આપણામાંથી ઘણા લોકો એવું માની લે છે કે આપણે આપણા રોજિંદા જીવનમાં જે બાબતોને સામાન્ય ગણીએ છીએ તે સંપૂર્ણપણે સલામત છે. પરંતુ સત્ય તદ્દન અલગ છે. ક્યારેક આપણને જે વસ્તુ “સુરક્ષિત” લાગે છે તે આપણા સ્વાસ્થ્ય અને પર્યાવરણ માટે સૌથી હાનિકારક સાબિત થાય છે.
ઘણીવાર જે વસ્તુઓ આપણે સલામત માનીને વાપરીએ છીએ તે ધીમે ધીમે આપણા સ્વાસ્થ્યને નુકસાન પહોંચાડે છે. ચાલો એવી સાત વસ્તુઓ વિશે જાણીએ જે સલામત તરીકે માર્કેટિંગ કરવામાં આવે છે, પરંતુ વાસ્તવમાં ખતરનાક સાબિત થઈ શકે છે.
7 વસ્તુઓ જેને સલામત માણીયે છીએ પણ તે બિલકુલ સલામત નથી
- નોન-સ્ટીક કુકવેર (ટેફલોન) : સરળ રસોઈ માટે નોન-સ્ટીક કુકવેર પસંદ કરવામાં આવે છે. જો કે, જ્યારે વધુ પડતું ગરમ કરવામાં આવે છે, ત્યારે તે ઝેરી વાયુઓ છોડે છે જે કેન્સર અને હોર્મોનલ અસંતુલન જેવા રોગો સાથે સંકળાયેલા છે.
- હેન્ડ સેનિટાઇઝર : કોવિડ-19 પછી હેન્ડ સેનિટાઇઝર આપણા જીવનનો એક આવશ્યક ભાગ બની ગયું છે. જોકે કેટલાક સેનિટાઇઝરમાં મિથેનોલ અથવા બેન્ઝીન જેવા ઘટકો જોવા મળ્યા છે, જેના પર ઘણા દેશોમાં પ્રતિબંધ મૂકવામાં આવ્યો છે.
- નળનું પાણી : આપણે નળના પાણીને શુદ્ધ માનીએ છીએ, પરંતુ ઘણા વિસ્તારોમાં, પાણીમાં સીસું અને PFAS (ફોરએવર કેમિકલ્સ) ની થોડી માત્રા હોય છે, જે શરીર માટે અત્યંત હાનિકારક છે.
- પ્લાસ્ટિકના કન્ટેનરમાં ખોરાક ગરમ કરવો : પ્લાસ્ટિકના કન્ટેનર માઇક્રોવેવમાં ગરમ કરવા એ સામાન્ય બાબત છે. જોકે, આનાથી ખોરાકમાં માઇક્રોપ્લાસ્ટિક અને હાનિકારક રસાયણો ભળી શકે છે, જેના કારણે હોર્મોનલ ડિસઓર્ડર અને અન્ય સ્વાસ્થ્ય સમસ્યાઓ થઈ શકે છે.
- ફોન સ્ક્રીનની બ્લ્યુલાઇટ : મોબાઇલ, લેપટોપ અને ટીવી સ્ક્રીનમાંથી નીકળતો બ્લ્યુલાઇટ ઊંઘની ક્વોલિટીને બગાડે છે, મેલાટોનિનને ઘટાડે છે અને આંખોની વૃદ્ધત્વને વેગ આપે છે.
- એરફ્રેશનર : સુગંધવાળું ઘર કોને ન ગમે? પરંતુ એર ફ્રેશનર્સમાં રહેલા ફેથેલેટ્સ અને VOCs શ્વસન સમસ્યાઓ, અસ્થમા અને હોર્મોનલ અસંતુલનનું કારણ બની શકે છે.
- ઓક્સિબેન્ઝોન ધરાવતા સનસ્ક્રીન: સૂર્ય સુરક્ષા માટે ઉપયોગમાં લેવાતા ઘણા સનસ્ક્રીનમાં ઓક્સિબેન્ઝોન જોવા મળે છે. તે હોર્મોનલ સમસ્યાઓનું કારણ બની શકે છે અને પર્યાવરણ માટે પણ હાનિકારક છે.
