Gujarat Rain : ગુજરાતમાં નવરાત્રી પહેલા જામતો વરસાદ, બોટાદમાં સૌથી વધારે 2.40 ઈંચ વરસાદ, ક્યાં કેટલો નોંધાયો?

Aaj Nu Havaman, Gujarat Rain Update, ગુજરાત વરસાદ : ગુજરાતમાં આગામી સોમવારથી નવરાત્રી શરું થઈ જશે. જોકે, અત્યારે રાજ્યમાં ક્યાંક ક્યાંક વરસાદ પડી રહ્યો છે. જેના પગલે ખેલૈયાઓ અને ગરબા આયોજકો ચિંતિત છે. બીજી તરફ હવામાન નિષ્ણાંતો પણ નવરાત્રી દરમિયાન વરસાદ પડવાની આગાહી કરે છે.આવી સ્થિતિ વચ્ચે ગુજરાતમાં છેલ્લા 24 કલાકમાં 35 તાલુકામાં વરસાદ નોંધાયો હતો. જેમાં સૌથી વધારે બોટાદમાં 2.40 ઈંચ વરસાદ નોંધાયો હતો.

ગુજરાતમાં છેલ્લા 24 કલાકમાં 35 તાલુકામાં વરસાદ નોંધાયો

ગુજરાત સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે 18 સપ્ટેમ્બર 2025, સવારે 6 વાગ્યાથી લઈને 19 સપ્ટેમ્બર 2025 સવારે 6 વાગ્યા સુધીમાં 24 કલાકના સમયગાળા દરમિયાન રાજ્યના 35 તાલુકામાં વરસાદ નોંધાયો હતો. જેમાં સૌથી વધારે વરસાદ બોટાદમાં 2.40 ઈંચ વરસાદ નોંધાયો હતો.સુરતના કામરેજમાં 1.65 ઈંચ,છોટા ઉદેપુરના સંખેડામાં 1.65 અને બોટાદના બળવાળામાં 1.57 ઈંચ વરસાદ નોંધાયોહતો.

31 તાલુકામાં 1 mm થી લઈને 1 ઈંચ વચ્ચે વરસાદ નોંધાયો

SEOC ગાંધીનગર દ્વારા આપેલા વરસાદના આંકડા પ્રમાણે 24 કલાકમાં 35 તાલુકામાં વરસાદ નોંધાયો છે. જે પૈકી 31 તાલુકા એવા છે જેમાં 1 mm થી લઈને 1 ઈંચ વચ્ચે વરસાદ નોંધાયો. આ પૈકી 9 તાલુકામાં વરસાદે હાજરી પુરાવી હતી. એટલે કે આ વિસ્તારમાં 1 mm થી 2 mm વચ્ચે વરસાદ નોંધાયો હતો.

ગુજરાતમાં 24 કલાકમાં ક્યાં કેટલો વરસાદ નોંધાયો?

આજે ગુજરાતમાં છૂટો છવાયો વરસાદ પડશે

હવામાન વિભાગ પ્રમાણે આજે શુક્રવારના દિવસે ગાંધીનગર, અરવલ્લી, ખેડા, અમદાવાદ, આણંદ, પંચમહાલ દાહોદ અને મહિસાગરમાં છૂટો છવાયો વરસાદ પડશે.

આ પણ વાંચોઃ- સુરતમાં જન્મદિવસની પાર્ટી માતમમાં ફેરવાઈ, 50 રૂપિયાના મામલે મિત્રની છરીના ઘા મારીને હત્યા

આ ઉપરાંત વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, દાદરા નગર હવેલી અને સૌરાષ્ટ્રના સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, દ્વારકા, ગીર સોમનાથ, બોટાદ તેમજ દીવસમાં હળવાથી સામાન્ય વરસાદ પડવાની શક્યતા છે.