દરરોજ ખાલી પેટે એક ચમચી ઘી ખાવાથી શરીર રહેશે નિરોગી!

દરરોજ ખાલી પેટે એક ચમચી ઘી (benefits of eating ghee on empty stomach) ખાવાથી ઘણા સ્વાસ્થ્ય લાભ થશે. એક્સપર્ટ કહે છે કે ખાલી પેટે નિયમિતપણે એક ચમચી ઘીનું સેવન કરવાથી ગ્લુકોમા અને મોતિયા જેવી આંખોની સમસ્યાઓનું જોખમ ઓછું થઈ શકે છે.

એક્સપર્ટએ પણ કહ્યું "દરરોજ સવારે ખાલી પેટે ઉઠતાની સાથે જ એક ચમચી ઘી ખાવાથી શરીરમાં કેવા ફેરફાર થશે.'' અહીં જાણો

દરરોજ ખાલી પેટ એક ચમચી ઘી ખાવાના ફાયદા

એક્સપર્ટે કહ્યું. "સવારે ખાલી પેટે ઉઠતાની સાથે જ એક ચમચી ઘી ખાવાથી મગજની કાર્યક્ષમતામાં વધારો થશે. તેનું સેવન રેગ્યુલર કરવાથી યાદશક્તિ ગુમાવવી, અલ્ઝાઈમર અને ડિમેન્શિયા જેવા રોગોનું જોખમ ઘટાડશે.''

દરરોજ ખાલી પેટ ઘી ખાવાથી હૃદય સ્વસ્થ રહેશે. હૃદયમાં રક્ત પ્રવાહને સરળ બનાવે છે. તે ખરાબ કોલેસ્ટ્રોલનું લેવલ વધાર્યા વિના તેને સ્થિર રાખશે. તે શરીરને જરૂરી સારી ચરબીનું પ્રમાણ જાળવવામાં પણ મદદ કરશે. આનાથી હાર્ટ એટેકનું જોખમ ઓછું થશે. આ ઉપરાંત તે શરીરની રોગપ્રતિકારક શક્તિમાં પણ વધારો કરશે.

આ પણ વાંચો: ઉનાળામાં બ્લડ સુગર કંટ્રોલમાં રહેશે, સરળ ટિપ્સ અનુસરો

ખાલી પેટ એક ચમચી ઘી અને પછી એક ગ્લાસ ગરમ પાણી પીવાથી વાળ ખરતા બંધ થશે અને વાળનો વિકાસ થશે. રોજ એક ચમચી ઘી ખાવાથી આંખોની રોશની સુધરે છે. ઘીમાં હાજર બ્યુટીરિક એસિડ અને મીડિયમ ચેઈન ટ્રાઇગ્લિસરાઇડ્સ (MCTs) પાચનને નિયંત્રિત કરવામાં, આંતરડામાંથી કચરાને સંપૂર્ણપણે દૂર કરવામાં, સ્વસ્થ આંતરડા જાળવવામાં અને અપચો, અલ્સર અને હાર્ટબર્ન જેવા લક્ષણો ઘટાડવામાં મદદ કરે છે. એટલું જ નહીં, તે કબજિયાત અટકાવે છે.

દરરોજ એક ચમચી ઘી ખાવાથી તમારી સ્કિનમાં ચમક અને નિખાર આવશે. નાની ઉંમરે સ્કિન પર કરચલીઓ બનતી અટકાવે છે. એક્સપર્ટ કહે છે તે બ્લેકહેડ્સ, ડાઘ વગેરે દૂર કરે છે. આ દરમિયાન ખરાબ કોલેસ્ટ્રોલનું પ્રમાણ વધુ હોય તેવા લોકોએ ઘી ન ખાવું જોઈએ.ડોક્ટર દ્વારા મેદસ્વી લોકોને ઘી ન ખાવાની સલાહ અપાય છે.