IMD Gujarat Weather Forecast update Today, આજનું હવામાન : ગુજરાતમાં જૂન મહિનો અડધો થવા આવ્ચો છે છતાં વરસાદના કોઈ અણસાર દેખાતા નથી. જોકે, ગરમીનું પ્રમાણ વધી રહ્યું છે. રાજ્યમાં 40 ડિગ્રીની આસપાસ મહત્તમ તાપમાન નોંધાયું છે. કાળઝાળી ગરમીના કારણે લોકો ગ્રાહીમામ પોકારી ગયા છે. આગામી ત્રણ દિવસ બાદ રાજ્યમાં કડાકાભડાકા સાથે વરસાદ પડવાની શક્યતાઓ સેવાઈ રહી છે.
ગુજરાતમાં ત્રણ દિવસ બાદ વરસાદ ત્રાટકશે
ગુજરાતમાં ચોમાસું નજીક આવી રહ્યું છે ત્યારે હવામાન વિભાગે વરસાદની આગાહી કરી છે. હવામાન વિભાગ પ્રમાણે આગામી ત્રણ દિવસ બાદ રાજ્યના મોટાભાગના વિસ્તારોમાં ગાજવીજ અને ભારે પવન સાથે વરસાદ પડવાની શક્યતા છે. આગાહી પ્રમાણે ઉત્તર ગુજરાતના સાબરકાંઠા, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગરર, વડોદરા, છોટા ઉદેપુર વરસાદની શક્યતાઓ છે.
આ ઉપરાંત હવામાન વિભાગ પ્રમાણે નર્મદા, ભરૂચ, સુરત, ડાંગ, નવસારી,વલસાડ, તાપી, દમણ, દાદરા નગર હવેલી, સૌરાષ્ટ્રના રાજકોટ, જૂનાગઢ, અમરેલી, ભાવનગર, બોટાદ, ગીર સોમનાથ અને દીવમાં પણ કડાકાભડાકા સાથે વરસાદની આગાહી કરવામાં આવી છે.
ગુજરાતમાં મહત્તમ તાપમાન 41 ડિગ્રી પર યથાવત
હવામાન વિભાગે આપેલા ગરમીના આંકડા પ્રમાણે અત્યારે રાજ્યમાં 39 ડિગ્રીની આસપાસ મહત્તમ તાપમાન નોંધાયું છે. અત્યારે રાજ્યમાં 32.8 ડિગ્રીથી લઈને 41 ડિગ્રી વચ્ચે મહત્તમ તાપમાન રહ્યું હતું. જેમાં 41 ડિગ્રી મહત્તમ તાપમાન સાથે કંડલા એરપોર્ટ રાજ્યનો સૌથી ગરમ વિસ્તાર રહ્યો હતો. દ્વારકામાં 32.8 ડિગ્રી મહત્તમ તાપમાન નોંધાયું હતું.
ગુજરાતમાં ક્યાં કેટલી ગરમી નોંધાઈ?
ગુજરાતમાં ક્યાં કેટલી ગરમી નોંધાઈ?
શહેર મહત્તમ તાપમાન (ડિગ્રીમાં) લઘુતમ તાપમાન (ડિગ્રીમાં) અમદાવાદ 40.8 28.4 ડીસા 40.8 28.5 ગાંધીનગર 41.0 28.0 વિદ્યાનગર 39.7 27.4 વડોદરા 39.4 28.8 સુરત 37.0 28.9 વલસાડ – – દમણ 34.8 28.8 ભૂજ 40.0 27.1 નલિયા 35.8 27.8 કંડલા પોર્ટ 35.4 28.0 કંડલા એરપોર્ટ 41.0 28.0 અમરેલી 40.5 26.0 ભાવનગર 39.9 28.9 દ્વારકા 32.8 28.7 ઓખા 35.4 29.5 પોરબંદર 35.2 27.1 રાજકોટ 40.5 25.7 વેરાવળ 33.4 28.7 દીવ 35.2 27.6 સુરેન્દ્રનગર 40.3 28.5 મહુવા 36.4 27.6 કેશોદ 37.5 26.5
આ પણ વાંચોઃ- રામ કથાકાર મોરારિ બાપુના પત્ની નર્મદાબેનનું ભાવનગરમાં નિધન
ગાંધીનગરમાં તાપમાન 41 ડિગ્રી પહોંચ્યું
હવામાન વિભાગ પ્રમાણે રાજ્યના પાટનગરમાં ગરમીનો પારો ઉચકાયો હતો. ગાંધીનગરમાં મહત્તમ તાપમાન 41 ડિગ્રી પહોંચતા રાજ્યનું ગરમ શહેર રહ્યું હતું. જ્યારે અમદાવાદમાં પણ ગરમી 40.8 ડિગ્રી મહત્તમ તાપમાને પહોંચી હતી. કાળઝાળ ગરમી પડતા લોકો તોબા પોકારી ગયા હતા.
