પાટણ લોકસભા ચૂંટણી પરિણામ 2024 : ભરતસિંહ ડાભીનો વિજય, ચંદનજી ઠાકોરે આપી જોરદાર ટક્કર

Patan Lok Sabha Eelection Result 2024 : પાટણ લોકસભા ચૂંટણી 2024 પરિણામ જાહેર થઇ ગયું છે. ભાજપ ઉમેદવાર ભરતસિંહ ડાભી એ ફરી એકવાર પોતાનું વર્ચસ્વ ટકાવી રાખ્યું છે. મત ગણતરીમાં ભારે ઉતારચઢાવના અંતે ભરતસિંહ ડાભીએ કોંગ્રેસના ઉમેદવાર ચંદનજી ઠાકોર સામે 31,876 મતોથી વિજય મેળવ્યો છે.

પાટણ લોકસભા બેઠક પર ભાજપના ભરતસિંહ ડાભી અને કોંગ્રેસના ચંદનજી ઠાકોર વચ્ચે જોરદાર જંગ હતો. વિવિધ રાઉન્ડની મત ગણતરીમાં બંને ઉમેદવારો એકબીજાને ટક્કર આપતા દેખાયા હતા. જોકે છેવટે ભરતસિંહ ડાભીએ જીત મેળવી છે. ભરતસિંહ ડાભીને 5,91,947 મત મળ્યા છે. જ્યારે ચંદનજી ઠાકોરને 5,60,071  મત મળ્યા છે.

પાટણ બેઠક લોકસભા ચૂંટણી પરિણામ 2024

પાટણ લોકસભા સીટ પર 58.56 ટકા મતદાન

પાટણ લોકસભા સીટ પર 7 મે ના રોજ ત્રીજા તબક્કામા મતદાન થયું હતું. પાટણમાં કુલ 58.56 ટકા મતદાન થયું હતું. જેમાં ચાણસ્મા વિધાનસભા સીટ પર 56.12 ટકા, પાટણ 58.15 ટકા, રાધનપુર 53.67 ટકા, વડગામ 65.24 ટકા, કાંકરેજ 55.38 ટકા, સિદ્ધપુર 62.68 ટકા અને ખેરાલુમાં 59.34 ટકા મતદાન નોંધાયું હતું.

2019માં શું હતું પરિણામ

2019 લોકસભા ચૂંટણીની વાત કરવામાં આવે ભાજપના ઉમેદવાર ભરતસિંહ ડાભીનો 1,93,879 મતોથી વિજય થયો હતો. ભરત સિંહને 56.24 ટકા અને જગદીશ ઠાકોરને 39.02 ટકા વોટ મળ્યા હતા.

આ પણ વાંચો - જામનગર લોકસભા ચૂંટણી પરિણામ 2024 : પૂનમ માડમની હેટ્રિક , 2 લાખથી વધુ મતોથી વિજય

પાટણ લોકસભા બેઠક પર ચૂંટાયેલા સંસદ સભ્યો

1957થી પાટણ બેઠક પર યોજાયેલી 16 ચૂંટણીઓમાં છ વાર કોંગ્રેસ, છ વાર ભાજપ, એક-એક વખત સ્વતંત્ર પક્ષ, જનતા પક્ષ અને જનતા દળ ચૂંટણી જીત્યા છે.

પાટણ લોકસભા બેઠક 10 ઉમેદવારો