કોફી પીવાના મહત્તમ ફાયદા જોઈએ છે? આ 3 ભૂલો ન કરો

કોફી (Coffee) એ આખી દુનિયામાં પ્રિય પીણું છે. તેમાં જોવા મળતું કુદરતી ઉત્તેજક કેફીન તાત્કાલિક એર્નજી પ્રદાન કરે છે. કોફી આટલી લોકપ્રિય છે તેનું આ એક મુખ્ય કારણ છે. કોફીમાં ઘણા સ્વાસ્થ્ય લાભો પણ છે. કોફીમાં એન્ટીઑકિસડન્ટો હોય છે, ખાસ કરીને પોલીફેનોલ્સ. આ મૂડ સુધારવામાં મદદ કરી શકે છે.

કોફીના સ્વાસ્થ્ય ફાયદાઓ પ્રાપ્ત કરવા માટે કોફી યોગ્ય સમયે પીવી જોઈએ. ઘણા લોકો કોફી પીતી વખતે કેટલીક સામાન્ય ભૂલો કરે છે. આનાથી તેના સ્વાસ્થ્ય લાભો ઓછા થઈ શકે છે. અહીં જાણો કેવી રીતે?

કોફી પીતા પહેલા આ ભૂલો ટાળો

• ઓર્ગેનિક પસંદ ન કરવું : શ્રેષ્ઠ સ્વાદ અને સ્વાસ્થ્ય લાભો માટે ઉચ્ચ ક્વોલિટી ઓર્ગેનિક કોફીનો ઉપયોગ કરવો જરૂરી છે. કોફી એ એવા પાકોમાંનો એક છે જે સૌથી વધુ જંતુનાશકોનો ઉપયોગ કરે છે. જંતુનાશકોના ઉપયોગને મર્યાદિત કરવા માટે ઓર્ગેનિક કોફીનો ઉપયોગ કરો.
• યોગ્ય રોસ્ટનો ઉપયોગ : એસિડ રિફ્લક્સથી પીડાતા લોકો ઘણીવાર લક્ષણો ઘટાડવા માટે કોફી ટાળે છે. ડાર્ક રોસ્ટ અજમાવો. જો હાર્ટબર્ન કે એસિડ રિફ્લક્સ ન હોય, તો હળવા રોસ્ટ પસંદ કરો, કારણ કે તે એન્ટીઑકિસડન્ટોથી ભરપૂર હોય છે.
• ખાંડ ઉમેરવી : ઘણા લોકો ખાંડ વગર કોફીનો આનંદ માણી શકતા નથી. તે લોહીમાં ગ્લુકોઝ વધારે છે અને બળતરા વધારે છે. મીઠાશ માટે કોફી ઠંડી થયા પછી મધનું એક ટીપું ઉમેરો.

કેટલીક અન્ય ટિપ્સ

દરરોજ કોફીનું સેવન 400 મિલિગ્રામ કેફીન સુધી મર્યાદિત રાખો (લગભગ 4 કપ ઉકાળેલી કોફી). મોડી રાત્રે કોફી પીવાનું ટાળો, કારણ કે તે ઊંઘમાં ખલેલ પહોંચાડી શકે છે. ખાલી પેટે કોફી પીવાનું ટાળો. સવારે અથવા મોડી બપોરે તે પીવું બેસ્ટ છે.