Malaika Arora Skincare Secret | મલાઈકા અરોરા ની સુંદરતાનું રહસ્ય આ ડ્રીંક, દિવસની શરૂઆત રેટિનોલ જ્યુસથી કરે છે

Malaika Arora Skincare Secret | ઘણા લોકો વિચારી રહ્યા છે કે બોલીવુડની ફિટનેસ આઇકોન અને મોડેલ મલાઈકા અરોરા (Malaika Arora) 51 વર્ષની થયા પછી પણ 30 વર્ષની ઉંમરની ચમકતી ત્વચા અને જોમ કેવી રીતે જાળવી રાખે છે. તે યોગ અને વર્કઆઉટ્સ રેગ્યુલર કરતી રહે છે, મલાઈકાએ તાજેતરમાં તેના ચાહકો સાથે તેનું બ્યુટી સિક્રેટ શેર કર્યું છે.

મલાઈકા અરોરા દરરોજ સવારે રેટિનોલથી ભરપૂર જ્યુસ પીવે છે. તે આપણા ઘરમાં રસોડામાં ઉપલબ્ધ થોડા શાકભાજી અને ફળોનું મિશ્રણ છે. તેમાં રેટિનોલ સીધું ઉમેરવામાં આવતું નથી. તેના બદલે આ જ્યુસ બીટા-કેરોટીન અને એન્ટીઑકિસડન્ટોથી ભરપૂર હોય છે, જે શરીરમાં વિટામિન A માં રૂપાંતરિત થાય છે, જે ત્વચા માટે જરૂરી છે.

રેટિનોલ જ્યૂસ કેવી રીતે બનાવવો?

સામગ્રી

• ગાજર
• નારંગી
• લીંબુ
• કાકડી

મલાઈકાએ ટાઈમ્સ નાઉ ફૂડી સાથેના એક ઇન્ટરવ્યુમાં કહ્યું હતું કે "હું મારા દિવસની શરૂઆત ગાજર, કાકડી, નારંગી અને લીંબુવાળા રેટિનોલ જ્યુસ પીને કરું છું.'' મલાઈકા પોતાની રોગપ્રતિકારક શક્તિ વધારવા માટે હળદર, આદુ, એપલ સાઈડ વિનેગર અને ચપટી કાળા મરીથી બનેલું રોગપ્રતિકારક પીણું પણ પીવે છે.

રેટિનોલ જ્યૂસના ફાયદા

ગાજર : પોષણશાસ્ત્રી ડૉ. યોગિની પાટિલ કહે છે કે ગાજરના રસમાં કેલ્શિયમ, વિટામિન એ, સોડિયમ, પોટેશિયમ અને મેગ્નેશિયમ ભરપૂર માત્રામાં હોય છે, અને તેમાં વિટામિન બી, વિટામિન સી, વિટામિન ડી, વિટામિન ઇ અને વિટામિન કે પણ ઓછી માત્રામાં હોય છે.ગાજરના રસમાં રહેલા બીટા-કેરોટીન અને વિટામિન A બંને શક્તિશાળી એન્ટીઑકિસડન્ટ છે. તેઓ કોષોને નુકસાનથી બચાવવામાં મદદ કરે છે અને હૃદય સંબંધિત ગૂંચવણોનું જોખમ ઘટાડે છે.
કાકડી : કાકડીમાં વિટામિન સી ભરપૂર માત્રામાં હોય છે, જે શરીરમાં પાણી જમા થવાથી રોકે છે અને સોજો ઓછો કરે છે. તે શરીરને હાઇડ્રેટ રાખે છે અને શરીરમાંથી ઝેરી તત્વો દૂર કરે છે. તેમાં ફાઇબર, પોટેશિયમ અને મેગ્નેશિયમ પણ ભરપૂર માત્રામાં હોય છે, જે બ્લડ પ્રેશરના સ્તરને નિયંત્રિત કરવામાં મદદ કરે છે. કાકડી પેટમાં વધારાની ગરમીને દૂર કરવામાં મદદ કરવા માટે જાણીતી છે, જે અન્યથા શ્વાસની દુર્ગંધનું કારણ બની શકે છે.
નારંગી : નારંગી વિટામિન સીનો સમૃદ્ધ સ્ત્રોત છે. તે અલ્ટ્રાવાયોલેટ કિરણોથી ત્વચાને થતા નુકસાનને અટકાવે છે અને ત્વચા પર રક્ષણાત્મક સ્તર બનાવીને પર્યાવરણીય પ્રદૂષણથી પણ ત્વચાનું રક્ષણ કરે છે.