બટાકાથી ડાર્ક સર્કલ્સ કેવી રીતે દૂર કરવા? આ 2 રીતથી અઠવાડિયામાં જોવા મળશે અસર

Potatoes for Dark Circles: આંખો નીચે ડાર્ક સર્કલ એક સામાન્ય સમસ્યા બની ગઈ છે. ઊંઘ ન આવવાને કારણે, ખાવાની ખોટી આદતો અને લાંબા સમય સુધી સ્ક્રીન ટાઇમને કારણે આંખોની નીચે કાળાશ આવી જાય છે.

ડાર્ક સર્કલ્સ માટે બટાટા

જોકે ડાર્ક સર્કલને ઠીક કરવા માટે બજારમાં અનેક પ્રકારની પ્રોડક્ટ ઉપલબ્ધ છે, પરંતુ તે એટલી મોંઘી હોય છે કે તેને વારંવાર ખરીદવી ખૂબ જ મુશ્કેલ હોય છે. ઘણી વખત આ પ્રોડક્ટ્સ ત્વચા માટે ખૂબ જ હાનિકારક હોય છે. જોકે તમે ઓછા ખર્ચે પણ બટાકાની મદદથી તેને ઠીક કરી શકો છો.

બટાકાનો રસ

ડાર્ક સર્કલ માટે બટાકાનો રસ ખૂબ ફાયદાકારક છે. તે કુદરતી બ્લીચની જેમ કામ કરે છે. તમે તેનો ઉપયોગ સરળતાથી કરી શકો છો. આ માટે તમે સૌથી પહેલા એક કાચા બટાકાની છાલ ઉતારીને તેને છીણી લો. હવે તેને સુતરાઉ કપડામાં મૂકી તેનો રસ કાઢી લો.

ત્વચા પર ચમક આવે છે

બટાકાના રસમાં કોટન બોલને ડૂબાડો અને તેને તમારી આંખોની નીચે મૂકો. તેને 15 મિનિટ સુધી આંખોની નીચે રાખો. થોડા સમય પછી ઠંડા પાણીથી ચહેરો ધોઈ લો. તે ત્વચાને ઠંડક આપવાની સાથે-સાથે ડાર્ક સર્કલ્સ ઘટાડવામાં મદદ કરે છે. તેમાં રહેલા એન્ઝાઇમ્સ અને વિટામિન સી ત્વચાને સુધારે છે.

આ પણ વાંચો - જો તમે તમારા ઓશીકા નીચે લસણની કળી રાખી ઊંઘી જાઓ તો શું થાય? જાણો

બટાટા-કાકડીનું મિશ્રણ

બટાકા અને કાકડીનું મિશ્રણ આંખોની નીચેના ડાર્ક સર્કલ્સ માટે ડબલ ફાયદાકારક છે. આ માટે એક નાનું બટાકું અને અડધી કાકડી લો. તે બંનેને છોલીને બ્લેન્ડરમાં પીસી લો અને પેસ્ટ બનાવો. હવે આ પેસ્ટને થોડા સમય માટે ફ્રિજમાં રાખી મૂકો. હવે તેને આંખોની નીચે 15 મિનિટ સુધી લગાવી રાખો. થોડા સમય પછી ઠંડા પાણીથી ચહેરો ધોઈ લો. તેના ઉપયોગથી આંખોનો સોજો પણ ઓછો થાય છે.