Aaj Nu Havaman, Gujarat Rain Update, ગુજરાત વરસાદ : ગુજરાતમાં નવરાત્રીનો તહેવાર શરું થયો છે. ખેલૈયાઓ મનમુકીને ગરબે રમી રહ્યા છે તો બીજી તરફ વરસાદે ખેલૈયાઓની ચિંતામાં વધારો કર્યો છે. રાજ્યમાં એક તરફ નવરાત્રીનો તહેવાર અને બીજી તરફ વરસાદની પણ જમાવટ થઈ રહી છે. નવરાત્રી વચ્ચે છેલ્લા 24 કલાકમાં ગુજરાતમાં 50 તાલુકામાં વરસાદ નોંધાયો હતો. જેમાં સૌથી વધારે વરસાદ દક્ષિણ ગુજરાતના વિસ્તારોમાં નોંધાયો હતો.
ગુજરાતમાં છેલ્લા 24 કલાકમાં 50 તાલુકામાં વરસાદ નોંધાયો
ગુજરાત સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે 22 સપ્ટેમ્બર 2025, સવારે 6 વાગ્યાથી લઈને 23 સપ્ટેમ્બર 2025 સવારે 6 વાગ્યા સુધીમાં 24 કલાકના સમયગાળા દરમિયાન રાજ્યના 50 તાલુકામાં વરસાદ નોંધાયો હતો. જેમાં સૌથી વધારે વરસાદ ડાંગ જિલ્લાના આહવા તાલુકામાં 4.61 ઈંચ નોંધાયો હતો. ભાવનગરના મહુવામાં 3.03 ઈંચ, સુરતના પલસાણામાં 2.87 ઈંચ વરસાદ નોંધાયો હતો.
રાજ્યના 13 તાલુકામાં 1 ઈંચથી 5 ઈંચ વચ્ચે વરસાદ
જિલ્લો તાલુકો વરસાદ(ઈંચમાં) ડાંગ આહવા 4.61 ભાવનગર મહુવા 3.03 સુરત પલસાણા 2.87 ડાંગ સુબિર 2.36 વલસાડ ધરમપુર 2.24 વલસાડ કપરાડા 2.13 સુરત ઉમરગામ 1.93 નવસારી ખેરગામ 1.57 નર્મદા સાગબારા 1.46 ભરૂચ ભરૂચ 1.34 ડાંગ વઘઈ 1.26 વલસાડ વાપી 1.02 તાપી સોનગઢ 1.02
રાજ્યના 37 તાલુકામાં 1 ઈંચથી ઓછો વરસાદ નોંધાયો
SEOC ગાંધીનગર દ્વારા જાહેર કરેલા વરસાદના આંકડા પ્રમાણે ગુજરાતમાં 24 કલાકમાં 50 તાલુકામાં વરસાદ નોંધાયો છે. જોકે, આ તાલુકા પૈકી 37 તાલુકા એવા છે જ્યાં એક ઈંચ કરતા ઓછો વરસાદ નોંધાયો છે. જ્યારે આ 37 તાલુકા પૈકી 8 તાલુકા એવા છે જેમાં વરસાદે માત્ર હાજરી પુરાવી છે. એટલે કે અહીં 1-2 એમએમ વરસાદ નોંધાયો હતો.
ગુજરાતમાં ક્યાં કેટલો વરસાદ નોંધાયો, જુઓ પીડીએફ
દક્ષિણ ગુજરાતના આ જિલ્લાઓમાં ભારે વરસાદની આગાહી
હવામાન વિભાગ પ્રમાણે આજે મંગળવારે નવરાત્રીના બીજા દિવસે દક્ષિણ ગુજરાતના 8 જિલ્લાઓમાં ભારે વરસાદની આગાહી કરી છે. હવામાન વિભાગ પ્રમાણે આજે ભરૂચ, સુરત, ડાંગ, વલસાડ, નવસારી, તાપી, દમણ અને દાદરા નગર હવેલીમાં ભારે વરસાદ પડી શકે છે. આ જિલ્લાઓમાં વરસાદનું યલો એલર્ટ આપ્યું છે.
