Summer Special : દિવસની શરૂઆત આ હેલ્ધી ડ્રિંક સાથે કરો, ગરમીથી બચાવશે

Summer Special : ઉનાળાની શરૂઆત થઇ ગઈ છે. અને જેમ જેમ ઋતુ બદલાય છે તેમ તેમ આપણા શરીરની પોષણની જરૂરિયાતો પણ બદલાય છે. હેલ્થ એક્સપર્ટ કહે છે કે તમારા સ્વાસ્થ્ય માટે ડાયટમાં માત્ર ખોરાક જ નહીં પરંતુ અમુક ડ્રિન્ક અથવા પીણાંનો પણ સમાવેશ કરવો સ્વાસ્થ્ય માટે ફાયદાકારક છે, અહીં ડાયેટિશિયન લવનીત બત્રાએ ઇન્સ્ટાગ્રામ પર શેર કર્યું છે કે, તમારે ઉનાળામાં સવારે ક્યા ક્યાં પીણાં (best morning drinks for summer) પીવા જરૂરી છે, અહીં જાણો

આ સમર મોર્નિંગ ડ્રિન્કની લિસ્ટમાં નીચેના લિસ્ટનો સમાવેશ થાય છે, જાણો

આમળા અને આદુનો શોટ : હેલ્થ એક્સપર્ટે કહ્યું, હવામાનમાં થતા ફેરફાર દરમિયાન તાજા આમળાના રસનો માત્ર 30 મિલી શોટ 1 ચમચી આદુના રસમાં ભેળવીને પીવાથી તમારી રોગપ્રતિકારક શક્તિ વધી શકે છે. હાઈ બ્લડ સુગરને કંટ્રોલ કરવામાં પણ આ ડ્રિન્ક અસરકારક સાબિત થઇ શકે છે.

આ પણ વાંચો: Cucumber : ઉનાળામાં કાકડી ખાવાના ફાયદા જાણો, બ્લડ સુગર રહેશે કંટ્રોલમાં

આમળા અને આદુ શોટના ફાયદા

• આદુ તેના બળતરા વિરોધી અને પાચન લાભો માટે જાણીતું છે. તે પાચનમાં મદદ કરે છે
• આ ઉપરાંત જઠરને લગતી સ્વાસ્થ્ય સમસ્યામાં રાહત આપે છે, જે ખાસ કરીને મોસમ બદલાવાથી થઈ શકે છે.
• આમળા વિટામિન સીનો શક્તિશાળી સ્ત્રોત છે. રોગપ્રતિકારક શક્તિને મજબૂત બનાવે છે અને શરદી અને એલર્જી જેવી મોસમી બીમારીઓ સામે રક્ષણ આપે છે.
• આમળા અને આદુ શોટ તમારા ચયાપચયને વેગ આપે છે.

સફેદ કોળાનો જ્યુસ : જો તમને પેટનું ફૂલવું અથવા બ્લોટિંગ, એસિડિટી અને કબજિયાત જેવી પાચન સમસ્યાઓ હોય તો દિવસની સારી શરૂઆત કરવા માટે આ જ્યુસ ફાયદાકારક છે. કોળા પણ ખૂબ જ ઠંડક અને ક્ષારયુક્ત છે.

સફેદ કોળાનો જ્યુસના ફાયદા :

• સફેદ કોળાનો જ્યુસ તેના ઠંડક ગુણધર્મો માટે પણ જાણીતો છે, જે તેને ગરમ હવામાન દરમિયાન શરીરના તાપમાનને સંતુલિત કરવા માટે એક આદર્શ વિકલ્પ બનાવે છે.
• તેમાં હાઈ ફાઇબર સામગ્રી પાચનમાં મદદ કરી શકે છે અને તૃપ્તિને પ્રોત્સાહન આપે છે, વેઇટ લોસ કરનારાઓ માટે એક અસરકારક ઓપ્શન છે.

આ પણ વાંચો: Sore Throat : બદલાતી મોસમમાં લીંબુનો રસ અને મધનું મિશ્રણ શરદી અને ગળાના દુખાવામાં રાહત આપે?

નાળિયેર પાણી : નાળિયેર પાણી એક સંપૂર્ણ હાઇડ્રેટર જે તમારા પાચન શક્તિ વધારવામાં મદદ કરી શકે છે. તમારી ઉર્જા વધારવા માટે તમારા સવારના વર્કઆઉટ પહેલાં તેનો આ ડ્રિન્કનું સેવન કરો.

નાળિયેર પાણી પીવાના ફાયદા :

• આ પીણું એક આઇસોટોનિક પીણું છે, જે પોટેશિયમ, સોડિયમ અને મેગ્નેશિયમ જેવા ઇલેક્ટ્રોલાઇટ્સથી સમૃદ્ધ છે, જે તેને હાઇડ્રેશન માટે ઉત્તમ વિકલ્પ છે.
• નારિયેળના પાણીમાં સાયટોકિનિન હોય છે, જે વૃદ્ધત્વ વિરોધી અને કેન્સર વિરોધી અસરો સાથે સંકળાયેલા છે, જે એકંદર આરોગ્ય અને જીવનશક્તિને પ્રોત્સાહન આપે છે.

આ પીણાં મહત્વપૂર્ણ પોષક તત્વો, એન્ટીઑકિસડન્ટો અને હાઇડ્રેશન પ્રદાન કરે છે, જે હેલ્થ અને એનર્જી માટે સવારે તેનું સેવન કરી શકાય છે. જો તમે મોર્નિંગ ડ્રિંક્સને વધુ સ્વાદિષ્ટ બનાવવા માંગતા હોવ, ગરમ પાણીમાં આદુ, લીંબુનો રસ અને મધ ઉમેરવું જોઈએ. દરરોજ સવારે આ ગરમ પીણું પીવાથી પાચનતંત્ર મજબૂત થાય, ઉબકા અને હાર્ટબર્ન અને અપચો અટકાવવામાં મદદમાં મળે છે. આ ડ્રિન્કનું ઉનાળામાં લેવાથી રોગપ્રતિકારક શક્તિ વધે, સ્કિનને ગ્લો મળે અને ગળાના દુખાવામાં રાહત આપે છે.