Today Weather Gujarat rain latest update, 23 July 2025 :ગુજરાતમાં ચોમાસું જામ્યું છે. મેઘાની બેટિંગ પણ યથાવત રહી છે. ત્યારે છેલ્લા 24 કલાકમાં મેઘાએ નવસારીના જલાલપોરમાં ધબધબાટી બોલાવી હતી. અહીં 5.24 ઈંચ વરસાદ ખાબકતા જળબંબાકાર જેવી સ્થિતિ સર્જાઈ હતી. તો બીજી તરફ છેલ્લા 24 કલાકમાં ગુજરાતમાં વરસાદની સ્થિતિ અંગે વાત કરીએ તો 90 તાલુકામાં હળવાથી અતિ ભારે વરસાદ નોંધાયો હતો.
નવસારીમાં મેઘાની જોરદાર બેટિંગ
સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરેલા વરસાદના આંકડા પ્રમાણે છેલ્લા 24 કલાકમાં નવસારી જિલ્લામાં મેઘરાજાની જોરદાર બેટિંગ જોવા મળી હતી. નવસારી જિલ્લાના બધા તાલુકામાં વરસાદ નોંધાયો હતો. ખાસ કરીને જલાલપોર તાલુકામાં રાજ્યનો સૌથી વધારે 5.24 ઈંચ વરસાદ ખાબક્યો હતો.
આ ઉપરાંત નવસારીમાં 2.20 ઈંચ, ગણદેવીમાં 2.13 ઈંચ,વાંસદામાં 0.47 ઈંચ,ચીખલીમાં 0.31 ઈંચ, ખેરગામમાં 0.24 ઈંચ વરસાદ નોંધાયો હતો.
24 કલાકમાં ગુજરાતના 90 તાલુકામાં વરસાદ
સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરેલા વરસાદના આંકડા પ્રમાણે આજે 22 જુલાઈ 2025, સવારે 6 વાગ્યાથી 23 જુલાઈ સવારે 6 વાગ્યાના 24 કલાકના સમયગાળામાં રાજ્યના 90 તાલુકામાં વરસાદ પડ્યો હતો.જેમાં સૌથી વધારે વરસાદ નવસારીના જલાલપોરમાં 5.24 ઈંચ ખાબક્યો હતો.
રાજ્યના 9 તાલુકામાં 1થી3 ઈંચ વચ્ચે વરસાદ
24 કલાકમાં 90 તાલુકામાં વરસાદ નોંધાયો હતો. જેમાંથી 9 તાલુકા એવા છે જ્યાં 1 ઈંચથી 3 ઈંચ વચ્ચે વરસાદ નોંધાયો હતો. આ તાલુકામાં ક્યાં કેટલો વરસાદ નોંધાયો નીચે કોષ્ટકમાં જુઓ
જિલ્લો તાલુકો વરસાદ(ઈંચમાં) સુરત મહુવા 2.2 નવસારી ગણદેવી 2.13 તાપી વાલોદ 2.01 વડોદરા વડોદરા 1.65 મહિસાગર કડાણા 1.46 ગાંધીનગર કલોલ 1.42 તાપી ડોલવાન 1.3 વલસાડ ઉમરગામ 1.02
23 તાલુકામાં નામ માત્ર વરસાદ નોંધાયો
પ્રાપ્ત વરસાદના આંકડા પ્રમાણે 90 તાલુકા પૈકી 23 તાલુકા એવા છે જ્યાં નામ માત્ર જ વરસાદ નોંધાયો છે.એટલે કે અહી વરસાદે માત્ર હાજરી જ પુરાવી છે. આ તાલુકાઓમાં 1-2 એમએમ વરસાદ જ નોંધાયો છે.
આ પણ વાંચોઃ- સુરત એરપોર્ટ દાણચોરો માટે ‘હોટસ્પોટ’ બન્યું, બે મુસાફરો પાસેથી 28 કિલો સોનાની પેસ્ટ જપ્ત
ગુજરાતમાં 24 કલાકમાં ક્યાં કેટલો વરસાદ નોંધાયો? PDF જુઓ
આ 15 જિલ્લાઓમાં આજે પડશે ભારે વરસાદ
હવામાન વિભાગ પ્રમાણે દક્ષિણ ગુજરાત અને સૌરાષ્ટ્રના 15 જિલ્લાઓમાં ભારે વરસાદ પડવાની શક્યતાઓ શેવી છે. હવામાન વિભાગ પ્રમાણે સુરત, ડાંગ, તાપી, નવસારી, વલસાડ, દમણ, દાદરા નગર હવેલી તેમજ સૌરાષ્ટ્રના પોરબંદર, જૂનાગઢ, અમરેલી, ભાવનગર, દ્વારકા, ગીર સોમનાથ અને દીવમાં ભારે વરસાદ પડશે.
