ચોકલેટથી લઇ પીઝા સુધી લકઝરી ફૂડ હિસ્ટ્રી જાણીને તમને થશે આશ્ચર્ય!

જીવનશૈલી | આજે આપણે જે વાનગીઓને લક્ઝરી, સ્ટ્રીટ ફૂડ અથવા કમ્ફર્ટ ફૂડ માનીએ છીએ તે ભૂખ સંતોષવા અથવા ફક્ત ટકી રહેવાના સાધન તરીકે ઉદ્ભવી હતી. ફૂડ ઇતિહાસ દર્શાવે છે કે મોટાભાગની ફેમસ ડીશ સ્વાદ માટે નહીં, પણ જરૂરિયાતથી બનાવવામાં આવી હતી.

રેફ્રિજરેટર પહેલાંની દુનિયામાં, ખરો પડકાર ખોરાકને બગડતો અટકાવવાનો, પેટ ભરવાનો અને બીજા દિવસે સવાર સુધી જીવંત રહેવાનો હતો. જે ઉકેલો બહાર આવ્યા તે આજે વિશ્વના સૌથી પ્રિય ખોરાક બની ગયા છે.

ચોકલેટથી લઇ પીઝા સુધી લકઝરી ફૂડ હિસ્ટ્રી

ચોકલેટ  

આજે ચોકલેટ ખુશી, પ્રેમ અને મીઠાશનું પ્રતીક છે. પરંતુ તે એક સમયે સમગ્ર સભ્યતાના અર્થતંત્રનો આધાર હતો. એઝટેક અને માયા સંસ્કૃતિમાં, કોકો બીન્સનો ઉપયોગ ચલણ તરીકે થતો હતો. તેમને સોના કરતાં વધુ વિશ્વસનીય માનવામાં આવતા હતા, બીન્સ હલકું, ટકાઉ અને સરળતાથી પરિવહન કરી શકાય તેવું.

16 મી સદીના મેસોઅમેરિકામાં એક કોકો બીનમાં ટામેટા અને 100 માં ટર્કી ખરીદી શકાતું હતું. લોકો ચોકલેટ ખાતા નહોતા, પરંતુ તેનો ઉપયોગ કર ચૂકવવા અને બિઝનેસ ચલાવવા માટે કરતા હતા.

પીઝા

આજના લકઝરી પીત્ઝા એક સમયે ગરીબ મજૂરો માટે સસ્તો નાસ્તો હતો. 18 મી સદીના નેપલ્સમાં, પીત્ઝા ફક્ત એક ફ્લેટબ્રેડ હતી જેમાં લસણ, મીઠું, ફેટ થવા ટામેટાં જે કંઈ ઉપલબ્ધ હતું તે બધું જ ઉમેરાતું હતું. 1889 માં રાણી માર્ગેરિટાએ તેનો સ્વાદ ચાખ્યો ત્યાં સુધી અપર ક્લાસ તેને "હલકી કક્ષાનું ભોજન" માનતો હતો. એક શાહી સ્વાદે સ્ટ્રીટ ફૂડને વૈશ્વિક આઇકોનમાં પરિવર્તિત કરી દીધું હતું.

સેન્ડવીચ

આ સેન્ડવીચ કોઈ શેફના રસોડામાં નહીં, પણ જુગારના ટેબલ પર જન્મ્યો હતો. તમને કદાચ ખબર નહીં હોય કે આ સેન્ડવીચનું નામ સેન્ડવીચના ચોથા અર્લ જોન મોન્ટાગુના નામ પરથી રાખવામાં આવ્યું છે. ૧૮મી સદીમાં તે એક ઉત્સાહી જુગારી હતો અને ખાવા માટે કાર્ડ ટેબલ છોડીને જતો જ નહોતો.

તેણે એક ઉકેલ શોધ્યો હતો. તેમણે બે બ્રેડના ટુકડા વચ્ચે માંસ મૂક્યું, હાથ સાફ રાખ્યા અને રમત ચાલુ રાખી. આમ, દુનિયામાં સૌથી સરળ ભોજનની જન્મ થયો. આજે લાખો લોકો જે સેન્ડવિચ ખાય છે તે મૂળભૂત રીતે જુગારીની સગવડનું પરિણામ છે.ફ્રેન્ચ ફ્રાઈસ

ફ્રેન્ચ ફ્રાઈસ કહી શકાય, પરંતુ તેનું મૂળ બેલ્જિયમમાં જાય છે. ૧૬૦૦ ના દાયકામાં, શિયાળામાં નદીઓ થીજી જતી હતી, જેના કારણે ગરીબ પરિવારો માછલીઓથી વંચિત રહેતા હતા.

ત્યારબાદ તેઓએ બટાકાને પાતળા પટ્ટાઓમાં કાપીને, માછલીની જેમ, તળવાનું શરૂ કર્યું. અમેરિકન સૈનિકોએ પ્રથમ વિશ્વયુદ્ધ દરમિયાન આ વાનગીનો સ્વાદ ચાખ્યો હતો. ફ્રેન્ચ બોલતા બેલ્જિયનોને જોયા પછી તેઓએ તેને "ફ્રેન્ચ ફ્રાઈસ" કહેવાનું શરૂ કર્યું હતું.

કોલેસ્ટ્રોલ કંટ્રોલ કરવા ભૂખ્યા રહો છો? ડોકટરે આપી આ ચેતવણી

સુશી

સુશી આજે જાપાનીઝ ભોજન તરીકે લકઝરી માનવામાં આવે છે, પરંતુ તેનો ઉદ્ભવ ફિશને બગાડથી બચાવવાના એક માર્ગ તરીકે થયો હતો. પ્રાચીન દક્ષિણપૂર્વ એશિયા અને જાપાનમાં ફિશને બગડતી અટકાવવા માટે મહિનાઓ સુધી ચોખામાં મીઠું ચડાવેલું અને આથો આપવામાં આવતો હતો.

રસપ્રદ વાત એ છે કે, તે સમયે, ચોખા ફેંકી દેવામાં આવતા હતા, અને ફક્ત સાચવેલી ફિશ જ ખાવામાં આવતી હતી. સુશી, જેને હવે કલા માનવામાં આવે છે, તે એક સમયે ખોરાકની જાળવણી માટે જરૂરી હતી.