5 શાકાહારી ફુડ્સ જેમાં ઇંડા કરતા વધુ પ્રોટીન હોય છે, ડાયેટમાં આવી રીતે કરો સામેલ

High protein vegetarian foods : જેમ શરીરના યોગ્ય વિકાસ અને તેને સ્વસ્થ રાખવા માટે અન્ય પોષક તત્વો જરૂરી છે, તેવી જ રીતે પ્રોટીન પણ જરૂરી છે. ત્વચા, વાળ, નખ, સ્નાયુઓ અને આંતરિક અવયવોના યોગ્ય કાર્યમાં પ્રોટીન મહત્વપૂર્ણ ભૂમિકા ભજવે છે. ઇંડામાં પ્રોટીનની માત્રા ઘણી વધારે હોય છે, જેના કારણે દરેકને નિયમિતપણે 1-2 ઇંડા ખાવાની સલાહ આપવામાં આવે છે. આ સિવાય ચિકન અને માછલીમાં પ્રોટીનની માત્રા પણ ઘણી વધારે હોય છે.

પ્રોટીન સ્નાયુઓને સુધારવામાં અને ઉર્જાનું સ્તર જાળવવામાં મદદ કરે છે. જોકે પ્રોટીન માત્ર ઇંડા, ચિકન અને માછલીમાં જ નહીં પરંતુ ઘણા શાકાહારી ખોરાકમાં પણ સારી માત્રામાં જોવા મળે છે. ICMR-National Institute of Nutrition (nin.res.in) ના મતે દાળ, બદામ, ડેરી ઉત્પાદનો, માછલી, માંસ અને ચિકનમાં પ્રોટીનની સારી માત્રા જોવા મળે છે. ચાલો જાણીએ કે શાકાહારીઓએ પ્રોટીન માટે તેમના આહારમાં કેવી રીતે અને કઈ વસ્તુઓનો સમાવેશ કરવો જોઈએ.

દાળ 

સવારે નાસ્તામાં દાળનું સેવન કરવાથી શરીરમાં પુષ્કળ પ્રમાણમાં પ્રોટીન મળે છે. આ માટે તમે મગની દાળનો ચીલા ખાઈ શકો છો. તમે પલાળેલી મગની દાળને મિક્સરમાં પીસી તેમાં લીલા મરચાં, આદુ અને મીઠું ઉમેરી શકો છો. તેને લસણ અને ટામેટાની ચટણી સાથે ખાઈ શકાય છે.

પનીર ભુરજી અને મલ્ટી ગ્રેઇન રોટલી

સવારના નાસ્તામાં પનીર ભુરજી અને મલ્ટી ગ્રેઇન રોટલી ખાવાથી શરીરને પુષ્કળ પ્રમાણમાં પ્રોટીન મળી શકે છે. તમે ડુંગળી, ટામેટાં, મરચાં, જીરું અને આદુ ઉમેરીને પનીર ભુરજી બનાવી શકો છો. તેને મલ્ટિ-ગ્રેઇન લોટમાંથી બનેલી રોટલી સાથે નાસ્તામાં ખાઈ શકાય છે.

બેસનના ચીલા

દાળ ઉપરાંત ચણામાં પણ પ્રોટીન સારી માત્રામાં જોવા મળે છે. સવારે લીલા શાકભાજી, ડુંગળી અને અજમો મિક્સ કરીને બેસનના ચીલા બનાવી શકો છો. તે પાચન માટે પણ સારા છે.

સ્પ્રાઉટ્સ

સ્પ્રાઉટ્સનું સેવન ફાયદાકારક છે. એક બાઉલમાં ફણગાવેલી મગની દાળ અને ચણા કાઢી તેમાં કાકડી, ડુંગળી, બ્રોકોલી, ટામેટા અને મરચ સાથે અન્ય શાકભાજી મેળવી તેને સલાડ તરીકે સેવન કરી શકો છો.

આ પણ વાંચો - ગેસ અને એસિડિટીથી રાહત મેળવવાનો રામબાણ ઈલાજ, બાબા રામદેવ પાસેથી જાણો

ટોફુ

ટોફુમાં પણ પ્રોટીન સારી માત્રામાં જોવા મળે છે. તમે સવારે નાસ્તામાં તેનું સેવન કરી શકો છો. ટોફુ કાચા, તળેલા અથવા શેકેલા પણ ખાઈ શકાય છે. આ સિવાય ટોફુને સવારના સલાડમાં પણ મિક્સ કરી શકાય છે.