IMD Gujarat Weather Forecast update Today, આજનું હવામાન : ગુજરાતમં અત્યારે ઉનાળો અને ચોમાસા જેવો બેવડી ઋતુનો અહેસાસ થઈ રહ્યો છે. દિવસ દરમિયાન ગરમી અને સાંજ પડે વાતાવરણમાં પલટો જોવા મળ્યો છે. બીજી તરફ રાજ્યમાં ગરમીનો પારો ઉચકાયો છે. રાજ્યમાં મહત્તમ તાપમાન 41.1 ડિગ્રી સુધી પહોંચી ગયું છે. આ ઉપરાંત આજે ગુરુવારે દક્ષિણ ગુજરાતના કેટલાક વિસ્તારોમાં ભારે વરસાદની આગાહી કરી છે.
આજે દક્ષિણ ગુજરાતમાં ભારે વરસાદ પડવાની આગાહી
હવામાન વિભાગ પ્રમાણે આજે દક્ષિણ ગુજરાતના સુરત, ડાંગ, નવસારી, વલસાડ, દમણ અને દાદરા નગર હવેલીમાં ભારે વરસાદની આગાહી કરી છે. આ ઉપરાંત ઉત્તર ગુજરાત બનાસકાંઠા, પાટણ, મહેસાણા, સાબરકાંઠા, અરવલ્લીમાં ગાજવીજ સાથે સામાન્ય વરસાદની આગાહી કરી છે.
તેમજ હવામાન વિભાગે ગાંધીનગર, ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા,છોટા ઉદેપુર, નર્મદા, ભરૂચમાં ગાજવીજ સાથે હળવા વરસાદની આગાહી કરી છે.
ગુજરાતમાં મહત્તમ તાપમાન ફરી 41 ડિગ્રી પાર થયું
ગુજરાતમાં ઉનાળાની વિદાય અને ચોમાસાના આગમન વચ્ચેના સમયમાં બેવડી ઋતુનો અહેસાસ થઈ રહ્યો છે. અત્યારે ગરમી અને સાંજ પડે ઠંડા પવનો ફૂંકાય છે. હવામાન વિભાગે આપેલા તાપમાનના આંકડા પ્રમાણે રાજ્યમાં ગરમીમાં વધારો થયો છે. રાજ્યમાં 32.5 ડિગ્રીથી લઈને 41.1 ડિગ્રી વચ્ચે મહત્તમ તાપમાન નોંધાયું હતું. જેમાં 41.1 ડિગ્રી મહત્તમ તાપમાન સાથે રાજકોટ સૌથી ગરમ શહેર રહ્યું હતું. દ્વારકામાં 32.5 ડિગ્રી ગરમી નોંધાઈ હતી.
ગુજરાતમાં ક્યાં કેટલી ગરમી નોંધાઈ?
શહેર મહત્તમ તાપમાન (ડિગ્રીમાં) લઘુતમ તાપમાન (ડિગ્રીમાં) અમદાવાદ 37.5 25.7 ડીસા 36.0 25.8 ગાંધીનગર 37.2 26.4 વિદ્યાનગર 35.8 25.6 વડોદરા 35.8 26.4 સુરત 33.1 24.3 વલસાડ – – દમણ 33.4 24.6 ભૂજ 37.9 27.6 નલિયા 36.0 26.2 કંડલા પોર્ટ 37.0 28.5 કંડલા એરપોર્ટ 39.2 28.2 અમરેલી 38.7 25.0 ભાવનગર 36.8 27.6 દ્વારકા 32.5 29.1 ઓખા 34.3 29.2 પોરબંદર 35.0 28.3 રાજકોટ 41.1 26.4 વેરાવળ 33.9 28.5 દીવ 34.0 27.5 સુરેન્દ્રનગર 38.8 25.4 મહુવા 34.0 26.9 કેશોદ 36.0 26.8
આ પણ વાંચોઃ- અમદાવાદ: ઓપરેશન બાદ વ્યક્તિએ આંખ ગુમાવી! પીડિતે કહ્યું- આંખ ગુમાવ્યા બાદ પત્ની છોડી ગઈ, પોલીસ FIR લેતી નથી
અમદાવાદમાં ગરમીમાં સામાન્ય ઘટાડો
રાજ્યમાં એક તરફ ગરમી તો બીજી તરફ વરસાદી માહોલ સર્જાયો છે. ત્યારે અમદાવાદ શહેરમાં ગરમીમાં સામાન્ય ઘટાડો નોંધાયો છે. બુધવારના દિવસે અમદાવાદમાં મહત્તમ તાપમાન 37.5 ડિગ્રી નોંધાયું હતું. જ્યારે ગાંધીનગરમાં પણ 37.2 ડિગ્રી મહત્તમ તાપમાન નોંધાયું હતું.
