120 Bahadur Trailer | ફરહાન અખ્તરની બહુપ્રતિક્ષિત વોર ડ્રામા ફિલ્મ 120 બહાદુર (120 Bahadur) નું ટ્રેલર આજે રિલીઝ થયું છે. અગાઉ, ફિલ્મનું ટીઝર અને ગીતો રિલીઝ થયા હતા, જેને મિશ્ર પ્રતિસાદ મળ્યો હતો. હવે ફિલ્મ રિલીઝ થવાના બે અઠવાડિયા પહેલા, નિર્માતાઓએ ટ્રેલર રિલીઝ કર્યું છે. ટ્રેલરમાં ભીષણ યુદ્ધ અને ભારતીય સૈનિકોની બહાદુરી દર્શાવવામાં આવી છે.
120 બહાદુર ટ્રેલર (120 Bahadur Trailer)
120 બહાદુર ટ્રેલર અમિતાભ બચ્ચનના વોઇસઓવરથી શરૂ થાય છે, જે કહે છે, “એવા દિવસો હતા જ્યારે ભારત ચીનને ફક્ત પોતાનો પાડોશી જ નહીં પણ પોતાનો મોટો ભાઈ માનતો હતો. પરંતુ 1962 માં, અમને સમજાયું કે બંને બાજુ ભાઈચારાની ભાવના અસ્તિત્વમાં નથી. આ હુમલો વિશ્વાસઘાત હતો.”
આ 2 મિનિટ 48 સેકન્ડનું ટ્રેલર 1962ના ભારત-ચીન યુદ્ધ દરમિયાન રેઝાંગ લાના યુદ્ધને દર્શાવે છે. ટ્રેલરમાં ભારતીય સેનાની બહાદુરીની સ્ટોરી દર્શાવતા ઘણા દ્રશ્યો બતાવવામાં આવ્યા છે, જે ખાતરી આપે છે કે ફિલ્મ બહાદુરી અને હિંમતથી ભરેલી હશે. ટ્રેલરમાં 120 ભારતીય સૈનિકોના સંઘર્ષની આખી સ્ટોરી બતાવવામાં આવી છે. આ ટ્રેલરમાં ઘણા પ્રેરણાદાયી ડાયલોગ પણ સાંભળી શકાય છે.
ટ્રેલર જોયા પછી, ખબર પડે છે કે રાશિ ખન્નાએ મેજર શૈતાન સિંહ ભાટીની પત્નીની ભૂમિકા ભજવી છે. ટ્રેલરમાં સૈનિકોના પરિવારોનો દ્રષ્ટિકોણ પણ બતાવવામાં આવ્યો છે.
120 બહાદુર મુવી સ્ટોરી
120 બહાદુર સ્ટોરી 1962 ના ભારત-ચીન યુદ્ધ દરમિયાન રેઝાંગ લાના યુદ્ધ પર આધારિત છે. આ યુદ્ધમાં, મેજર શૈતાન સિંહ ભાટીના નેતૃત્વમાં 13 મી કુમાઉં રેજિમેન્ટના આશરે 120 ભારતીય સૈનિકોએ 3000 થી વધુ ચીની સૈનિકોનો બહાદુરીથી સામનો કર્યો અને તેમના છેલ્લા શ્વાસ સુધી તેમની ચોકીનો બચાવ કર્યો. ફિલ્મમાં ફરહાન મેજર શૈતાન સિંહ ભાટીની ભૂમિકા ભજવતો જોવા મળશે.
120 બહાદુર રિલીઝ ડેટ
120 બહાદુર મૂવીનું દિગ્દર્શન રઝનીશ ઘાઈ દ્વારા કરવામાં આવ્યું છે. આ ફિલ્મમાં ફરહાન અખ્તર અને રાશિ ખન્ના મુખ્ય ભૂમિકામાં છે. જાવેદ અખ્તરે ફિલ્મ માટે ગીતો લખ્યા છે. તાજેતરના આલ્બમ લોન્ચ ઇવેન્ટમાં, જાવેદ અખ્તરે તેમના પુત્રની ફિલ્મની પ્રશંસા કરી છે, આ મુવી 21 નવેમ્બરના રોજ થિયેટરમાં રિલીઝ થશે.
