Gujarat Rain Weather Forecast Update : રાજ્યમાં ઝરમર વરસાદ જોવા મળી રહ્યો છે. ક્યાંક ભારે વરસાદ વરસ્યો નથી. સોમવારને 4 ઓગસ્ટના રોજ સવારના 6.00 થી સાંજના 6.00 વાગ્યા સુધીમાં 62 તાલુકામાં વરસાદ નોંધાયો છે. જેમાં સૌથી વધારે ભરુચના નેત્રંગમાં 17 મીમી વરસાદ વરસ્યો છે. એકપણ તાલુકામાં એક ઇંચથી વધારે વરસાદ વરસ્યો નથી. રાજ્યમાં ક્યાંય ભારે વરસાદ જોવા મળ્યો નથી.
સોમવારે 62 તાલુકામાં વરસાદ
સ્ટેટ ઇમરજન્સી ઓપરેશન સેન્ટર, ગાંધીનગરના આંકડા પ્રમાણે રાજ્યમાં સોમવારને 4 ઓગસ્ટના રોજ સવારના 6 થી સાંજના 6 વાગ્યા સુધીમાં 62 તાલુકામાં વરસાદ વરસ્યો છે. જેમાં નેત્રંગમાં 17 મીમી, મેંદરાડામાં 10 મીમી, પોશિનામાં 9 મીમી, મુંદ્રા, દ્વારકા અને રાજકોટમાં 8 મીમી, અંજાર, કેશોદ, કુકાવાવ વાડીયા, ઉમરપાડા, ચુડામાં 7 મીમી, જોડિયા, કુતિયાણા, તાલાલા, ભિલોડા અને ગોંડલમાં 6 મીમી વરસાદ વરસ્યો છે. આ સિવાય અન્ય 46 તાલુકામાં 1 થી લઇને 5 મીમી સુધી વરસાદ વરસ્યો છે.
હવામાન વિભાગની આગાહી
હવામાન વિભાગની આગાહી મુજબ રાજ્યમાં 5 થી 8 ઓગસ્ટના રોજ બનાસકાંઠા, પાટણ, સાબરકાંઠા, મહેસાણા, અરવલ્લી, ગાંધીનગર, મહીસાગર, દાહોદ, પંચમહાલ, વડોદરા, આણંદ, ભરૂચ, છોટા ઉદેપુર, નર્મદા, સુરત, તાપી, ડાંગ, નવસારી, વલસાડ જિલ્લાના અનેક સ્થળોએ, મોરબી, સુરેન્દ્રનગર, રાજકોટ, જામનગર, દેવભૂમિ દ્વારકા, પોરબંદર, જૂનાગઢ, અમરેલી, ગીર સોમનાથ, ભાવનગર, બોટાદ જિલ્લાના અમુક સ્થળોએ અને કચ્છના છૂટાછવાયા સ્થળોએ ગાજવીજ સાથે હળવાથી મધ્યમ વરસાદની આગાહી કરી છે.
આ પણ વાંચો – ઉદયપુરની એક હોટલમાં રેવ પાર્ટીનો પર્દાફાશ, 40 યુવક અને 11 યુવતીઓની ધરપકડ
રાજ્યમાં સિઝનનો કુલ 63.63 ટકા વરસાદ
4 ઓગસ્ટ 2025 સુધીમાં રાજ્યમાં સિઝનનો કુલ 63.63 ટકા વરસાદ નોંધાયો છે. જેમાં કચ્છમાં 64.16 ટકા, ઉત્તર ગુજરાતમાં 66.09 ટકા, પૂર્વ મધ્ય ગુજરાતમાં 66.12 ટકા, સૌરાષ્ટ્રમાં 55.43 ટકા અને દક્ષિણ ગુજરાતમાં 67.55 ટકા વરસાદ વરસ્યો છે.
સરદાર સરોવર નર્મદા નિગમ લી. માં 4 ઓગસ્ટને સાંજના 4 વાગ્યા સુધીમાં પાણીનો સંગ્રહ 260417 mcft છે. જે કુલ સંગ્રહ ક્ષમતાના 77.95% જેટલો છે. રાજ્યના અન્ય 206 જળાશયોમાં સંગ્રહ 383027 mcft છે. જે કુલ સંગ્રહ ક્ષમતાના 68.63% છે. 100 ટકા ભરાયેલ ડેમોની સંખ્યા 29 છે. 51 ડેમ હાઇએલર્ટ પર અને 23 ડેમ એલર્ટ પર છે.
