Aaj Nu Havaman, Gujarat Rain Update, ગુજરાત વરસાદ : ગુજરાતમાં એક તરફ નવરાત્રીનો તહેવાર શરું થયો છે. આજે સોમવારે નવરાત્રીનો પહેલો દિવસ છે. તો બીજી તરફ વરસાદ પણ જવાનું નામ નથી લઈ રહ્યો. ગુજરાતમાં હવે શિયાળો શરુ થવા જઈ રહ્યો છે તેમ છતાં વરસાદ હજી પણ રાજ્યમાંથી વિદાય લેતો નથી. નવરાત્રીના સમયે વરસાદ પડવાથી ગરબા આયોજકો અને ખેલૈયાઓમાં ભારે ચિંતા પ્રસરી છે.
ગુજરાતમાં છેલ્લા 24 કલાકમાં પડેલા વરસાદ આંકડા પ્રમાણે રાજ્યમાં 24 કલાકમાં 66 તાલુકામાં વરસાદ નોંધાયો હતો. જેમાં સૌથી વધારે વરસાદ ડાંગના આહવામાં 2.09 ઈંચ નોંધાયો હતો. ત્યારબાદ ભાવનગરમાં 1.93 ઈંચ, વલસાડના પારડીમાં 1.50 ઈંચ વરસાદ નોંધાયો હતો.
રાજ્યના 7 તાલુકામાં 1થી 2.50 ઈંચ વચ્ચે વરસાદ નોંધાયો
જિલ્લો તાલુકો વરસાદ (ઈંચમાં) ડાંગ આહવા 2.09 ભાવનગર ભાવનગર 1.93 વલસાડ પારડી 1.5 અમરેલી રાજુલા 1.5 ભરૂચ હાંસોટ 1.5 નવસારી નવસારી 1.46 અમરેલી જાફરાબાદ 1.46
ગુજરાતમાં 66 તાલુકામાં વરસાદ નોંધાયો
ગુજરાત સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે 21 સપ્ટેમ્બર 2025, સવારે 6 વાગ્યાથી લઈને 22 સપ્ટેમ્બર 2025 સવારે 6 વાગ્યા સુધીમાં 24 કલાકના સમયગાળા દરમિયાન રાજ્યના 66 તાલુકામાં વરસાદ નોંધાયો હતો. જેમાં સૌથી વધારે વરસાદ ડાંગ જિલ્લાના આહવા તાલુકામાં 2.09 ઈંચ નોંધાયો હતો.
ગુજરાતમાં 24 કલાકમાં ક્યાં કેટલો વરસાદ નોંધાયો?
આ પણ વાંચોઃ- મુખ્યમંત્રી ભૂપેન્દ્ર પટેલે નવરાત્રી પહેલા રાજ્યના લોકોને ફક્ત સ્વદેશી વસ્તુઓ ખરીદવાની અપીલ કરી
દક્ષિણ ગુજરાતના ચાર જિલ્લાઓમાં ભારે વરસાદની આગાહી
હવામાન વિભાગ પ્રમાણે આજે સોમવારે નવરાત્રીના પહેલા દિવસે દક્ષિણ ગુજરાતના પાંચ જિલ્લાઓમાં ભારે વરસાદની આગાહી કરી છે. હવામાન વિભાગ પ્રમાણે આજે નર્મદા, ભરૂચ, સુરત, નવસારી અને તાપીમાં ભારે વરસાદ પડી શકે છે. આ જિલ્લાઓમાં વરસાદનું યલો એલર્ટ આપ્યું છે.
