સનસ્ક્રીન લાગવાનું નહિ પરંતુ પીવાનું! તડકામાં ત્વચાને આપશે રક્ષણ

ઉનાળા (Summer) ની ઋતુ શરૂ છે. આકરો તડકો, ગરમી અને ભેજ વાતાવરણમાં જોવા મળે છે. આવી સ્થિતિમાં બહાર નીકળતી વખતે સ્કિનને સૂર્યના કિરણોથી સુરક્ષિત રાખવી જરૂરી છે. સનસ્ક્રીન એક સારો ઓપ્શન છે. જોકે આજકાલ ઇન્ટરનેટ પર એવા સનસ્ક્રીન વિશે ન્યુઝ છે જે પીવાલાયક છે, લગાવવામાં આવતા સનસ્ક્રીન માટે નહીં. સેલિબ્રિટી ન્યુટ્રિશનિસ્ટ પૂજા માખીજા સનસ્ક્રીન પીવાના ફાયદાઓની પ્રશંસા કરે છે અને સમજાવે છે અને કહે છે કે એક્સપર્ટ સ્કિનને સુરક્ષિત રાખવા માટે સનસ્ક્રીન પીવાને વધુ સારો વિકલ્પ માને છે. પરંતુ શું તે ખરેખર યોગ્ય છે?

પીવાલાયક સનસ્ક્રીન અસરકારક છે?

એક્સપર્ટે કહ્યું "ઉનાળાની ઋતુમાં સ્કિનનું રક્ષણ કરવાની જરૂર છે. સૂર્યના હાનિકારક યુવી કિરણો સામે રક્ષણ મેળવવા માટે સનસ્ક્રીન ખૂબ જ મહત્વપૂર્ણ છે. સનસ્ક્રીન એ તમારી સ્કિનને અંદરથી બહારથી સુરક્ષિત રાખવાનું પહેલું પગલું છે. હવે બજારમાં પીવાલાયક સનસ્ક્રીન આવી ગયું છે, જેને સ્કિન પર લગાવવાને બદલે પીવું પડે છે. આ પછી તે શરીરમાં જશે અને સ્કિનને સુરક્ષિત રાખવાનું કામ કરશે."

ઘણી કંપનીઓના મતે 'પી શકાય તેવું સનસ્ક્રીન' શરીરની અંદર એવા તત્વોને સક્રિય કરે છે જે ત્વચાને સુરક્ષિત રાખવાનું કામ કરે છે. આ પીધા પછી તડકામાં સનસ્ક્રીન લગાવવાની જરૂર નથી.

આ પણ વાંચો: મોંઘા ટોનર નહિ, ઘરેજ ગાજરમાંથી બનાવો નેચરલ ટોનર

નિષ્ણાતો પણ પુષ્ટિ કરે છે કે તે સ્કિનને સુરક્ષિત રાખવામાં અસરકારક છે. તેઓ સમજાવે છે, "પીવાનું સનસ્ક્રીન એક પ્રકારનું પ્રવાહી પૂરક છે જેમાં પોષક તત્વો હોય છે. તેમાં પુષ્કળ પ્રમાણમાં એન્ટીઑકિસડન્ટ હોય છે, જે તમારી સ્કિનને સનબર્ન, કાળા ડાઘ, ચહેરા પરના ખીલ અને અકાળ વૃદ્ધત્વ એટલે કે કરચલીઓથી બચાવે છે. તેને ફક્ત એક જ વાર પીવાનું હોય છે, જો તમે ઇચ્છો તો તેને બે વાર પી શકો છો. તે કોઈ ડાઘ છોડતું નથી, ચિંતા કરવાની કોઈ જરૂર નથી! ફક્ત તેને પાણીમાં ભેળવીને પીઓ અને તમે આખો દિવસ સુરક્ષિત રહી શકો છો."

જો પીવાલાયક સનસ્ક્રીનના ફાયદાઓ પર નજર કરીએ તો તેમાં જોવા મળતા એન્ટીઑકિસડન્ટો સ્કિનને અંદરથી પણ સુરક્ષિત રાખે છે. તેમાં હાજર વિટામિન સી અને વિટામિન ઇ સ્કિનને તણાવથી દૂર રાખવા ઉપરાંત તેને કોમળ પણ બનાવે છે. તે વૃદ્ધત્વના સંકેતોને પણ ઘટાડે છે અને ચહેરાને ચમકાવે છે.