Gujarat Rain Weather Forecast Update : દક્ષિણ ગુજરાતમાં હજુ વરસાદ વરસી રહ્યો છે. આ સિવાય રાજ્યમાં વરસાદની વિદાય થઇ હોય તેવો માહોલ જોવા મળી રહ્યો છે. બુધવારને 17 સપ્ટેમ્બરના રોજ સવારના 6.00 થી સાંજના 6.00 વાગ્યા સુધીમાં 28 તાલુકામાં વરસાદ નોંધાયો છે. જેમાં સૌથી વધારે સુરત શહેરમાં 2.76 ઇંચ વરસાદ વરસ્યો છે.
28 તાલુકામાં વરસાદ
ગુજરાત સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરાયેલા વરસાદના આંકડા પ્રમાણે 17 સપ્ટેમ્બર 2025ના રોજ સાંજના 6 વાગ્યા સુધીમાં 28 તાલુકામાં વરસાદ વરસ્યો છે. જેમાં સુરતમાં 2.76 ઇંચ, નવસારી 2.01 ઇંચ, જલાલપોર 1.54 ઇંચ, વાપી 21 મીમી, ઉમરપાડા 20 મીમી, કામરેજ 17 મીમી, બારડોલી 16 મીમી, પલસાણા,ગણદેવી 13 મીમી, વ્યારા 11 મીમી અને કપરાડામાં 10 મીમી વરસાદ વરસ્યો છે. આ સિવાય અન્ય 17 તાલુકામાં 1 થી લઇને 7 મીમી સુધી વરસાદ નોંધાયો છે.
હવામાન વિભાગની આગાહી
હવામાન વિભાગની આગાહી પ્રમાણે ગુરુવારને 18 સપ્ટેમ્બર ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહીસાગર, વડોદરા, છોડા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, રાજકોટ, સુરેન્દ્રનગર, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ અને દીવમાં હળવો વરસાદ પડે તેવી શક્યતા છે.
આ પણ વાંચો – આગામી બે દિવસ ગુજરાતના આ જિલ્લાઓમાં વરસાદની સંભાવના
રાજ્યમાં સિઝનનો 108.47 ટકા વરસાદ
17 સપ્ટેમ્બર 2025 સુધીમાં રાજ્યમાં સિઝનનો કુલ 108.47 ટકા વરસાદ નોંધાયો છે. જેમાં કચ્છમાં 135.95 ટકા, ઉત્તર ગુજરાતમાં 118.72 ટકા, પૂર્વ મધ્ય ગુજરાતમાં 110.21 ટકા, સૌરાષ્ટ્રમાં 93.94 ટકા અને દક્ષિણ ગુજરાતમાં 112.42 ટકા વરસાદ વરસ્યો છે.
સરદાર સરોવર નર્મદા નિગમ લી. માં 16 સપ્ટેમ્બરના રોજ સાંજના 4 વાગ્યા સુધીમાં પાણીનો સંગ્રહ 311238 mcft છે. જે કુલ સંગ્રહ ક્ષમતાના 93.16% જેટલી છે. રાજ્યના અન્ય 206 જળાશયોમાં સંગ્રહ 513150 mmcft છે. જે કુલ સંગ્રહ ક્ષમતાના 91.98% છે. 100 ટકા ભરાયેલ ડેમોની સંખ્યા 114 છે. 145 ડેમ હાઇ એલર્ટ પર અને 12 ડેમ એલર્ટ પર છે.
