સ્કિનકેર માટે બદામનો આ રીતે કરો ઉપયોગ, થશે અઢળક ફાયદા, સ્કિન ગ્લાસ જેવી ચમકશે

બદામને પાણીમાં પલાળી રાખીને ખાવાથી સ્વાસ્થ્યને ખૂબ ફાયદો થાય છે. એટલું જ નહીં, બદામનો ઉપયોગ માત્ર ખાવા માટે નથી પરંતુ સ્કિનકેર માટે પણ કરી શકાય છે. બદામ (Almonds) એન્ટીઑકિસડન્ટ અને ફેટી એસિડનો સમૃદ્ધ સ્ત્રોત છે. તેમાં વિટામિન E પણ ભરપૂર માત્રામાં હોય છે. આ સ્કિનના સ્વાસ્થ્યને જાળવવામાં અને ખીલ, ડ્રાયનેસ અને ટેનથી છુટકારો મેળવવામાં મદદ કરશે.

બદામ એક સુપરફૂડ માનવામાં આવે છે, તેનું સેવન કરવાથી શરીર સારું રહે છે અને યાદશકિત પણ વધે છે, પરંતુ શું તમને ખબર છે બદામનો ઉપયોગ સ્કિનકેર માટે પણ થાય છે? જો નહિ તો અહીં જાણો

સ્કિનકેર માટે બદામનો ઉપયોગ

• બદામ સ્ક્રબ : બદામને કોકો પાઉડર, લીંબુનો રસ અને એલોવેરા જેલ સાથે પીસી શકો છો. તમે તેને તમારા ચહેરા પર લગાવી શકો છો અને 5 મિનિટ સુધી હળવા હાથે મસાજ કરી શકો છો. પછી તેને ઠંડા પાણીથી ધોઈ લો.
• બદામ ક્લીંઝર : બદામ છોલીને છીણી લો. તમે તેમાં એક ચમચી લીંબુનો રસ ઉમેરી શકો છો. આમાં બે ચમચી દૂધ અને ક્રીમ ઉમેરો અને સારી રીતે મિક્સ કરો. પછી તેને તમારા ચહેરા પર લગાવો અને 10 મિનિટ માટે રહેવા દો. પછી તેને ઠંડા પાણીથી ધોઈ લો.
• બદામનું તેલ : બદામનું તેલ તમે તમારા ચહેરા પર લગાવી શકો છો અને હળવા હાથે માલિશ કરી શકો છો. દરરોજ રાત્રે સૂતા પહેલા આ કરો. તમે તેને સવારે ફેસવોશથી ધોઈ શકો છો.
• બદામ મોઇશ્ચરાઇઝર : એક ચમચી એલોવેરા જેલમાં બદામના તેલના 10 ટીપાં અને એક ચમચી ગ્લિસરીન મિક્સ કરી શકો છો. આ એક કુદરતી મોઇશ્ચરાઇઝર છે.
• બદામ ફેસ માસ્ક : બદામને રાતભર પાણીમાં પલાળી શકો છો. પછી તેને સારી રીતે પીસી લો. આમાં ઓટ્સનો પાવડર અને કાચું દૂધ ઉમેરો અને સારી રીતે મિક્સ કરો. આ મિશ્રણને તમારા ચહેરા પર લગાવો અને 20 મિનિટ પછી ઠંડા પાણીથી ધોઈ લો.