Aaj Nu Havaman, Gujarat Rain Update, ગુજરાત વરસાદ : ગુજરાતમાં ફરીથી વરસાદી સિસ્ટમ સક્રિય થતાં રાજ્યમાં વરસાદે ગતિ પકડી છે. ત્યારે ગુજરાતમાં વરસાદનો વિસ્તાર અને માત્ર પણ વધી છે. છેલ્લા 24 કલાકના વરસાદના આંકડાની વાત કરીએ તો ગુજરાતમાં 148 તાલુકામાં મેઘમહેર નોંધાઈ હતી. જેમાં સૌથી વધારે વરસાદ સુરતના ઉમરપાડામાં 7.48 ઈંચ નોંધાયો હતો. આ ઉપરાંત ગુજરાતના મોટાભાગના જિલ્લાઓમાં ભારે વરસાદ રહ્યો હતો.
ગુજરાતમાં 24 કલાકમાં 148 તાલુકામાં મેઘમહેર
સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે 28 ઓગસ્ટ 2025, સવારે 6 વાગ્યાથી લઈને 29 ઓગસ્ટ 2025 સવારે 6 વાગ્યા સુધીના 24 કલાકના સમયમાં ગુજરાતમાં 148 તાલુકામાં વરસાદ નોંધાયો છે. જેમાં સૌથી વધારે વરસાદ સુરતના ઉમરપાડામાં 7.48 ઈંચ નોંઘાયો હતો.
રાજ્યમાં 20 તાલુકામાં 2થી 6 ઈંચ વચ્ચે વરસાદ નોંધાયો
છેલ્લા 24 કલાકમાં પડેલા ગુજરાતમાં વરસાદના આંકડા ઉપર નજર કરીએ તો કૂલ 148 તાલુકામાં વરસાદ નોંધાયો છે. જેમાં 20 તાલુકા એવા છે જ્યાં 2 ઈંચથી લઈને 6 ઈંચ વચ્ચે વરસાદ નોંધાયો હતો. સાબરકાંઠા, અરવલ્લી, ગાંધીનગર, છોટા ઉદેપુર, તાપી, દાહદો, પંચમહાલ,ડાંગ જિલ્લાના તાલુકાઓમાં વરસાદ નોંધાયો હતો.
અમદાવાદમાં એક ઈંચ જેટલો વરસાદ પડ્યો
વરસાદના મળતા આંકડા પ્રમાણે છેલ્લા 24 કલાકમાં અમદાવાદ શહેરમાં 0.94 એટલે કે આશરે એક ઈંચ જેટલો વરસાદ નોંધાયો હતો. જ્યારે અમદાવાદ જિલ્લાના તાલુકાઓમાં પણ આશરે એક ઈંચની આસપાસ વરસાદ નોંધાયો હતો. ગુજરાતના 13 તાલુકામાં વરસાદને માત્ર હાજરી પુરાવી છે. અહીં 1-2 એમએમ વરસાદ નોંધાયો છે.
24 કલાકમાં ગુજરાતમાં ક્યાં કેટલો વરસાદ નોંધાયો, જુઓ pdf
આ પણ વાંચોઃ- Mahesul talati bharti exam : મહેસૂલ તલાટીની પરીક્ષાની તારીખ જાહેર થઈ, આ દિવસે લેવાશે પરીક્ષા
રાજ્યના ત્રણ જિલ્લાઓમાં અતિ ભારે વરસાદની આગાહી
હવામાન વિભાગે આજે શુક્રવારના દિવસે મધ્ય અને દક્ષિણ ગુજરાતના ત્રણ જિલ્લાઓમાં અતિ ભારે વરસાદની આગાહી કરી છે. હવામાન વિભાગની આગાહી પ્રમાણે આજે શુક્રવારે દાહોદ, છોટા ઉદેપુર અને સુરતમાં અતિ ભારે વરસાદની આગાહી કરી છે. આ જિલ્લાઓમાં વરસાદનું ઓરેન્જ એલર્ટ આપ્યું છે.
