ઓફિસમાં ડેસ્ક જોબ કરનારે વજન કેવી રીતે ઘટાડવું, જાણો 5 સરળ રીત

Smart Tips to Lose Weight with a Desk Job : વજન વધી જાય તો શરીરમાં અનેક પ્રકારની સમસ્યાઓ આવવા લાગે છે. ડેસ્ક જોબ કરનાર લોકોનું વજન જલ્દી વધી જાય છે. કારણે ડેસ્ક જોબ વાળા લોકો 7 થી 9 કલાક ખુરશી પર બેસી રહે છે અને શારીરિક પ્રવૃતિ ઓછી થાય છે. આ કારણે આવા લોકો મેદસ્વીતાનો શિકાર બની રહ્યા છે. 

વજન ઘટાડવા માટે તમે ઓફિસમાં કેટલીક કસરતો અને હેલ્ધી ડાયેટ કરીને વજનને નિયંત્રિત કરી શકો છો. ઓફિસમાં કામ દરમિયાન વધતા વજનને કેવી રીતે ઘટાડી શકો છો. અહીં જણાવી રહ્યા છીએ.

દર અડધા કલાકે ડેસ્ક પરથી ઉભા થાવ 

જો તમે વધતા વજનથી પરેશાન છો તો ઓફિસમાં કલાકો સુધી સિસ્ટમ પર કામ ન કરો. સિસ્ટમથી દર અડધા કલાકે ઉઠીને ચાલો. જો તમે અડધા કલાક પછી સિસ્ટમથી આંખો હટાવી લેશો તો તમારી આંખોને પણ આરામ મળશે અને કમરની મુદ્રા પણ ઠીક રહેશે.

સ્ટ્રેચિંગ એક્સરસાઈઝ કરો 

વજન ઘટાડવું હોય તો ઓફિસમાં દર અડધા કલાકે ખુરશી પરથી ઉઠીને સ્ટ્રેચિંગ એક્સરસાઈઝ કરો. સ્ટ્રેચિંગ એક્સરસાઈઝનો અર્થ એ છે કે તમે ખુરશી પરથી ઉભા થઈને શરીરની મૂવમેન્ટ કરો.

ચા-કોફીનું સેવન ઓછું કરો

જો તમે ઓફિસમાં લાંબા સમય સુધી ડેસ્ક વર્ક કરો છો, તો થાક દૂર કરવા માટે ચા-કોફીનું સેવન ન કરો. ચા અને કોફીનું વધુ પડતું સેવન તમારું વજન વધારી શકે છે. ચા, કોફીને બદલે તમારે તંદુરસ્ત ડિટોક્સ ડ્રિંકનું સેવન કરવું જોઈએ. ડિટોક્સ ડ્રિંક્સ વજન ઘટાડવામાં અસરકારક છે.

આ પણ વાંચો - આ 5 બીજ પેટની સમસ્યાઓમાં અસરકારક સાબિત થઈ શકે છે, કબજિયાત દૂર કરવા માટે ડાયેટમાં સામેલ કરો

ઝડપથી શ્વાસ લો અને છોડો 

જો તમે વજન ઉતારવા માગતા હોવ તો ડેસ્ક પર વચ્ચે વચ્ચે ઝડપથી શ્વાસ લો અને શ્વાસ બહાર કાઢો. ઝડપથી શ્વાસ લેવાથી અને શ્વાસ બહાર કાઢવાથી રક્ત પરિભ્રમણમાં સુધારો થશે અને મેદસ્વીપણું ઓછું થશે.

લંચમાં હેલ્ધી ફૂડને સામેલ કરો

વજન ઓછું કરવું હોય તો લંચમાં હેલ્ધી ફૂડનો સમાવેશ કરો. તેલવાળા અને જંક ફૂડથી બચો. ઓફિસમાં ઓઈલી ખોરાકનું વધુ પડતું સેવન કરવાથી શરીરની ચરબી ઝડપથી વધશે.