Gujarat rain forecast : ગુજરાતમાં આજે 13 જિલ્લાઓમાં અતિ ભારે વરસાદની આગાહી, ઓરેન્જ એલર્ટ જાહેર

Aaj Nu Havaman, Gujarat weather Rain Forecast Update: ગુજરાતમાં એકવાર ફરીથી વરસાદી સિસ્ટમો સક્રિય થઈ છે. જેના પગલે રાજ્યમાં મોટાભાગના વિસ્તારોમાં ભારે વરસાદ પડવાનો શરૂ થયો છે. ક્યાંક ક્યાંક હળવો વરસાદ પણ પડી રહ્યો છે. હવામાન વિભાગે આજે મંગળવાર માટે અતિ ભારે વરસાદની આગાહી કરી છે. હવામાન વિભાગે 13 જિલ્લાઓમાં વરસાદનું ઓરેન્જ એલર્ટ આપ્યું છે.

ગુજરાતના 13 જિલ્લાઓમાં ઓરેન્જ એલર્ટ જાહેર

હવામાન વિભાગ પ્રમાણે આજે મંગળવારના દિવસે વરસાદનું ઓરેન્જ એલર્ટ આપ્યું છે. હવામાન વિભાગની આગાહી પ્રમાણે ભરૂચ, સુરત, ડાંગ, તાપી, નવસારી,વલસાડ, દમણ, દાદરા નગર હવેલી, જૂનાગઢ, અમરેલી, ભાવનગર, ગીર સોમનાથ અને દીવમાં અતિ ભારે વરસાદની આગાહી કરી છે.

આજે ગુજરાતના આ જિલ્લાઓમાં પડશે ભારે વરસાદ

હવામાન વિભાગે ગુજરાતના બનાસકાંઠા, પાટણ, સાબરકાંઠા, વડોદરા, છોટા ઉદેપુર, નર્મદા,રાજકોટ, જામનગર, પોરબંદર, મોરબી, દ્વારકા, બોટાદ અને કચ્છમાં ભારે વરસાદ પડશે. આ વિસ્તારોમાં યલો એલર્ટ જાહેર કર્યું છે.

આ જિલ્લાઓમાં હળવાથી સામાન્ય વરસાદની આગાહી

હવામાન વિભાગે બનાસકાંઠા, પાટણ, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર,નર્મદા, ભરૂચ, સુરત, ડાંગ, તાપી, નવસારીમાં સામાન્યથી હળવો વરસાદ પડશે.

આ ઉપરાંત વલસાડ, દમણ, દાદરા નગરહવેલી, સુરેન્દ્રનગર, રાજકોટ,જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, કચ્છ અને દીવમાં હળવાથી સામાન્ય વરસાદ પડશે.

હવામાન વિભાગે શું કહ્યું?

IMD એ જણાવ્યું હતું કે, વિકસિત વિવિધ સિસ્ટમોમાં વિદર્ભ પરના ઓછા દબાણવાળા ક્ષેત્રનો સમાવેશ થાય છે અને તેની સાથે સંકળાયેલ ઉપલા હવાના ચક્રવાતી પરિભ્રમણનો સમાવેશ થાય છે, જે ધીમે-ધીમે નબળું પડવાની શક્યતા છે અને સોમવારે સવારની આસપાસ અવશેષ ચક્રવાતી પરિભ્રમણ તરીકે ગુજરાત પર પહોંચશે.

આ પણ વાંચોઃ- રાજસ્થાનમાં મેરઠ જેવો કિસ્સો! ડ્રમમાં મળી યુપીના યુવકની લાશ, મકાન માલિકનો પુત્ર, પત્ની અને ત્રણ બાળકો ગાયબ

IMD એ જણાવ્યું કે, “ઉત્તરપૂર્વ અરબી સમુદ્ર અને તેની આસપાસના દક્ષિણ ગુજરાત, કોંકણ અને ગોવા પર ઉપલા હવા ચક્રવાતી પરિભ્રમણ, પૂર્વ-પશ્ચિમ ટ્રફ સાથે ચાલુ રહેશે જે પશ્ચિમ મધ્ય અને ઉત્તરપશ્ચિમ બંગાળની ખાડીના ઉત્તર-પશ્ચિમ કિનારા પર ઓછા દબાણવાળા ક્ષેત્ર સાથે સંકળાયેલ ઉપલા હવા ચક્રવાતી પરિભ્રમણથી ઉત્તરપૂર્વ અરબી સમુદ્ર અને તેની આસપાસના દક્ષિણ ગુજરાત પર ઉપલા હવા ચક્રવાતી પરિભ્રમણ સુધી ફેલાયેલ છે…”