Batata Bhungla Receipe In Guajrati : ભૂંગળા બટાકા પ્રખ્યાત ગુજરાતી વાનગી છે. ભાવનગરના ગ્રીન ભૂંગળા બટાકા અને બોટાદના તીખા અને લાલ ચટાકેદાર ભૂંગળા બટાકા ફેમસ છે. નાના બાળકોથી લઇ મોટા વ્યક્તિ દરેકને ભૂંગળા બટાકા ખાવા ગમે છે. જો તમને પણ બટાકા ભૂંગળા ખાવાના શોખીન છો, ઘરે સરળતાથી આ વાનગી બનાવી શકાય છે. અહીં ચટાકેદાર કાઠીયાવાડી ભુંગળા બટાકા બનાવવાની બે અલગ અલગ રેસીપી આપી છે. ચાલો જાણીયે સ્ટેપ બાય સ્ટેપ ગ્રીન ભૂંગળા બટાકા અને લાલ ચટાકેદાર ભૂંગળા બટાકા બનાવવાની રીત.
Bhungla Batata Receipe In Guajrati : ભાવનગર સ્ટાઇલમાં ભૂંગળા બટાકા રેસીપી
ભૂંગળા બટાકા બનાવવાની રીત 3 સ્ટેપમાં હોય છે. જેમા સૌથી પહેલા બાફેલા બટાકા મસાલામાં કોટિંગ કરો, મસાલા બનાવવો અને ભૂંગળા તેલમાં તળવા.
ભૂંગળા બટાકા બનાવવા માટે સામગ્રી
બાફેલા બટાકા મસાલામાં કોટિંગ કરવાની સામગ્રી
- બટાકા – 1 કિલો (નાની સાઇઝના)
- કાશ્મીર લાલ મરચું પાઉડર – 1 ચમચી
- મીઠું -1 ચમચી –
- તેલ – 1 ચમચી
- હિંગ – 1 ચમચી
- હળદર પાઉડર – 1 ચમચી
- સંચળ પાઉડર – 1ચમચી
- લીંબનો રસ – 1 ચમચી
ભૂંગળા બટાકા માટે લાલ ચટણી બનાવવાની સામગ્રી
- લસણની ચટણી
- લસણ – 15 થી 20 કળી
- આદું – 1 નાનો ટુકડો
- ધાણા જીરું પાઉડર – 2 ચમચી
- લાલ મરચું પાઉડર – 2 ચમચી
- મીઠું – 1 નાની ચમચી
- ખાંડ – 1 નાની ચમચી
- લીંબુનો રસ – 1 ચમચી
- શેકેલા સીંગદાણા – 3 ચમચી
- પાણી – 1/4 કપ
ગ્રીન ભૂંગળા બટાકા માટે લાલ ચટણી બનાવવાની સામગ્રી
- લીલી ચટણી
- કોથમીર – 1 મોટી વાટકી
- ફુદીનો – 1/2 વાટકી
- લીલા મરચા – 4 થી 5 નંગ
- આદુ – 1 નાનો ટુકડો
- લસણ – 10 થી 15 કળી
- મીઠું – સ્વાદ મુજબ
- સંચળ પાઉડર – 1 ચમચી
- લીંબુનો રસ – 1 ચમચી
- ખાંડ – 1 ચમચી
- ચાટ મસાલો પાઉડર – 1 ચમચી
- દાળીયા – 2 ચમચી
- પાણી – 1/4 કપ
Bhungla Batata Receipe In Guajrati : ભૂંગળા બટાકા બનાવવાની રીત
ભૂંગળા બટાકા બનાવવા માટે સૌથી પહેલા નાના કદના બટાકા કુકરમાં પાણી નાંખી બાફો. બટાકા બાફતી વખતે પાણીમાં મીઠું ઉમેરવું જોઇએ. તેનાથી બાફેલા બટાકા ખાતી વખતે મોળા લાગતા નથી. બટાકા બફાઇ ગયા બાદ છાલ કાઢી લો.
હવે એક મોટા બાઉલમાં કાશ્મીરી લાલ મરચું પાઉડર, 1 ચમચી તેલ અને સ્વાદ અનુસાર મીઠું ઉમેરી પાતળી પેસ્ટ બનાવી લો. તેમા બાફેલા બટાકા ઉમેરો, પછી બધી સામગ્રી મિક્સ કરી બટાકા પર મસાલાને બરાબર કોટિંગ કરી દો.
ભૂંગળા બટાકા માટે લસણની ચટણી બનાવો
એક મિક્સર જારમાં 15 થી 20 લસણની કળી, આદુંનો 1 નાનો ટુકડો, 1 ચમચી લાલ મરચું પાઉડર, 1 ચમચી ધાણા જીરું પાઉડર, 1 ચમચી ખાંડ, 1 ચમચી લીંબુનો રસ, અડધી વાટકી શેકેલા સીંગદાણા અને 1/4 કપ પાણી નાંખી પેસ્ટ બનાવો
ભૂંગળા બટાકા માટે ગ્રેવી બનાવો
ગેસ ચાલુ કરી એક કઢાઇમાં 3 -4 ચમચી તેલ ગરમ કરો. તેમા 1 ચમચી હિંગ અને 1 ચમચી હળદર પાઉડર ઉમેરો, પછી તેમા લસણીની ચટણી નાંખી મસાલો ફ્રાય કરો. લસણની ગ્રેવી માંથી તેલ છુંટું પડે ત્યારે મસાલાથી કોટિંગ બાફેલા બટાકા અને લીંબુનો રસ ઉમેરી બધી સામગ્રી બરાબર મિક્સ કરો. બટાકા પર લસણની ચટણી કોટિંગ થવી જોઇએ.
ભૂંગળા તેલમાં તળો
ગેસ ચાલુ એક કઢાઇમાં તેલ ગરમ કરો. તેલ ગરમ થાય એટલે ભૂંગળા તળો. ભૂંગળા તેલમાં તળ્યા બાદ બટર પેપર પર મૂકો, તેથી વધારાનું તેલ શોષાઇ જાય.
બટાકા ભૂંગળા સર્વ કરો
એક પ્લેટમાં તળેલા ભૂંગળા મૂકો. પછી એક બાઉલમાં મસાલા વાળા બટાકા લો, તેની ઉપર તાજા કોથમીરીના પાન ઉમેરી ગાર્નિશ કરો. તૈયાર છે તમારા લાલ ચટાકેદાર ભૂંગળા બટાકા. આવી જ રીતે ગ્રીન ભૂંગળા બટાકા બનાવી શકાય છે. ગ્રીન ભૂંગળા બટાકા બનાવવા માટે લાલા મરચાના બદલે લીલા મરચા, ચટણીમાં લીલું કોથમીર અને ફુદાનાનો પાનનો ઉપયોગ થાય છે.
