કયા વિટામિનની ઉણપથી ચહેરો ડાર્ક થાય છે? આ સમસ્યા ઉપાય શું?

શરીરના જુદા જુદા ભાગોને અલગ અલગ વિટામિનની જરૂર પડે છે. જ્યારે આની ઉણપ હોય છે, ત્યારે શરીરમાં ઘણા ફેરફારો થાય છે. ઘણા વિટામિન્સ ચમકતો અને સ્પષ્ટ ચહેરો જાળવવામાં પણ મહત્વપૂર્ણ ભૂમિકા ભજવે છે, ઘણા લોકોના ચહેરાનો રંગ અચાનક કાળો થઈ જાય છે. આવા કિસ્સાઓમાં, લોકો વિવિધ બ્યુટી પ્રોડક્ટસનો ઉપયોગ કરે છે.

જ્યારે વિટામિનની ઉણપ થાય છે, ત્યારે તેની અસર ચહેરા પર દેખાય છે. આ ઉણપથી ત્વચા કાળી પડી શકે છે. જોકે, આ વિટામિનની ઉણપનું લક્ષણ હોઈ શકે છે. અહીં જાણો કયા વિટામિનની ઉણપથી ચહેરો કાળો પડી જાય છે.

કયું વિટામિન જવાબદાર છે?

વિટામિન B-12 (Vitamin B-12) શરીરના ઘણા ભાગો માટે મહત્વપૂર્ણ છે. તે સ્નાયુઓની મજબૂતાઈ, નર્વસ સિસ્ટમ, લાલ રક્તકણોની રચનામાં મુખ્ય ભૂમિકા ભજવે છે અને મેલાનિનના ઉત્પાદનને નિયંત્રિત કરે છે. મેલાનિન રંગ માટે મહત્વપૂર્ણ છે.

સ્કિન કલર કેમ કાળો થાય છે?

• મેલાનિન એ ત્વચા વાળ અને આંખોના રંગ માટે જરૂરી રંગદ્રવ્ય છે. પર્યાવરણીય પરિબળો અને આનુવંશિકતા મેલાનિનની માત્રાને અસર કરે છે, જેના પરિણામે સ્કિનનો કલર બદલાય છે. તે જ સમયે વિટામિન B-12 ની ઉણપ મેલાનિનની માત્રામાં પણ ફેરફાર લાવી શકે છે, જેના કારણે ચહેરા પર સફેદ ફોલ્લીઓ અથવા હાયપરપીગ્મેન્ટેશન થઈ શકે છે. વિટામિન B-12 ની ઉણપનું એક લક્ષણ ચહેરો અને શરીરના અન્ય ભાગો કાળા પડી જવા છે. વિટામિન B12 સ્કિન કલરને સમાન બનાવવામાં મદદ કરે છે. તે કાળા ડાઘને હળવા કરવામાં અને ખીલની સારવારમાં પણ ફાયદાકારક છે. તેથી હાયપરપીગ્મેન્ટેશન ટાળવા માટે, તમારે વિટામિન B12 થી ભરપૂર ખોરાક લેવો જોઈએ. અહીં જાણો આ ઉણપને કેવી રીતે દૂર કરવી?

વિટામિન બી 12 ની ઉણપના ઉપાય

• મોરિંગાના પાન : પાલક, સરસવના પાન અને મીઠો લીમડોમાં વિટામિન બી 12 સારી માત્રામાં હોય છે. આ પાનમાં પ્રોટીન, સ્વસ્થ ચરબી, કેલ્શિયમ અને આયર્ન પણ સારી માત્રામાં હોય છે.
• શાકાહારીઓએ શું ખાવું જોઈએ : જો તમે શાકાહારી છો, તો દૂધ, દહીં, ચીઝ અને ફોર્ટિફાઇડ દૂધમાં વિટામિન B-12 સારી માત્રામાં હોય છે.
• માંસાહારીઓ માટે ખોરાક : વિટામિન બી 12 ઈંડામાં સૌથી વધુ માત્રામાં જોવા મળે છે. ઈંડા ઉપરાંત, તે મીટ અને કેટલીક ફિશમાં પણ સારી માત્રામાં જોવા મળે છે.