Health Tips: ફણગાવેલા મગ પ્રોટીનનું પાવરહાઉસ, એનિમિયા અને કેન્સર જેવા જીવલેણ રોગ સામે આપે રક્ષણ, જાણો ફાયદા

Health Benefits Of Sprouted Moong: જો તમે દિવસની શરૂઆત હેલ્ધી અને શાનદાર બ્રેકફાસ્ટથી કરો છો તો દિવસ અને દિલ બંને ખુશ રહે છે. આ ઉપરાંત આખો દિવસ શરીર પણ સક્રિય રહે છે. સવારનો નાસ્તો સ્વાસ્થ્ય માટે દિવસનો સૌથી મહત્વનો આહાર છે, કારણ કે તે આખા દિવસ માટે શરીરમાં જરૂરી ઉર્જા, પોષણ અને પર્યાપ્ત ઉર્જા પ્રદાન કરે છે. આ સાથે હેલ્થી બ્રેકફાસ્ટ પણ અનેક હેલ્થ પ્રોબ્લેમને ઘટાડવામાં મદદરૂપ સાબિત થાય છે. વહેલી સવારે લીલી મગની દાળ ખાવાથી એનીમિયા સહિત ઘણા સ્વાસ્થ્ય લાભ થાય છે. ચાલો અમે તમને જણાવીએ કે લીલી મગની દાળ ખાવાથી બીજા કયા ફાયદા છે.

સવારના નાસ્તામાં ફણગાવેલા મગ ખાવાથી તમને આયર્ન, પ્રોટીન અને ફાઇબર પૂરતા પ્રમાણમાં મળે છે. આયર્નની ઉણપ દૂર કરવા, પાચનની સમસ્યાઓનો સામનો કરવા અને કેન્સર જેવા જીવલેણ રોગોનું જોખમ ઘટાડવામાં ફણગાવેલા મગ ખૂબ ફાયદાકારક છે.

એનીમિયામાં ફાયદાકારક

ફણગાવેલા મગમાં આયર્ન ભરપૂર માત્રામાં હોય છે. આયર્નની ઉણપને કારણે ખૂબ જ ઝડપથી થાક લાગે છે. આહારમાં પૂરતા પ્રમાણમાં આયર્ન ન મળવાથી શરીરની પ્રવૃત્તિ પર અસર પડી શકે છે અને કઠોળ પૂરતા પ્રમાણમાં નોનહેમ આયર્ન પ્રદાન કરે છે. આ ઉપરાંત આ કઠોળ એનિમિયા માટે ખૂબ જ ફાયદાકારક માનવામાં આવે છે. રોજ એક વાટકી કઠોળ ખાવાથી લાલ રક્તકણો વધારવામાં મદદ મળે છે અને એનિમિયામાં રાહત મળે છે.

હૃદય તંદુરસ્ત રાખે

ફણગાવેલા કઠોળમાં ભરપૂર માત્રામાં ફાઇબર અને ફોલિક એસિડ હોય છે, જે હૃદયને સ્વસ્થ રાખવામાં મદદ કરે છે. અમેરિકન હાર્ટ એસોસિયેશનના જણાવ્યા અનુસાર ફાઇબરનું વધુ પડતું સેવન કોલેસ્ટ્રોલ અને ટ્રાઇગ્લિસરાઇડ્સને ઘટાડે છે, જેનાથી હાર્ટ એટેક અને સ્ટ્રોક જેવા કાર્ડિયોવેસ્ક્યુલર રોગોનું પ્રમાણ ઘટે છે. આ ઉપરાંત સંશોધન એવું પણ દર્શાવે છે કે કઠોળમાં રહેલા પોટેશિયમ, કેલ્શિયમ અને મેગ્નેશિયમ કુદરતી રીતે બ્લડ પ્રેશરનું સ્તર ઘટાડે છે.

કેન્સર સામે રક્ષણ

ફણગાવેલા મગમાં સેલેનિયમ ભરપૂર માત્રામાં હોય છે, જે ટ્યૂમરના વિકાસનો દર ઘટાડે છે અને ચેપ સામે તમારા શરીરની પ્રતિક્રિયામાં સુધારો કરે છે. ડોક્ટરોનું કહેવું છે કે ટી કોશિકાઓ સેલેનિયમની મદદથી જીવલેણ રોગને મારી નાખે છે જે કોલોરેક્ટલ, પ્રોસ્ટેટ, ફેફસાં, મૂત્રાશય, ત્વચા, અન્નનળી અને કેન્સરના દરને ઘટાડે છે. આ સિવાય કઠોળમાં વધુ ફાઇબર કોલોરેક્ટલ કેન્સરનું જોખમ ઘટાડે છે.

(ડિસ્ક્લેમરઃ આ લેખમાં લખેલી સલાહ અને સૂચનો સામાન્ય માહિતી જ છે. કોઈપણ પ્રકારની સમસ્યા અથવા પ્રશ્ન માટે ડોક્ટરની સલાહ લેવી.)