગઢ
નવસારી બેઠક ભાજપના પ્રદેશ અધ્યક્ષ સી.આર.પાટિલનો ગઢ માનવામાં આવે છે. ત્રણ ટર્મથી તે ચૂંટાઈ આવ્યા છે. અને ભાજપે આ વખતે પણ તેમને જ ટિકિટ આપી છે. મહત્વની વાત એ છે કે, 2014માં 5,58,116 મતોના વિક્રમી માર્જિન અને 2019 માં પણ 6,89,668 મતોના વિક્રમી માર્જિનથી સીઆર પાટિલે જીત નોંધાવી હતી.
નવસારી લોકસભા પરિણામ ઈતિહાસ
નવસારી લોકસભા બેઠક પર 2009માં સીઆર પાટિલે કોંગ્રેસના ધનસુખ રાજપુતને, 20014માં મકસુદ મિર્ઝા અને 2019 માં ધર્મેશ પટેલને હરાવ્યા હતા, તો જોઈએ ત્રણ ટર્મનું પરિણામ
વર્ષ જીત પાર્ટી 2009 સી.આર. પાટિલ ભાજપ 2014 સી.આર. પાટિલ ભાજપ 2019 સી.આર. પાટિલ ભાજપ
શું કોંગ્રેસ ઈતિહાસ રચી શકશે?
નવસારી લોકસભા બેઠક 2009માં અસ્તિત્વમાં આવી ત્યારથી કોંગ્રેસ આ બેઠક પર ઈતિહાસ રચવા પ્રયત્ન કરી રહી છે. આ બેઠક પર કોંગ્રેસે 2009 પ્રથમ વખત ધનસુખ રાજપૂતને ટિકિટ આપી પણ તે સફળ ન રહ્યા, પછી 2014માં કોંગ્રેસે મુસ્લિમ ચહેરા મકસૂદ મિર્ઝા પર ભરોસો કર્યો પરંતુ તે પણ સી.આર. પાટિલ સામે 5,58,116 મતથી હારી ગયા ત્યારબાદ કોંગ્રેસે 2019માં કોળી પટેલ ધર્મેશ પટેલને મેદાનમાં ઉતાર્યા પરંતુ તે પણ કોંગ્રેસને સફળતા ન અપાવી શક્યા આ વખતે કોંગ્રેસે નવસારીના નૈષધ દેસાઈને મેદાનમાં ઉતાર્યા છે.
નવસારી લોકસભા બેઠક 14 ઉમેદવારો
ક્રમ ઉમેદવાર પાર્ટી 1 નૈષદભાઈ દેસાઈ કોંગ્રેસ 2 સી આર પાટીલ ભાજપા 3 મલખાન વર્મા બસપા 4 ડૉ. કનુભાઈ ખડડિયા સોશ્યલિસ્ટ યુનિટી સેન્ટર ઓફ ઈન્ડિયા 5 કાદિર મહેબૂબ સૈયદ સોશિયલ ડેમોક્રેટિક પાર્ટી ઓફ ઈન્ડિયા 6 મોહમ્મદ હનિફ શાહ ગરીબ કલ્યાણ પાર્ટી 7 રમઝાન મન્સુરી લોગ પાર્ટી 8 સુમનબેન કુશવાહ સરદાર વલ્લભભાઈ પટેલ પાર્ટી 9 અયાઝ કાઝી અપક્ષ 10 ચંદનસિંહ ઠાકુર અપક્ષ 11 નવિનકુમાર પટેલ અપક્ષ 12 શેખ મોહમ્મદ નિશાર અપક્ષ 13 રાજુ વર્ડે અપક્ષ 14 કિરીટ એલ. સુરતી અપક્ષ
કોણ છે નૈષધ પટેલ?
નવસારી કોંગ્રેસ ઉમેદવાર નૈષધ પટેલ સ્વતંત્ર સેનાની પરિવારમાંથી આવે છે. તેઓ પહેલા પણ લોકસભા ચૂંટણી લડી ચૂક્યા છે. 2014 માં સુરતથી ભાજપના ઉમેદવાર દર્શના જરદોષ સામે ચૂંટણી લડ્યા હતા પરંતુ હારી ગયા હતા. નૈષધ પટેલ એમ.એસ.એલએલબી સુધીનો અભ્યાસ કર્યો છે. તેઓ કોંગ્રેસના વરિષ્ઠ પ્રવક્તા પણ રહી ચૂક્યા છે.
નવસારી લોકસભા બેઠક અંતર્ગત સાત વિધાનસભા બેઠક
નવસારી લોકસભા બેઠક અંતર્ગત સાત વિધાનસભા બેઠક આવે છે. જેમાં લિંબાયત, ઉધના, મજુરા, ચોર્યાસી, જલાલપોર, નવસારી અને ગણદેવીનો સમાવેશ થાય છે. આ સાતે બેઠકોના 2022 વિધાનસભા ચૂંટણિ પરિણામ પર એક નજર કરીએ તો, ભાજપને સાતે બેઠક પર કૂલ 903298 મત મળ્યા હતા, જ્યારે કોંગ્રેસને 198883 જ્યારે આપને 192352 મત મળ્યા હતા. આ રીતે કોંગ્રેસ-આપના મત 3,91,235 થાય છે. જે ભાજપના કૂલ મતના આંકડા કરતા 512063 ઓછુ માર્જિન છે.
