અમદાવાદમાં Wow China નો ફૂડ આઉટલેટ ખોલાયો, જૈન ચાઈનીઝ ફૂડની લઈ શકશો મજા

અવિનાશ નાયર : કોલકાતા સ્થિત WOW Momo Foods Pvt Ltd એ શુક્રવારે અમદાવાદમાં તેનું લાર્જ ફોર્મેટ WOW ચાઈના આઉટલેટ લોન્ચ કર્યું, જે પ્રથમ વખત ચાઈનીઝ ભોજન જૈન સ્ટાઈલમાં ઓફર કરશે, જેમાં ડુંગળી, લસણ અને કંદમૂળ વગર રાંધેલા ખોરાકનો સમાવેશ થાય છે.

વાહ મોમો ફૂડ્સના સહ-સ્થાપક મુરલીકૃષ્ણન એલએ જણાવ્યું હતું કે, “છેલ્લા 20 દિવસથી, અમે બજારનો અભ્યાસ કર્યો અને હવે અમારા મેનૂમાં જૈન-ચીની ભોજનનો સમાવેશ કરી રહ્યા છીએ. અમે શ્રાવણ મહિનામાં જૈન ભોજન ઓફર કરીએ છીએ. પરંતુ આ પ્રથમ સ્થાન હશે, જ્યાં અમે મેનૂ પર જૈન-ચાઈનીઝ ભોજન રજૂ કરીશું.” તેમણે પેલેડિયમ મોલમાં તેનું વાઉ ચાઈના આઉટલેટ ખોલ્યું છે.

કંપનીના અમદાવાદમાં પહેલેથી જ ચાર આઉટલેટ્સ છે, જેમાંથી બે - વાઉ મોમો અને ચાઈના બેલી - પેલેડિયમ મોલમાં સ્થિત છે. મુરલીકૃષ્ણને કહ્યું, “જૈન-ચીની વાનગીઓમાં, અમે ડુંગળી અને લસણ વિના રસોઈ બનાવીએ છીએ. અમે એક ખાસ ચટણી પણ બનાવી રહ્યા છીએ, જેમાં ડુંગળી અને લસણ નહીં હોય. અમે મશરૂમ્સનો ઉપયોગ પણ કરતા નથી, કારણ કે ઘણા લોકોને તેની સાથે સમસ્યાઓ છે. અમે ચીઝ, શિમલા મિર્ચ, કોબી અને ગાજર સાથે કામ કરી રહ્યા છીએ. અમે 'પીપરી લેમન પનીર' જેવું મેનુ બનાવી રહ્યા છીએ. સામાન્ય રીતે, આ વાનગીમાં લસણનું મિશ્રણ હોય છે, પરંતુ અમે આ મિશ્રણ હટાવી દીધુ છે."

તેમણે કહ્યું કે, જૈન-ચાઈનીઝ મેનૂમાં છ સ્ટાર્ટર, ચાર મુખ્ય કોર્સ અને લગભગ ત્રણ પ્રકારના સોસ, તથા ચાવલ અને નૂડલ્સ હશે.

આ પણ વાંચો - ગુજરાત વરસાદ આગાહી: શનિવારે ભાવનગર-વલસાડમાં અતિશય, તો અમદાવાદ સહિત આ 6 જિલ્લામાં અતિભારે વરસાદની સંભાવના

મુરલીક્રિષ્નને વધુમાં જણાવ્યું હતું કે, અમદાવાદમાં હાલના આઉટલેટ્સ દ્વારા કરવામાં આવેલા 75 ટકા વેચાણમાં - જે છેલ્લા પાંચ મહિનામાં ખોલવામાં આવી છે - તેમાં શાકાહારી ભોજનનો સમાવેશ થાય છે. “માત્ર 25 ટકા લોકો માંસાહારી છે અને તે જ કારણ છે કે અમે વાહ ચિકન બ્રાન્ડને ગુજરાતમાં નહીં લાવીએ. પૂર્વ અને દક્ષિણમાં ચિકનની માંગ વધુ છે. અમદાવાદમાં કેટલીક કંપનીઓના તમામ આઉટલેટ્સ શાકાહારી અને માંસાહારીનું મિશ્રણ પીરસે છે, તેથી તેમણે ખાતરી કરી છે કે, રસોડું બે વાનગીઓ વચ્ચે અલગ રહેશે.