મોંઘી ક્રીમ નહિ અદિતિ રાવ હૈદરીની ચમકતી ત્વચાનું સિક્રેટ આ છે, જાણી ચોંકી જશો!

Beauty Tips | જીવનશૈલી | અદિતિ રાવ હૈદરી (Aditi Rao Hydari) ફક્ત તેના શાનદાર અભિનય માટે જ નહીં, પરંતુ તેની સ્ટાઇલ અને કોમળ, ચમકતી ત્વચા માટે પણ જાણીતી છે . દરેક વ્યક્તિ અભિનેત્રીની સુંદરતાથી મોહિત છે. ચાહકો ઘણીવાર એવું માની લે છે કે તેની ગ્લોઈંગ સ્કિન મોંઘા સીરમ અથવા પ્રખ્યાત ત્વચા નિષ્ણાતોને કારણે છે.

"હીરામંડી" અભિનેત્રી અદિતિ રાવ હૈદરી (Aditi Rao Hydari)  કહે છે કે તેની સાચી સુંદરતાનું રહસ્ય ઘણું સરળ છે. તે તેના મેકઅપ ડ્રોઅરથી નહીં, પરંતુ તેના રસોડામાંથી શરૂ થાય છે. અહીં જાણો સિક્રેટ 

અદિતિ રાવ હૈદરી ગ્લોઇંગ સ્કિન કેર સિક્રેટ ટિપ્સ

અભિનેત્રી લાંબા સમયથી તેની ચમકતી ત્વચા , ચમકતા વાળ અને અજોડ "શાહી" શૈલી માટે પ્રશંસા પામેલી છે. જોકે, જ્યારે તેને તેની ત્વચા સંભાળની દિનચર્યા વિશે પૂછવામાં આવ્યું ત્યારે તેણે કહ્યું કે તેનું "રસોડું" ખરેખર તેની સુંદરતાનો શેલ્ફ છે. 

તાજેતરના એક ઇન્ટરવ્યુમાં, અભિનેત્રીએ ખુલાસો કર્યો કે સુંદરતા પ્રત્યેનો તેનો અભિગમ તેની માતા પાસેથી આવ્યો છે અને તે રોજિંદા ખોરાકમાં મૂળ ધરાવે છે. 

અદિતિ સમજાવે છે કે તે ત્વચાની સંભાળને પોષણનો એક ભાગ માને છે. તેના માટે, શરીરની અંદર શું જાય છે અને ત્વચા પર શું લાગુ પડે છે તે બંને એક જ સ્ત્રોતમાંથી આવે છે. તે ટ્રેન્ડ અથવા વાયરલ રૂટિન વિશે નથી. તે તમારા શરીર અને સ્કિનને નેચરલી ગ્લોઈંગ કરે છે.

એકટ્રેસ કહે છે કે, "હું મારા ચહેરા પર ફક્ત રસોડાના ઘટકોનો ઉપયોગ કરું છું. મારી માતાએ મને આ શીખવ્યું. હું રસોડામાં જે કંઈ મળે છે તેનો ઉપયોગ કરું છું, રીંગણ સિવાય (હસે છે). હું મોટે ભાગે જે ખાઉં છું તેનો ઉપયોગ કરું છું."

મોંઘી લિપસ્ટિકથી નહિ, રસોડાની આ વસ્તુથી થશે તમારા હોઠ નરમ ગુલાબી

રસોડામાં હાજર આ વસ્તુઓ સ્કિન ચમકદાર કરવામાં કરશે મદદ 

ઓટ્સ : દૂધ અથવા ગુલાબજળ સાથે ભેળવીને હળવા એક્સ્ફોલિયેશન માટે ઉત્તમ.

મધ : એક કુદરતી હ્યુમેક્ટન્ટ જે ભેજને જાળવી રાખે છે અને તાત્કાલિક કોમળતા પ્રદાન કરે છે.

હળદર : જ્યારે હળવા ફેસ પેક સાથે ભેળવીને લગાવવામાં આવે છે, ત્યારે તે ત્વચાને ચમકદાર બનાવવામાં મદદ કરે છે. 

નારિયેળ તેલ : એક સરળ મોઇશ્ચરાઇઝર જે ડ્રાય સ્કિન માટે ખૂબ જ સારું કામ કરે છે.

દહીં :તેમાં રહેલું કુદરતી લેક્ટિક એસિડ થાકેલી ત્વચાને નરમ અને તાજગી આપવામાં મદદ કરે છે.

એલોવેરા જેલ : સ્કીનને હાઇડ્રેટ કરવા અને તાજગીભર્યું ચમક આપવા માટે પરફેક્ટ.