Diwali 2023 Recipes : દિવાળીમાં ડાયાબિટીસ દર્દીઓ માટે સુગર ફ્રી રેસીપી, બ્લડ સુગર પણ નહીં વધે અને શરીર રહેશે તંદુરસ્ત

Diwali 2023 Recipes for Diabetes Patients Friendly Sweet : દિવાળી એટલે આનંદ-ઉમંગનો તહેવાર. દિવાળી એટલે મીઠાઈઓ ખાવાનું, સુંદર કપડાં પહેરવા અને મિત્રો અને પરિવાર સાથે સુંદર સમય પસાર કરવાનો સમય. પરંતુ આ સમય ડાયાબિટીસના દર્દીઓ માટે મુશ્કેલ હોઈ શકે છે કારણ કે તેમને કડક ડાયટ જાળવવાની અને મીઠાઈઓ અને હાઇ કાર્બોહાઇડ્રેટ્સ વાળી ચીજો ખાવાથી દૂર રહેવું પડે છે, કારણ કે તેમને બ્લડ સુગર કન્ટ્રોલમાં રાખવાનું હોય છે. અહીંયા અમે તમને ડાયાબિટીસના દર્દીઓ માટે 3 ખાસ મિઠાઇ વિશે જણાવી રહ્યા છે, જે ખાવાથી બ્લડ સુગર પણ કન્ટ્રોલમાં રહેશે અને હેલ્થ પણ સારી રહેશે. સત્વ ધ આયુર્વેદિક કુક બુક અને આર્ટ ઓફ લિવિંગના આયુર્વેદિક કુકિંગ એક્સપર્ટ્સ કૌશની દેસાઈ ડાયાબિટીસના દર્દીઓ પણ માણી શકે તેવી કેટલીક સરળ વાનગીઓ શેર કરે છે. તેઓ જણાવે છે કે, આ રેસિપીઓ ખૂબ જ આરોગ્યપ્રદ છે, તેથી તમારે દિવાળી પછી ટ્રેડમિલ પર વધારે સમય પસાર કરવાની જરૂર પડશે નહીં.

બાજરીના બિસ્કિટ (Millet biscuits)

બાજરના બિસ્કિટ બનાવવાની સામગ્રી (Millet biscuits Ingredients)

200 ગ્રામ – જુવારનો લોટ
200 ગ્રામ – ઓટ્સ
200 ગ્રામ – ગોળ
200 ગ્રામ – ઘી
1/2 ચમચી – વેનીલા
1/4 ચમચી – સોડા બાય કાર્બોનેટ
1/4 ચમચી – બેકિંગ પાવડર
1 ચમચી – ફ્લેક્સ મીલ
2 ચમચી – પાણી

બાજરીના બિસ્કિટ બનાવવાની રીત (Millet biscuits Recipes Method)

ઓટ્સને 2 ચમચી પાણીમાં પલાળી રાખો.
હવે ગોળમાં થોડું ઘી મિક્સ કરો.
આ મિશ્રણમાં વેનીલા, ફ્લેક્સ મીલ ઉમેરો અને સારી રીતે મિક્સ કરો.
જુવારનો લોટ, ઓટ્સ, બેકિંગ પાવડર અને સોડા બાય કાર્બને મિક્સ કરો.
હવે તમાં સામગ્રીને સારી રીતે મિક્સ કરીને લોટની જેમ બાંધી લો.
હવે આ લોટમાંથી તમારી મનપસંદ શેપમાં બિસ્કિટ બનાવો.
આ બિસ્કિટને 180 ડિગ્રી પર 20 મિનિટ સુધી બેક કરો.

શાહી બરફી (Shahi Barfi)

શાહી બરફી બનાવવાની સામગ્રી (Shahi Barfi Ingredients)

200 ગ્રામ – અખરોટ
200 ગ્રામ – બદામ
300 ગ્રામ – કાજુ
200 ગ્રામ – ફિગ
150 ગ્રામ – ખજૂર
1 ચમચી – ઘી

શાહી બરફી બનાવવાની રીત (Shahi Barfi Recipes Method)

થોડીક બદામના નાના નાના ટુકડા કરી અને બાકીની બદામને બારીક પીસીને પાવડર બનાવી લો.
અંજીરને કાપીને ઝીણા ઝીણા ટુકડા કરો.
ખજૂરને બ્લેન્ડરમાં મેશ કરો.
એક કડાઈમાં ઘી નાખીને અંજીર અને ખજૂરને ધીમા તાપે પકાવો જ્યાં સુધી તે બધા એક રસ ન થઇ જાય. આ પ્રક્રિયામાં 5-10 મિનિટનો સમય લાગશે. મિશ્રણને બહુ વધારે કડક કરવો નહીં.
હવે તેમાં બદામ ઉમેરો અને ગેસ બંધ કરો
બવે એક થાળીમાં ઘી લગાવો. આ મિશ્રણને થાળીમાં નાંખો અને તેને ચમચી વડે વ્યવસ્થિત રીતે ફેલાવી દો.
આ મિશ્રણને ઠંડુ થવા દો અને ડાયમંડ આકારમાં કાપી લો.

બાજરીની ખીર (Millet Kheer)

બાજરીની ખીર બનાવવાની સામગ્રી (Millet Kheer Ingredients)

100 ગ્રામ – આખી બાજરી
150 મીલીગ્રામ – ગાયનું દૂધ
500 મીલીગ્રામ – શેરડીનો રસ
1 ચપટી – કેસર
1 ચપટી – એલચી
2 – લવિંગ
2 ચમચી – બદામના ટુકડા

આ પણ વાંચો | દિવાળી પર સુંદર દેખાવા આ રીતે દહીંનો ઉપયોગ કરો, ફેસ પર તરત જ તહેવારની ચમક દેખાશે

બાજરીની ખીર બનાવવાની રીત (Millet Kheer Recipes Method)

આખી બાજરીને પાણીમાં ધોવો અને 30 મિનિટ માટે પલાળી રાખો.
એક કડાઈમાં ધીમી આંચ પર મૂકો અને તેમાં શેરડીનો રસ નાખો અને તેને ઉકાળો.
હવે તેમાં પલાળેલી બાજરી ઉમેરો.
હવે આ મિશ્રણને સારી રીતે હલાવો અને પછી કડાઇમાં એલચી પાવડર નાખો અને ખીરને ધીમી આંચ પર પકાવવા દો. ખીર કડાઇને તળિયે ચોંટી ન જાય તે માટે સતત હલાવતા રહો.
બાજરી અને શેરડીનો રસ એક રસ મિશ્રણ બને ત્યાં સુધી પકાવો અને પછી તેમાં ડ્રાયફ્રુટ્સના ટુકડા ઉમેરો. એક કે બે મિનિટ માટે પકવો અને પછી ગેસ બંધ કરો દો.
હવે ખીરને ઠંડી થવા દો અને તેમાં દૂધ ઉમેરીને સર્વ કરો.