ગુજરાત પોલીસ : વાહન, મોબાઈલ ફોન ચોરી માટે e-FIR દ્વારા મળી 7,953 અરજીઓ

Gujarat Police : ગુજરાતના ગૃહ રાજ્ય મંત્રી હર્ષ સંઘવી દ્વારા જુલાઈ 2022માં સિટીઝન પોર્ટલ ઉપલબ્ધ કરાવવામાં આવ્યું ત્યારથી, ગુજરાત પોલીસને લગભગ સાત મહિનામાં વાહનો અને મોબાઈલ ફોનની ચોરીની ફરિયાદો માટે ઈ-એફઆઈઆર દ્વારા કુલ 7,953 અરજીઓ મળી છે.

એક સત્તાવાર નિવેદન અનુસાર, 23 જુલાઈ 2022 થી 8 ફેબ્રુઆરી 2023 સુધીમાં, 7,953 અરજીઓમાંથી, 1799 FIR નોંધવામાં આવી હતી. રાજ્ય ક્રાઈમ રેકોર્ડ બ્યુરો, ગાંધીનગર દ્વારા કચેરી દ્વારા કરાયેલી અરજીઓના સંદર્ભમાં મળેલા નકારાત્મક પ્રતિભાવોને ધ્યાનમાં રાખીને વાહન અને મોબાઈલ ચોરીની ફરિયાદો માટેનું સિટીઝન પોર્ટલ ઉપલબ્ધ કરાવવામાં આવ્યું હતું.

રિલીઝમાં જણાવાયું છે કે, “સ્થાનિક પોલીસ દ્વારા કરવામાં આવેલી અરજીઓની પુનઃ ચકાસણી કરવા અને એફઆઈઆર નોંધવા માટે કાર્યવાહી કરવા માટે 10 અને 25 ફેબ્રુઆરી વચ્ચે એક વિશેષ ડ્રાઇવ શરૂ કરવામાં આવી છે. ઝુંબેશ દરમિયાન, કચેરી દ્વારા 23 જુલાઈ 2022 થી 8 ફેબ્રુઆરી 2023 દરમિયાન રાજ્યભરના પોલીસ સ્ટેશનોમાં થયેલી અરજીઓની યાદી તૈયાર કરવામાં આવશે, અરજદારો પાસેથી વિગતો મેળવવામાં આવશે, સ્થળની મુલાકાત લેવામાં આવશે અને એફ.આઈ.આર. નોંધણી કરાશે. નોંધનીય ગુનાઓ પ્રથમદર્શી કેસોમાં નોંધવામાં આવશે."

વાહન ચોરીના કિસ્સામાં, વાહનનો રજીસ્ટ્રેશન નંબર NETRAM (કમાન્ડ એન્ડ કંટ્રોલ સેન્ટર) ને આપવામાં આવશે અને રાજ્યભરમાં ANPR કેમેરાની મદદથી તપાસ કરવામાં આવશે. મોબાઈલ ચોરીના કિસ્સામાં, ગુજરાત પોલીસ IMEI નંબરને ઓબ્ઝર્વેશનમાં રાખીને મોબાઈલને ટ્રેસ કરવા કાર્યવાહી કરાશે.

આ પણ વાંચો - પાટણ: રાધનપુર કચ્છ હાઈવે પર જીપ ટ્રક પાછળ ઘુસી ગઈ, 6 મુસાફરના મોત, ઈજાગ્રસ્તોને સારવાર માટે ખસેડાયા

આ ઝુંબેશ સંબંધિત કોર્ટ દ્વારા ફરિયાદીને ચોરેલા વાહનો અને મોબાઈલ પરત કરવામાં પણ મદદ કરશે.