દુનિયાનું સૌથી મોટું ઘર ભારતમાં છે, બ્રિટનના રાજમહેલ અને અંબાણીનું ઘર પણ તેની સામે ક્યાંય નાનુ

Lakshmi Vilas Palace is worlds largest residential building | લક્ષ્મી વિલાસ પેલેસ વિશ્વની સૌથી મોટી રહેણાંક ઇમારત છે: વિશ્વમાં ઘણા અમીર લોકો છે અને આ અમીરોએ પોતાના માટે ભવ્ય આલીશાન મકાનો બનાવ્યા છે, જે કોઈ મહેલથી ઓછા નથી હોતા. આ મોંઘા અને મોટા મકાનોમાં આજે તમામ આધુનિક સુવિધાઓ ઉપલબ્ધ છે. પરંતુ શું તમે જાણો છો કે દુનિયાની સૌથી મોટી રેસિડેન્શિયલ બિલ્ડિંગ ભારતમાં છે. આ ઈમારત ભારત અને એશિયાના સૌથી ધનિક વ્યક્તિ મુકેશ અંબાણીના વિશ્વ પ્રસિદ્ધ ઘર એન્ટિલિયા કરતા પણ મોટી છે. આજે અમે તમને વડોદરાના પ્રખ્યાત લક્ષ્મી વિલાસ પેલેસ વિશે જણાવીશું, જે વિશ્વની સૌથી મોટી રહેણાંક ઇમારત છે.

લક્ષ્મી વિલાસ પેલેસ કોણે અને ક્યારે નિર્માણ કરાવ્યો

ગુજરાતના ગાયકવાડ રાજવી પરિવારનું આ ઘર ભવ્ય સ્થાપત્ય અને ઐતિહાસિક વારસાનું અદ્ભુત ઉદાહરણ છે. આ મહેલનું નિર્માણ મહારાજા સયાજીરાવ ગાયકવાડે 1880માં કરાવ્યું હતું. આ ઈમારતમાં ઈન્ડો-સારાસેનિક રિવાઈવલ માસ્ટરપીસ એક સમયે વિશ્વની સૌથી મોટી ખાનગી મિલકત હતી. લક્ષ્મી વિલાસ પેલેસ, બહુ રંગીન આરસપહાણ, ભવ્ય કલાકૃતિઓ અને ફુવારાઓ સાથે, બકિંગહામ પેલેસ કરતા ચાર ગણું કદ ધરાવે છે.

લક્ષ્મી વિલાસ પેલેસ કિંમત (અંદાજીત)

અંદાજ મુજબ, હાલમાં લક્ષ્મી વિલાસ પેલેસની કિંમત લગભગ 1,80,000 પાઉન્ડ (20 હજાર કરોડ રૂપિયા) છે. આ સ્થાપત્યની દૃષ્ટિએ ભવ્ય મહેલ હાલમાં HRH સમરજિતસિંહ ગાયકવાડ, તેમની પત્ની રાધિકારાજે ગાયકવાડ અને તેમની બે પુત્રીઓનું ઘર છે. લક્ષ્મી વિલાસ પેલેસ ખૂબ જ રસપ્રદ ઇતિહાસ ધરાવે છે.

લક્ષ્મી વિલાસ પેલેસ ઈતિહાસ - આ મહેલની યાત્રા ઐતિહાસિક રહી છે

વડોદરામાં લક્ષ્મી વિલાસ પેલેસ પહેલા ગાયકવાડ રાજવી પરિવાર, મહારાજાના મહેલ (સરકારવાડા) અથવા નજરબાગ પેલેસમાં રહેતો હતો. મહારાજા સયાજીરાવ ગાયવાડ ત્રીજાને મોટા ઘરની જરૂરિયાત અનુભવાઈ અને તેમણે જરૂરી સુવિધાઓ વિશે તે સમયના જાણીતા આર્કિટેક્ટ મેજર ચાર્લ્સ માન્ટનો સંપર્ક કર્યો. જો કે, જ્યારે મહેલ બાંધવામાં આવી રહ્યો હતો ત્યારે માન્ટનું અવસાન થયું અને આર્કિટેક્ટ રોબર્ટ ફેલોઝ ચિસોલ્મ દ્વારા અધૂરું કામ પૂર્ણ થયું.

મહેલની અંદરની ભવ્યતાની ઝલક

18મી સદીમાં બનેલો આ મહેલ હવે આધુનિક સુવિધાઓથી સજ્જ છે. ત્યાં આંતરિક ટેલિફોન એક્સચેન્જો, એલિવેટર્સ અને અવિરત વીજ પુરવઠો છે. આ મહેલનો બહારનો ભાગ સોનગઢની ખાણોમાંથી લાવવામાં આવેલા સુવર્ણ પથ્થરથી બનેલો છે.

આ મહેલમાં બે ખૂબ જ મોટા આંગણા છે જે વૃક્ષો, છોડ અને ફુવારાઓ સાથે ઠંડકનું વાતાવરણ પ્રદાન કરે છે. ભવ્ય અને વૈભવી આંતરિક, મોંઘા માર્બલ, પથ્થર અને ભવ્ય કલાકૃતિઓથી આ મહેલ અત્યંત સુંદર લાગે છે. આ પેલેસમાં પ્રખ્યાત કલાકાર રાજા રવિ વર્મા દ્વારા બનાવેલા ઘણા ચિત્રો છે.

આ પણ વાંચો - PM Awas Yojana 2.0 : પીએમ શહેરી આવાસ યોજનાનો લાભ કોને મળશે? પાત્રતા, કોણ અરજી અરજી કરી શકે, હોમ લોન પર સબસિડી સહિત તમામ વિગત જાણો

આ સિવાય આ પેલેસમાં ગોલ્ફ કોર્સ, એલવીપી બેન્ક્વેટ અને મોતી બાગ પેલેસ અને મહારાજા ફતેહ સિંહ મ્યુઝિયમ બિલ્ડિંગ છે. આ ઉપરાંત આ પેલેસમાં મોતી બાગ ક્રિકેટ ગ્રાઉન્ડ, બરોડા ક્રિકેટ એસોસિએશનની ઓફિસ, ઇન્ડોર ટેનિસ અને બેડમિન્ટન કોર્ટ છે. આ મહેલમાં નાનું પ્રાણી સંગ્રહાલય અને મહેલના બાળકો માટે રેલવે ટ્રેક પણ છે.

700 એકરમાં ફેલાયેલા આ મહેલમાં 170 રૂમ છે. 4 માળનો ઉંચો લક્ષ્મી વિલાસ પેલેસ મહારાજા અને રાણી માટે ખાસ બનાવવામાં આવ્યો હતો.