Summer Health Tips: ડાયાબિટીસ દર્દી માટે ગુણકારી છે આ શરબત, ખાલી પેટે પીવાથી થશે 5 ફાયદા, જાણો રેસીપી

Bael Syrup Benefits On Empty Stomach: સવારનો મંત્ર : સવારે ખાલી પેટ બીલા નું શરબત પીવાથી ઘણા ફાયદા થાય છે. તેનાથી સ્વાસ્થ્ય સારું રહે છે. હકીકતમાં, બીલા એક પરંપરાગત અને આયુર્વેદિક ફળ છે, જે ઉનાળામાં ખાવામાં આવે છે. ખાલી પેટે તેનું સેવન કરવું વધુ સારું માનવામાં આવે છે. બીલા એટલે બીલી પત્રના ઝાડનું ફળ. જે દેખાવામાં જામફળ જેટલું મોટું ગોળ હોય છે.

બીલા પોષક તત્વથી ભરપૂર

બીલા વિટામિન સી, વિટામિન એ, બીટા કેરોટીન, કેલ્શિયમ, પોટેશિયમ, ફાઇબર, આયર્ન અને એન્ટિઓક્સિડેન્ટ્સ સહિત અનેક પ્રકારના પોષક તત્વો હોય છે, જે પાચનમાં સુધારો કરે છે તેમજ રોગપ્રતિકારક શક્તિમાં પણ સુધારો કરે છે.

પાચક તંત્ર સુધરે છે

બીલામાં નેચરલ ફાઇબર હોય છે, જે ગેસ, ડાયેરિયા, કબજિયાત અને એસિડિટી જેવી સમસ્યાઓને ઘટાડવામાં મદદરૂપ થાય છે. સવારે ખાલી પેટ બીલાનું શરબત પીવાથી પાચન તંત્રમાં સુધારો થાય છે.

શરીરને ઠંડક આપે છે

ઉનાળાની ગરમીમાં બીલાનું શરબત ખૂબ જ ફાયદાકારક છે. તે પીવાથી શરીરમાં ઠંડક મળે છે અને શરીરમાં પાણીની કમી થતી નથી. બીલાનું શરબત પીવાથી હીટ સ્ટ્રોકથી બચી શકાય છે.

બોડી ડિટોક્સ કરે છે

બીલાનું શરબત પણ શરીરમાં રહેલી ગંદકીને સરળતાથી સાફ કરે છે. તે લીવર અને કિડનીને સાફ કરવામાં મદદ કરે છે.

બીલામાં નેચરલ સુગર હોય છે

બીલામાં નેચરલ સુગર હોય છે. ડાયાબિટીસ દર્દીઓ પણ તેનું સેવન કરી શકે છે. જો કે તેને ખાતા પહેલા એક વાર ડોક્ટરની સલાહ જરૂર લેવી.

બીલાનું શરબત કેવી રીતે બનાવવું?

બીલાનું શરબત બનાવવા માટે બીલાને વચ્ચેથી તોડો. બીલાની અંદરનો પલ્પ એક બાઉલમાં કાઢી લો, તેમાથી બીલાના બીયા અલગ કરી લો. હવે તેમાં થોડું પાણી ઉમેરીને સારી રીતે મેશ કરી લો. આ મિશ્રણને ચાળણી વડે ગાળી લો. હવે તમે તેને મીઠુ કરવા મધ કે ગોળ અને ટેસ્ટ માટેે સિંધવ મીટું ઉમેરી શકો છો. આ રીતે તમે બીલાનું શરબત ઘરે જ સરળતાથી તૈયાર કરી શકો છો. બીલાના શરબતને ફ્રીજમાં ઠંડુ થવા મૂકો.