વડોદરા લોકસભા ચૂંટણી પરિણામ 2024 : વડોદરામાં વિવાદ હોવા છતા ભાજપના ડો. હેમાંગ જોશીની ભવ્ય જીત

Vadodara Lok Sabha Electio Result, વડોદરા લોકસભા ચૂંટણી પરિણામ 2024 : લોકસભા ચૂંટણી 2024ના પરિણામો સામે આવી ગયા છે . ગુજરાત લોકસભાની વડોદરા બેઠક પર ભાજપના ડો. હેમાંગ જોશીનો કોંગ્રેસના જસપાલસિંહ પઢિયાર સામે 5,82,126 મતોથી જંગી વિજય થયો હતો. ડો. હેમાંગ જોશીને 8,73,189 મતો મળ્યા હતા. જ્યારે જસપાલસિંહ પઢિયારને 2,91,063 મતો મળ્યા હતા. આ બેઠક ભાજપ માટે વિવાદાસ્પદ બની હતી કારણ કે ભાજપ દ્વારા પહેલા રંજનબેન ભટ્ટને મેદાનમાં ઉતાર્યા હતા. જોકે તેમને હટાવવા માટે બળવો થયો અને બાદમાં બદલીને ડો. હેમાંગ જોશીને મેદાનમાં ઉતાર્યા હતા.

ઉલ્લેખનીય છે કે 2014માં અત્યારના વડાપ્રધાન નરેન્દ્ર મોદીએ આ જ બેઠક ઉપરથી જીત મેળવી હતી. 2014ની ચૂંટણીમાં 570,128 મતોના માર્જિનથી વિજય થયો હતો, જે લોકસભા ચૂંટણીના ઇતિહાસમાં સૌથી વધુ માર્જિન પૈકી એક છે. જોકે તેમણે વડોદરાની બેઠક ખાલી કરી હતી. અને આ બેઠક ઉપર રંજનબેન ભટ્ટને ઊભા રાખવામાં આવ્યા હતા. ત્યારબાદ તેઓ બે વખત વડોદરા બેઠક ઉપરથી સાંસદ તરીકે ચૂંટાઈ આવ્યા હતા.

વડોદરા લોકસભા બેઠક પર કેવું મતદાન થયું?

વડોદરા લોકસભા બેઠક પર આ વખતે 61.59 ટકા મતદાન નોંધાયું છે. તો અગાઉની ત્રણ ચૂંટણીના મતદાન પર નજર કરીએ તો, 2009 માં 49.02 ટકા, 2014માં 70.94 ટકા તો 2019માં 68.18 ટકા મતદાન નોંધાયું હતુ. આ સિવાય વડોદરા લોકસભા બેઠકમાં આવતી વિધાનસભા બેઠકોના મતદાની વાત કરીએ તો એકોટામાં 60.30 ટકા, માંજલપુરમાં 60.47 ટકા, રાઓપુરામાં 57.95 ટકા મતદાન, સાવલીમાં 65.39 ટકા મતદાન, સયાજીગંજમાં 59.16 ટકા, વડોદરા શહેરમાં 59.76 ટકા, વાઘોડિયામાં 70.29 ટકા મતદાન થયું હતું.

વડોદરા લોકસભા બેઠક 2019 પરિણામ

વડોદરા બેઠક ઉપર 2019ના પરિણામની વાત કરીએ તો ભાજપના ઉમેદવાર રંજનબેન ભટ્ટને 8,83,719 મત મળ્યા હતા તો કોંગ્રેસના પ્રશાંત ચંદુભાઈ પટેલને 2,94,542 મત મળ્યા હતા. આ ઉપરાંત નાટોમાં 16,999 મત પડ્યા હતા.

વડોદરા લોકસભા બેઠક 2014 પરિણામ

વડોદરા બેઠક ઉપર 2019ના પરિણામની વાત કરીએ તો ભાજપના ઉમેદવાર રંજનબેન ભટ્ટને 5,26,762 મત મળ્યા હતા. જ્યારે કોંગ્રેસના ઉમેદવાર નરેન્દ્ર અંબાલાલ રાવતને 1,97,256 મત મળ્યા હતા. આ ઉપરાંત નાટોમાં 14,257 મત પડ્યા હતા.

વડોદરા લોકસભા બેઠક 2009 પરિણામ

વડોદરા બેઠક ઉપર 2019ના પરિણામની વાત કરીએ તો ભાજપના ઉમેદવાર બાલકૃષ્ણ ખંડેરાવ શુક્લને 4,28,833 મત મળ્યા હતા. તો કોંગ્રેસના ઉમેદવાર સત્યજીતસિંહ દુલીપસિંહ ગાયકવાડને 2,92,805 મત મળ્યા હતા. બસપાના ઉમેદવાર વિનયકુમાર રમણભાઈ પુરોહિતને 6,163 મત મળ્યા હતા.

વડોદરા લોકસભા બેઠક ઈતિહાસ

વડોદરા લોકસભા બેઠકના ઈતિહાસ વિશે વાત કરીએ તો 1991 માં ભારતીય જનતા પાર્ટી (BJP) ના ટેલિવિઝન અભિનેત્રી દીપિકા ચિખલિયાએ આ બેઠક જીતી હતી. તે સમયે તે હિંદુ ધાર્મિક મહાકાવ્ય રામાયણના અત્યંત લોકપ્રિય ટેલિવિઝન અનુકૂલનમાં હિંદુ ભગવાન રામની પત્ની સીતાની ભૂમિકા ભજવવા માટે જાણીતી હતી .INC ના સત્યસિંહ દિલીપસિંહ ગાયકવાડ 1996માં ચૂંટણી જીત્યા. કુલ મળીને ગાયકવાડ રાજવી પરિવારના ત્રણ સભ્યોએ સાંસદ તરીકે આ બેઠકનું પ્રતિનિધિત્વ કર્યું છે. 1998 થી ભાજપના સભ્ય દ્વારા આ મતવિસ્તારનું પ્રતિનિધિત્વ કરવામાં આવે છે: જયાબેન ઠક્કરે 1998 થી 2009 સુધી ત્રણ ટર્મ માટે સેવા આપી હતી અને બાલકૃષ્ણ ખંડેરાવ શુક્લાએ 2009 થી 2014 સુધી એક ટર્મ સેવા આપી હતી. વર્તમાન વડાપ્રધાન નરેન્દ્ર મોદીએ આ બેઠક જીતી હતી. 2014ની ચૂંટણીમાં 570,128 મતોના માર્જિનથી વિજય થયો હતો, જે લોકસભા ચૂંટણીના ઇતિહાસમાં સૌથી વધુ માર્જિન પૈકી એક છે.

ભરૂચ લોકસભા બેઠક 14 ઉમેદવારો

ભરૂચ લોકસભા બેઠક પર કુલ 14 ઉમેદવારો મેદાનમાં છે, જેમાં આ વખતે ભાજપના ડો હેમાંગ જોશી અને કોંગ્રેસના ઉમેદવાર અમિતકુમાર જાદવ વચ્ચે ખરાખરીનો જંગ છે. ડો. હેમાંગ જોશી પહેલા ભાજપે આ બેઠક ઉપરથી બે વખત વડોદરાના સાંસદ બનેલા રંજનબેન ભટ્ટને મેદાનમાં ઉતર્યા હતા. જોકે સ્થાનિક લોકોમાં ભારે વિરોધ થતાં ભાજપે ડો. હેમાંગ જોશીને મેદાનમાં ઉપાર્યા હતા.

ઉલ્લેખનીય છે કે 2014માં વડાપ્રધાન નરેન્દ્ર મોદી આ બેઠક ઉપરથી ભારે માર્જીન સાથે જીત્યા હતા.