Cashews Health Tips: કાજુ ખાવાથી કોલેસ્ટ્રોલ વધે છે? આ ડાયફૂ્ટના સેવનથી હૃદય રોગનું જોખમ વધે છે? જાણો હેલ્થ એક્સપર્ટ્સ પાસેથી

Cashews Effects On Cholesterol And Heart Diseases : શરીરમાં કોલેસ્ટ્રોલ વધુ એક ગંભીર સમસ્યા છે, જેનું કારણ ખરાબ ડાયટ, બગડતી લાઈફ સ્ટાઈલ અને તણાવ છે. હકીકતમાં મોટાભાગના રોગો માટે આ ત્રણ પરિબળો જવાબદાર છે. કોલેસ્ટ્રોલ એ એક મીણ જેવું ચીકણું પદાર્થ છે જે લીવર દ્વારા ઉત્પન્ન થાય છે અને શરીરના દરેક ભાગમાં હોય છે. કોલેસ્ટ્રોલના બે પ્રકાર છે, એક હાઈ ડેન્સિટી લિપોપ્રોટીન (HDL) જે સારા કોલેસ્ટ્રોલ તરીકે ઓળખાય છે અને બીજું છે લો ડેન્સિટી લિપોપ્રોટીન (HDL) જે ખરાબ કોલેસ્ટ્રોલ તરીકે ઓળખાય છે. ખરાબ કોલેસ્ટ્રોલમાં વધુ પડતો વધારો સ્વાસ્થ્યને નુકસાન પહોંચાડે છે અને હૃદય રોગોનું કારણ બને છે. જે લોકોમાં ખરાબ કોલેસ્ટ્રોલનું પ્રમાણ વધારે છે તેઓ તેમના આહારનું યોગ્ય સેવન ન કરે તો હાઈ બ્લડ પ્રેશર અને હાર્ટ એટેકનું જોખમ વધી શકે છે.

હાઈ કોલેસ્ટ્રોલ માટે ડાયટ ખૂબ જ જવાબદાર પરિબળ છે. ડાયટમાં સંતૃપ્ત ચરબી, તેલયુક્ત ખોરાક અને ટ્રાન્સ ફેટના સેવનથી ખરાબ કોલેસ્ટ્રોલ ઝડપથી વધે છે, તેથી તેમને ટાળવું મહત્વપૂર્ણ છે. અખરોટનું સેવન સ્વાસ્થ્ય માટે ખૂબ જ ફાયદાકારક હોય છે, પરંતુ મોટાભાગના લોકોના મનમાં એક પ્રશ્ન હોય છે કે જે લોકોમાં કોલેસ્ટ્રોલ વધારે છે તેમણે કાજુ જેવા ડ્રાયફ્રુટ્સનું સેવન કરવું જોઇએ કે નહીં.

DiaBexyમાં એક્સપર્ટ્સ લોકેન્દ્ર તોમરના જણાવ્યા અનુસાર, કાજુમાં રહેલા પોષક તત્વોની વાત કરીએ તો તેમાં 44 ટકા ફેટ, 30 ટકા કાર્બોહાઇડ્રેટ અને 18 ટકા પ્રોટીન હોય છે જે સ્વાસ્થ્ય માટે જરૂરી છે. કાજુને પોષક તત્વોનું પાવર હાઉસ માનવામાં આવે છે. હવે સવાલ એ થાય છે કે પોષક તત્વોથી ભરપૂર કાજુનું સેવન કોલેસ્ટ્રોલ પર શું અસર કરે છે? ચાલો એક્સપર્ટ્સ પાસેથી જાણીએ કે શું કાજુના સેવનથી કોલેસ્ટ્રોલ વધી શકે છે?

શું કાજુના સેવનથી કોલેસ્ટ્રોલ વધે છે? (Cashews Can Increase Cholesterol?)

કાજુ એક ડ્રાય ફરુટ છે જે પ્લાન્ટ બેઝ્ડ ફૂડ છે જે કોલેસ્ટ્રોલ વધારતું નથી. એનિમલ બેઝ ફૂડ્સનું સેવન કરવાથી કોલેસ્ટ્રોલનું પ્રમાણ વધવાનું જોખમ રહેલું છે. કાજુમાં ઝીરો કોલેસ્ટ્રોલ હોય છે. ફોર્ટિસ એસ્કોર્ટ્સ હાર્ટ ઈન્સ્ટિટ્યૂટ, દિલ્હીના ઈન્ટરવેન્શનલ કાર્ડિયોલોજીના પ્રિન્સિપલ ડાયરેક્ટર ડૉ. નિશીથ ચંદ્રાએ જણાવ્યું હતું કે કાજુ માત્ર ખરાબ કોલેસ્ટ્રોલ અથવા એલડીએલને ઘટાડી શકતા નથી પરંતુ તેમાં મેગ્નેશિયમના ઉંચા પ્રમાણને કારણે હૃદયના રોગોથી પણ બચી શકે છે. આહારમાંથી કોલેસ્ટ્રોલ તમારા લોહીમાં કુલ કોલેસ્ટ્રોલના ત્રીજા ભાગનું યોગદાન આપે છે. આહારમાંથી મળતું કોલેસ્ટ્રોલ કાજુમાંથી નહીં પણ એનિમલ બેઝ્ડ ફૂડમાંથી મળે છે.

હેલ્થ એક્સપર્ટ્સના મતે કાજુ એ પ્લાન્ટ બેઝ્ડ ફૂડ છે. ઘણા સંશોધનોમાં તે સાબિત થયું છે કે કાજુમાં મોટાભાગની ચરબી સ્ટીરિક એસિડમાંથી આવે છે જે લોહીમાં હાજર કોલેસ્ટ્રોલ પર કોઈ અસર કરતી નથી. ઘણા અહેવાલોમાં તેવું સાબિત થયું છે કે દિવસ દરમિયાન થોડાક કાજુ ખાવાથી લો ડેન્સિટીવાળું લિપોપ્રોટીન ઘટી શકે છે.

આ પણ વાંચો |ખાલી પેટ અંજીરના પાણીનું સેવન કરો, વેઇટ લોસની સાથે શરીરને થશે આ અદભૂત ફાયદા

કાજુ હૃદયને સ્વસ્થ રાખે (Cashews Effects On Heart Diseases)

કાજુનું સેવન કરવાથી હૃદય સ્વસ્થ રહે છે. કાજુ એલડીએલ કોલેસ્ટ્રોલને નિયંત્રિત કરે છે અને હૃદયની તંદુરસ્તી સુધારે છે. કાજુમાં હાજર મેગ્નેશિયમ હૃદયની બીમારીઓને દૂર કરવામાં અસરકારક સાબિત થાય છે. આહારમાં પૂરતા પ્રમાણમાં મેગ્નેશિયમનું સેવન કરવાથી હૃદયની બીમારીઓનું જોખમ ઓછું થાય છે.