Conjunctivitis : ચોમાસામાં આંખ આવવાના કેસોમાં વધારો, ચેતવણીના ચિહ્નો જાણો

Conjunctivitis : ઉનાળો પૂરો થાય એટલે ચોમાસુ (Monsoon) શરૂ થઇ છે, આ સીઝનમાં વરસાદ પડતા અને વાતાવરણ ઠંડુ થતા આપણને અસહ્ય ગરમીથી રાહત મળે છે. પંરતુ ચોમાસુ ઘણી બીમારીઓ લઈને આવે છે, આ ઋતુમાં પાણીજન્ય રોગો વધે છે. આ ઉપરાંત આ સીઝનમાં ભેજનું પ્રમાણ વધારે હોવાથી આંખ આવવવા (Conjunctivitis) કેસો વધે છે, જેના માટે ચેતવણીના ચિહ્નો ધ્યાન રાખવા જરૂરી છે, અહીં જાણો એક્સપર્ટ શું કહે છે,

રાજકોટની નેત્રદીપ મેક્સિવિઝન આંખની હોસ્પિટલના કોર્નિયા અને રીફ્રેક્ટિવ કન્સલ્ટન્ટ ડૉ અવની સપોવાડિયાના જણાવ્યા અનુસાર આંખો આવવાની સમસ્યા એડેનોવાયરસને કારણે થાય છે. સામાન્ય રીતે તે એક હળવી કન્ડિશન છે જે થોડી કાળજી રાખવામાં આવે તો જાતે જ ઠીક થઈ જાય છે. પરંતુ કોઈ કિસ્સામાં જ્યારે ચેપ ગંભીર બની શકે છે, જેમાં તબીબી સારવારની જરૂર પડે છે. સમયસર સારવાર અને અસરકારક ઉપાય માટે ગંભીર આંખના ફ્લૂના ચેતવણી ચિહ્નોને આળખવા મહત્વપૂર્ણ છે.

આ પણ વાંચો: NATTO Report: ભારતમાં વર્ષ 2023માં સૌથી વધુ અંગ પ્રત્યારોપણ, 63 ટકા જીવંત અંગ દાતા મહિલાઓ : NOTTO રિપોર્ટ

આંખ આવવાના લક્ષણો

આંખ આવવવાની સમસ્યા સામાન્ય રીતે એકથી બે અઠવાડિયા સુધી ચાલે છે. જો લક્ષણો બે અઠવાડિયાથી વધુ ચાલુ રહે છે, તો તે ગૌણ ચેપ સૂચવી શકે છે. લાંબા સમય સુધી લાલાશ, સોજો અને સ્રાવ હોય તો ડૉક્ટરની મુલાકાત લેવી જરૂરી બને છે,

તીવ્ર બળતરા થવી : જ્યારે હળવી અસ્વસ્થતા અને બળતરા સામાન્ય છે, ગંભીર પીડા નથી. આંખોમાં સતત બળતરા થાય તો હેલ્થકેર પ્રોફેશનલને બતાવવું જરૂરી છે.

પ્રકાશ પ્રત્યે સેન્સિટિવિટી : પ્રકાશ પ્રત્યે વધેલી સંવેદનશીલતા, અથવા ફોટોફોબિયા, વધુ ગંભીર ચેપનું લક્ષણ હોઈ શકે છે. જો પ્રકાશની સંવેદનશીલતા તીવ્ર અને સતત હોય, તો તબીબી સલાહ લેવી મહત્વપૂર્ણ છે.

ઝાંખું દેખાવું : સ્રાવને કારણે ઝાંખું દેખાવા લાગે છે પરંતુ સતત અસ્પષ્ટ દ્રષ્ટિ અથવા ધ્યાન કેન્દ્રિત કરવામાં મુશ્કેલી એ રેડ ફ્લેગ છે.

સોજો : પોપચાનો મધ્યમ સોજો સામાન્ય છે, પરંતુ જો સોજો ગંભીર બની જાય અને આંખોની બહાર વિસ્તરે, તો તે વધુ ગંભીર સમસ્યા સૂચવી શકે છે.

લાલાશ આંખો : આ ચેપમાં આંખ લાલ થઇ શકે છે, પરંતુ જો લાલાશ તીવ્ર અને બગડતી હોય તો ગંભીર ગણી શકાય

આંખો માંથી ડિસ્ચાર્જ :આંખના ફ્લૂમાં પાણીયુક્ત સ્રાવ થઇ શકે છે, પરંતુ જાડા, પીળા સ્રાવની હાજરી સંભવિત બેક્ટેરિયલ સહ-ચેપ સૂચવે છે.
પોપચાંની ક્રસ્ટિંગ: ગંભીર ક્રસ્ટિંગ કે જે આંખોને ખુલતી અટકાવે છે, ખાસ કરીને જાગ્યા પછી, ચેપના વધારાને સૂચવી શકે છે.

તાવ આવવો : જ્યારે નેત્રસ્તર આંખનો ફલૂ હળવા પ્રણાલીગત લક્ષણો સાથે સંકળાયેલ હોઈ શકે છે, ત્યારે વધારે તાવ, શરીરમાં દુખાવો અને સામાન્ય અસ્વસ્થતા વધુ ગંભીર ચેપને સૂચવી શકે છે.

આ પણ વાંચો: Pregnancy Health Tips : શું ગર્ભાવસ્થા દરમિયાન સ્પોર્ટ્સ સ્પર્ધામાં ભાગ લેવો સુરક્ષિત છે? એક્સપર્ટ શું કહે છે?

સોજો લસિકા ગાંઠ : કાનની નજીકની લસિકા ગાંઠો વાયરલ નેત્રસ્તર દાહ સાથે સહેજ ફૂલી શકે છે, પરંતુ નોંધપાત્ર રીતે વિસ્તૃત અથવા પીડાદાયક લસિકા ગાંઠો હોય તો ડૉક્ટરની તપાસ કરાવવી જરૂરી છે.

અન્ય સ્વાસ્થ્ય સમસ્યાઓ:

એચઆઈવી, ડાયાબિટીસ અથવા કીમોથેરાપીથીમાંથી પસાર થનાર વ્યક્તિની રોગપ્રતિકારક શક્તિ ઓછી હોય છે અને તેમને ઊંચા જોખમને કારણે નેત્રસ્તર આંખના ફ્લૂના પ્રથમ સંકેત પર તબીબી સલાહ લેવી જોઈએ.

જ્યારે આંખ આવવાની સમસ્યા સામાન્ય રીતે હળવો હોય છે, ત્યારે અમુક ચેતવણીના ચિહ્નો પર ધ્યાન આપવું જરૂરી છે. લાંબા સમય સુધી લક્ષણો, ગંભીર અગવડતા, દ્રષ્ટિમાં ફેરફાર, તીવ્ર લાલાશ અને સોજો, સ્રાવ, લક્ષણો અને અન્ય સમસ્યા આ બધા ડૉક્ટરની મુલાકાતની ખાતરી આપે છે. આ ચિહ્નોને ઓળખવાથી સમયસર સારવાર થઇ શકે છે, સમસ્યાના જોખમને ઘટાડે છે અને વધુ સારા પરિણામોને પ્રોત્સાહન આપે છે. જો શંકા હોય તો, યોગ્ય નિદાન અને સારવાર સુનિશ્ચિત કરવા માટે ડોક્ટરનો સંપર્ક કરવો હંમેશા જરૂરી છે.