રાજકોટ લોકસભા ચૂંટણી પરિણામ 2024: પરષોત્તમ રુપાલાનો વિવાદ વચ્ચે પણ જંગી વિજય, પરેશ ધાનાણી હાર્યા

Rajkot Lok Sabha Election Result 2024 : રાજકોટ લોકસભા ચૂંટણી પરિણામ 2024 ચોંકાવનારા છે. ક્ષત્રિય સમાજ અંગેની ટિપ્પણીથી વિવાદમાં આવેલા ભાજપ ઉમેદવાર પરષોત્તમ રુપાલાએ મોટી જીત મેળવી છે. રુપાલાએ કોંગ્રેસના ઉમેદવાર પરેશ ધાનાણી સામે 4,84,260 મતોથી વિજય મેળવ્યો છે. પરષોત્તમ રુપાલાને 8,57,984 વોટ મળ્યા હતા. જ્યારે પરેશ ધાનાણીને 3,73,724 વોટ મળ્યા હતા.

ક્ષત્રિય સમાજ અંગે કરાયેલી ટિપ્પણીને પગલે પરષોત્તમ રુપાલા સામે ક્ષત્રિય સમાજે ભારે નારાજગી વ્યક્ત કરી હતી અને આ મુદ્દો ચર્ચાસ્પદ બન્યા હતા. જોકે આજે જાહેર થયેલા પરિણામમાં આ નારાજગીની અસર દેખાઇ નથી.

રાજકોટ લોકસભા ચૂંટણી પરિણામ 2024

રાજકોટ લોકસભા સીટ પર 59. 69 ટકા મતદાન

રાજકોટ લોકસભા સીટ પર 7 મે ના રોજ ત્રીજા તબક્કામા મતદાન થયું હતું. રાજકોટમાં કુલ 59.69 ટકા મતદાન થયું હતું. વિધાનસભા વિસ્તાર મુજબ મતદાન ટકાવારી પર નજર કરીએ તો જસદણમાં 55.68 ટકા, રાજકોટ ઈસ્ટમાં 57.88 ટકા, રાજકોટ રુરલમાં 58.58 ટકા, રાજકોટ દક્ષિણમાં 57.80 ટકા, રાજકોટ વેસ્ટમાં 58.27 ટકા, ટંકારામાં 66.84 ટકા અને વાંકાનેરમાં 64.83 ટકા મતદાન નોંધાયું હતું.

2019માં શું હતું પરિણામ

2019 લોકસભા ચૂંટણીની વાત કરવામાં આવે ભાજપના ઉમેદવાર મોહન કુંડારિયાનો કોંગ્રેસના લલિત કગથરા સામે 3,68,407 મતોથી વિજય થયો હતો. મોહન કુંડારિયાને 63.47 ટકા અને લલિત કગથરાને 32.65 ટકા વોટ મળ્યા હતા.

આ પણ વાંચો - લોકસભા ચૂંટણી 2024 પરિણામ, ગાંધીનગરમાં ભાજપનો 35 વર્ષથી છે દબદબો

લોકસભા ચૂંટણી રાજકોટ બેઠક પર ચૂંટાયેલા સાંસદ

• 1952 - હિંમતસિંહજી (કોંગ્રેસ)
• 1952 - ખંડુભાઈ દેસાઈ (કોંગ્રેસ)
• 1962 - યુ એન ઢેબર (કોંગ્રેસ)
• 1967 - મીનુ મસાની (સ્વતંત્ર પાર્ટી)
• 1971 - ઘનશ્યામ ઓઝા (કોંગ્રેસ)
• 1977 - કેશુભાઈ પટેલ (જનતા પાર્ટી)
• 1980 - રામજીભાઈ માવાણી(કોંગ્રેસ)
• 1984 - રમાબેન પટેલ (કોંગ્રેસ)
• 1989 - શિવલાલ વેકરિયા (ભાજપ)
• 1991 - શિવલાલ વેકરિયા (ભાજપ)
• 1996 - વલ્લભ કથીરિયા (ભાજપ)
• 1998 - વલ્લભ કથીરિયા (ભાજપ)
• 1999 - વલ્લભ કથીરિયા (ભાજપ)
• 2004 - વલ્લભ કથીરિયા (ભાજપ)
• 2009 - કુંવરજી બાવળિયા (કોંગ્રેસ)
• 2014 - મોહન કુંડારિયા (ભાજપ)
• 2019 - મોહન કુંડારિયા (ભાજપ)

રાજકોટ લોકસભા બેઠક 09 ઉમેદવારો