શું પપૈયા કબજિયાત માં રાહત આપે? એક્સપર્ટે જણાવ્યું

જીવનશૈલી | કબજિયાત (Constipation) એ એક મોટી સમસ્યા છે જે ઘણા લોકોને તેમના રોજિંદા જીવનમાં પરેશાન કરે છે. તે ઘણીવાર ઓછા ફાઇબરવાળા ખોરાક અને પૂરતું પાણી ન પીવાને કારણે થાય છે. પરંતુ શું તમે જાણો છો કે પપૈયા (papaya) કુદરતી રીતે કબજિયાતને દૂર કરવામાં મદદ કરી શકે છે ? ગેસ્ટ્રોએન્ટેરોલોજિસ્ટ ડૉ. સૌરભ સેઠીએ એક ઇન્સ્ટાગ્રામ વિડિયોમાં પપૈયાના ફાયદા અને તે સ્વાસ્થ્ય માટે કેવી રીતે ફાયદાકારક છે તે સમજાવ્યું છે.

પપૈયા કબજિયાતમાં કેવી રીતે રાહત આપે?

પપૈયામાં પેપેઈન અને કીમોપેપેઈન જેવા ઉત્સેચકો હોય છે જે પ્રોટીનને ઝડપથી તોડવામાં મદદ કરે છે. આ પાચન પ્રક્રિયાને સરળ બનાવે છે. પપૈયામાં દ્રાવ્ય અને અદ્રાવ્ય ફાઇબર ભરપૂર માત્રામાં હોય છે. આ મળને નરમ બનાવવામાં અને આંતરડાની ગતિવિધિઓને સરળ બનાવવામાં મદદ કરે છે.
 
પપૈયું એક એવું ફળ છે જેમાં લગભગ 88 ટકા પાણી હોય છે. આ શરીરને હાઇડ્રેટ રાખવા અને કબજિયાત અટકાવવા માટે ઉત્તમ છે. પપૈયું આંતરડામાં સારા બેક્ટેરિયાના વિકાસમાં મદદ કરે છે, જે પાચનતંત્રના એકંદર સ્વાસ્થ્યને સુધારે છે.

View this post on Instagram

પપૈયાના અન્ય સ્વાસ્થ્ય ફાયદા

રોગપ્રતિકારક શક્તિ વધે : પપૈયા શરીરની રોગપ્રતિકારક શક્તિ વધારવામાં મદદ કરે છે કારણ કે તે વિટામિન સીથી ભરપૂર છે.
હૃદયનું સ્વાસ્થ્ય: પોટેશિયમ અને ફાઇબરથી ભરપૂર પપૈયું બ્લડ પ્રેશરને નિયંત્રિત કરવા અને ખરાબ કોલેસ્ટ્રોલ ઘટાડવા માટે સારું છે.
સ્કિનની સુંદરતા: વિટામિન A અને C કરચલીઓ ઘટાડવામાં અને ત્વચાની ચમક વધારવામાં મદદ કરે છે.
વજન ઘટાડવા માટે: પપૈયાને એવા લોકોના ડાયટમાં સામેલ કરી શકાય છે જેઓ વજન ઘટાડવા માંગે છે કારણ કે તેમાં કેલરી ઓછી અને ફાઇબર વધુ હોય છે .
બળતરા ઘટાડે : પપૈયાના બળતરા વિરોધી ગુણધર્મો સંધિવા જેવી સમસ્યાઓથી પીડાતા લોકોને રાહત આપી શકે છે.

ખીલ દૂર કરી ચહેરો ચમકદાર કરવાની સરળ ટિપ્સ, તુલસીના પાનનો આ રીતે કરો ઉપયોગ

કબજિયાતમાં પપૈયા ખાવાની સાચી રીત

સવારે ખાલી પેટ પપૈયા ખાવાથી પાચન પ્રક્રિયા ઉત્તેજીત થશે અને શરીરમાંથી ઝેરી તત્વો દૂર થશે. પપૈયાના ટુકડાને થોડું કાળા મીઠા અથવા લીંબુના રસ સાથે ખાવાથી સ્વાદ તો વધશે જ, સાથે પાચનમાં પણ ફાયદો થશે. સગર્ભા સ્ત્રીઓએ કાચું પપૈયા ખાવાનું ટાળવું જોઈએ. તેવી જ રીતે, પેટની સેન્સટીવ સમસ્યાઓ ધરાવતા લોકોએ પપૈયા અને દૂધ એકસાથે ખાવાનું ટાળવું જોઈએ.