સુરેન્દ્રનગર લોકસભા ચૂંટણી પરિણામ 2024 : સુરેન્દ્રનગરમાં ભાજપે જીતની હેટ્રિક નોંધાવી, ચંદુ શિહોરાનો વિજય

Surendranagar Lok Sabha Eelection Result 2024 : લોકસભા ચૂંટણી 2024 ના પરિણામ સામે આવી ગયા છે. ગુજરાતની સુરેન્દ્રનગર લોકસભા બેઠકની વાત કરવામાં આવે તો ભાજપના ચંદુ શિહોરાનો કોંગ્રેસના ઋત્વિક મકવાણા સામે 2,61,617 મતોથી વિજય થયો હતો. સુરેન્દ્રનગર સીટ પર ભાજપે જીતની હેટ્રિક નોંધાવી છે. ચંદુ શિહોરાને 6,69,749 મત મળ્યા છે. જ્યારે ઋત્વિક મકવાણાને 4,08,132 મત મળ્યા છે.

સુરેન્દ્રનગર લોકસભા સીટ પર મતદાન

સુરેન્દ્રનગર લોકસભા સીટ પર 7 મે ના રોજ ત્રીજા તબક્કામા મતદાન થયું હતું.સુરેન્દ્રનગરમાં કુલ 55.09 ટકા મતદાન થયું હતું. વિધાનસભા વિસ્તાર મુજબ મતદાન ટકાવારી પર નજર કરીએ તો ચોટીલામાં 57.69 ટકા, દસાડામાં 57.50 ટકા, ધંધુકામાં 50.88, ધાંગ્રધામાં 55.49 ટકા, લીંમડીમાં 53.20 ટકા, વિરમગામમાં 56.41 ટકા અને વઢવાણમાં 54.57 ટકા મતદાન નોંધાયું હતું.

2019માં શું હતું પરિણામ

2019 લોકસભા ચૂંટણીની વાત કરવામાં આવે ભાજપના ઉમેદવાર ડો. મહેન્દ્ર મુંજપુરાનો કોંગ્રેસના સોમાભાઈ પટેલ સામે 2,77,437 મતોથી વિજય મેળવ્યો હતો. ડો. મહેન્દ્ર મુંજપુરાને 58.63 ટકા અને સોમાભાઈ પટેલને 32.88 ટકા વોટ મળ્યા હતા.

આ પણ વાંચો – ભાજપના ‘વંટોળ’ સામે કોંગ્રેસના ગેનીબેન ઠાકોર ‘અડખીમ’, 1962 ની ચૂંટણીનું કર્યું પુનરાવર્તન

લોકસભા ચૂંટણી સુરેન્દ્રનગર બેઠક પર ચૂંટાયેલા સાંસદ

• 1962 – ઘનશ્યામ ઓઝા (કોંગ્રેસ)
• 1967 – મેઘરજી (સ્વતંત્ર પાર્ટી)
• 1971 – રસિકલાલ પરીખ (કોંગ્રેસ)
• 1977 – અમીન રામદાસ કિશોરદાસ (જનતા પાર્ટી)
• 1980 – દિગ્વિજય સિંહ ઝાલા (કોંગ્રેસ)
• 1984 – દિગ્વિજય સિંહ ઝાલા (કોંગ્રેસ)
• 1989 – સોમાભાઈ પટેલ (ભાજપ)
• 1991 – સોમાભાઈ પટેલ (ભાજપ)
• 1996 – સનથ મહેતા (કોંગ્રેસ)
• 1998 – ભાવના દવે (ભાજપ)
• 1999 – સવશીભાઇ મકવાણા (કોંગ્રેસ)
• 2004 – સોમાભાઈ પટેલ (ભાજપ)
• 2009 – સોમાભાઈ પટેલ (કોંગ્રેસ)
• 2014 – દેવજીભાઈ ફતેપરા (ભાજપ)
• 2019 – ડો. મહેન્દ્ર મુંજપરા (ભાજપ)
• 2024 – ચંદુ શિહોરા (ભાજપ)

સુરેન્દ્રનગર લોકસભા બેઠક 14 ઉમેદવારો