Fenugreek Seeds Boiled or Soaked | મેથીનું પાણી કેવી રીતે પીવું જોઈએ? ઉકાળેલું કે રાતભર પલાળીને?

Fenugreek Seeds Water Benefits In Gujarati | મેથી (Fenugreek Seeds) નો ઉપયોગ ઘણી સ્વાસ્થ્ય સમસ્યાઓ માટે કુદરતી ઉપાય તરીકે કરવામાં આવે છે. પાચન સુધારવાથી લઈને બ્લડ સુગરને નિયંત્રિત કરવા અને વજન ઘટાડવા સુધી, મેથીનો ઉપયોગ કરવામાં આવે છે. દિવસની શરૂઆત કરવા માટે મેથીના પાણીને આરોગ્યપ્રદ પીણું માનવામાં આવે છે.

મેથીના પાણીને લઈને ઘણાને એક પ્રશ્ન થાય છે કે શું તમારે તે રાતભત પલાળેલી મેથીનું પાણી પીવું જોઈએ કે મેથી ઉકાળવામાં આવી હોય તે પાણી પીવું જોઈએ?

રાતભર મેથી પલાળેલું પાણી

જ્યારે મેથીના દાણાને આખી રાત પલાળી રાખવામાં આવે છે, ત્યારે તે પાણીમાં દ્રાવ્ય પોષક તત્વો મુક્ત કરે છે. સવારે ખાલી પેટે આ પાણી પીવાથી પાચનમાં સુધારો થશે અને એસિડિટીમાં રાહત મળશે. વધુમાં તે ચયાપચય વધારીને શરીરના વજનને નિયંત્રિત કરવામાં મદદ કરે છે. તે ડાયાબિટીસના દર્દીઓ માટે ફાયદાકારક છે કારણ કે તે બ્લડ સુગર લેવલને સ્થિર રાખે છે.

ઉકાળેલું મેથી પાણી

જ્યારે મેથીને પાણીમાં ઉકાળવામાં આવે છે, ત્યારે વધુ સક્રિય સંયોજનો બહાર કાઢવામાં આવે છે અને આ પીણાના સ્વાસ્થ્ય લાભો વધુ હોય છે. તે ઝેરી તત્વોને બહાર કાઢીને ડિટોક્સિફાઇંગ પીણા તરીકે કાર્ય કરે છે. તે શરદી, ખાંસી અને બળતરામાં ઉત્તમ રાહત આપે છે. તે કોલેસ્ટ્રોલ નિયંત્રણ અને હૃદયના સ્વાસ્થ્યમાં મદદ કરે છે. જોકે, તે દરેક વ્યક્તિ દ્વારા દૈનિક વપરાશ માટે યોગ્ય ન પણ હોય.

મેથી ઉકાળેલું કે રાતભર પલાળેલી મેથીનું પાણી કયું પસંદ કરવું?

મેથીનું પાણી સ્વાસ્થ્ય અને વજન નિયંત્રણ માટે સારું છે. ઉકાળેલું મેથીનું પાણી શરદી અને ખાંસી માટે વધુ અસરકારક છે. બંને ડાયાબિટીસ નિયંત્રણ માટે મદદરૂપ છે. પરંતુ મેથીનું પાણી તેને નિયમિત આદત બનાવવા માટે વધુ સારું છે.